ពលករចាញ់បោកមេខ្យល់ឆ្លងដែនខុសច្បាប់ត្រូវអាជ្ញាធរថៃឃាត់ខ្លួន
ខេត្តបន្ទាយមានជ័យ ៖ ពលករខ្មែរជាង30នាក់ត្រូវបានទាហានឈុតខ្មៅថៃឃាត់ខ្លួន
ខេត្តបន្ទាយមានជ័យ ៖ ពលករខ្មែរជាង30នាក់ត្រូវបានទាហានឈុតខ្មៅថៃឃាត់ខ្លួនខណៈពួកគេឆ្លងដែនទៅមកដីថៃខុសច្បាប់តាមច្រករបៀង ក្នុងស្រុកអារញ្ញ ខេត្តស្រះកែវ ប្រទេសថៃឈមទឹកដីកម្ពុជាក្នុងក្រុងប៉ោយប៉ែត ខេត្តបន្ទាយមានជ័យ ។ ពលករទាំងអស់ខាងលើមាន6នាក់ទើបចេញពីកម្ពុជាដោយកាន់លិខិតឆ្លងដែនក្លែងក្លាយក្រៅពីនេះគឺជាពលករទើបវិលត្រឡប់ពីតាមបណ្តាខេត្តក្រុងក្នុងប្រទេសថៃ ។
យ៉ាងណាក៏ដោយពលករទាំងអស់ខាងលើមិនត្រូវបានគេបង្ហើបឲ្យស្គាល់អត្តសញ្ញាណនៅឡើយទេ ព្រោះពេលនេះភាគីថៃកំពុងសួរនាំមិនទាន់បញ្ជូនត្រឡប់ប្រគល់ឲ្យមន្ត្រី និងសមត្ថកិច្ចកម្ពុជានៅឡើយទេ ។
តាមប្រភពពីស្រុកអារញ្ញបានឱ្យដឹងថា ពលករទាំងអស់រួមទាំពលករកាន់លិខិតក្លែងក្លាយពុំមានពលករណាត្រូវបានគេយកទោសពៃឡើយដោយសមត្ថកិច្ចចាត់ទុកថា ពួកគេសុទ្ធតែជាជនរងគ្រោះ និងចាញ់បោកគេ ។ ជាមួយគ្នានេះកងកម្លាំងទាហានថៃក៏បានផ្តាំផ្ញើថា បើពលករវិលត្រឡប់ពីតាមបណ្តាខេត្តក្រុងក្នុងប្រទេសថៃត្រូវទៅស្រុកកំណើតចូលរួមពិធីបុណ្យចូលឆ្នាំថ្មីប្រពៃណីជាតិនាពេលខាងមុខពេលដល់ព្រំដែនគ្មានឯកសារត្រូវទំនាក់ទំនងជាមួយពួកគេ(ទាហាន) គេនឹងជួយមិនត្រូវចាញ់បោកមេខ្យល់ ឬឲ្យគេនាំដើរកាត់ព្រៃឆ្លងដែនប្រថុយប្រថានខុសច្បាប់ ព្រោះវាអាចជួបគ្រោះថ្នាក់ជាយថាហេតុណាមួយ ។
ថ្វីត្បិតតែសមត្ថកិច្ចថៃមានការយោគយល់មិនយកទោសពៃចំពោះពលករ6នាក់ដែលកាន់លិខិតឆ្លងដែនក្លែងក្លាយប៉ុន្តែប្រភពនានានិយាយថា បញ្ហាខាងលើមន្ត្រី និងសមត្ថកិច្ចកម្ពុជាគួរតែហៅពលករទាំ6នាក់នោះសួរនាំដើម្បីឈានទៅវែកមុខអ្នកធ្វើលិខិតក្លែងក្លាយដើម្បីយកមកផ្តន្ទាទោស ៕
ចែករំលែកព័តមាននេះ