សមត្ថកិច្ចឃាត់ខ្លួនជនជួញដូរគ្រឿងញៀន៤នាក់ នៅក្រុងប៉ោយប៉ែត
ខេត្តបន្ទាយមានជ័យ ៖ កាលពីវេលាម៉ោង៨និង០០នាទីយប់ ថ្ងៃទី២៩ មីនា ២០១៧ កម្លាំងអធិការក្រុងប៉ោយប៉ែត បានចុះបង្ក្រាបករណីជួញដូរគ្រឿងញៀនខុសច្បាប់
ខេត្តបន្ទាយមានជ័យ ៖ កាលពីវេលាម៉ោង៨និង០០នាទីយប់ ថ្ងៃទី២៩ មីនា ២០១៧ កម្លាំងអធិការក្រុងប៉ោយប៉ែត បានចុះបង្ក្រាបករណីជួញដូរគ្រឿងញៀនខុសច្បាប់ នៅចំណុចភូមិក្បាលស្ពាន១ សង្កាត់ប៉ោយប៉ែត ក្រុងប៉ោយប៉ែត ខេត្តបន្ទាយមានជ័យ ឃាត់ខ្លួនជនសង្ស័យចំនួនម្នាក់ឈ្មោះ ឡុង អៀប ភេទប្រុស អាយុ២៥ឆ្នាំ ដកហូតបានម្សៅក្រាមសថ្លាចំនួន២ថង់តូច។
តាមការសារភាពរបស់ឈ្មោះ ឡុង អៀប នៅថ្ងៃទី៣០ មីនា ២០១៧ វេលាម៉ោង១០ និង០០នាទីព្រឹក សមត្ថកិច្ចបានបន្តឃាត់ខ្លួនជនសង្ស័យ២ នាក់ទៀត នៅចំណុចភូមិចាន់គីរី សង្កាត់ប៉ោយប៉ែត ក្រុងប៉ោយប៉ែត ខេត្តបន្ទាយមានជ័យ ទី.ឈ្មោះ អ៊ួចណារ៉េត ហៅតុ ភេទប្រុស អាយុ២៣ឆ្នាំ មុខរបរមិនពិតប្រាកដ ទី២.ឈ្មោះ វឿន ស៊ីនិត អាយុ២០ឆ្នាំ ត្រូវជាប្រពន្ធ ដកហូតបានម្សៅក្រាមសថ្លា៤ថង់ ជញ្ជីងសម្រាប់ថ្លឹងថ្នាំញៀន១ ដែកកេះ៤៦ ទុយោ និងថង់សថ្លាមួយចំនួន។
នៅថ្ងៃខែដដែលម៉ោង២និង៣០នាទីរសៀល សមត្ថកិច្ចបន្តឃាត់ខ្លួនជនសង្ស័យម្នាក់ទៀតឈ្មោះ ស្រេង ចាន់រិទ្ធ ភេទប្រុស អាយុ២២ឆ្នាំ នៅចំណុចភូមិអូរជ្រៅ សង្កាត់ប៉ោយប៉ែត ខេត្តបន្ទាយមានជ័យ ដកហូតបានម្សៅក្រាមសថ្លាចំនួន១៤ថង់ ដែកកេះ២ ថង់សថ្លាមួយចំនួន។ សរុបជនសង្ស័យចំនួន៤នាក់ ថ្នាំញៀនប្រភេទម្សៅក្រាមសថ្លាចំនួន២០ថង់ ដបកែច្នៃសម្រាប់ជក់៣ ទុយោ និងថង់សថ្លាសម្រាប់ច្រកគ្រឿងញៀនមួយចំនួន អ្នកទាំង៤នាក់ជាបក្ខពួកតែមួយ៕
ចែករំលែកព័តមាននេះ