រថយន្តដឹកឈើប្រណិតក្រឡាប់គ្មានសមត្ថកិច្ចណាហ៊ានចាប់
ខេត្តរតនគិរី ៖ រថយន្តសាំយ៉ុង១គ្រឿងបានផ្ទុកឈើប្រណិតពេញក្រឡាប់គ្មានសមត្ថកិច្ចណាហានចាប់នោះទេ
ខេត្តរតនគិរី ៖ រថយន្តសាំយ៉ុង១គ្រឿងបានផ្ទុកឈើប្រណិតពេញក្រឡាប់គ្មានសមត្ថកិច្ចណាហ៊ានចាប់នោះទេហេតុការណ៍នេះបានកើតឡើងនៅវេលាម៉ោង២រសៀល ថ្ងៃទី៣០ ខែមីនា ឆ្នាំ២០១៧ នៅលើផ្លូវជាតិលេខ៧៨ ស្ថិតនៅចំណុចចំការដូងប្រេង ភូមិអន្លុងជ័រ ឃុំអន្លុងជ័រ ស្រុកអូរយ៉ាដាវ ។ ក្នុងហេតុការនេះនៅកន្លែងក្រឡាប់រថយន្តដឹកឈើប្រណិតខាងលើគ្មានឃើញសមត្ថកិច្ចទៅធ្វើការវាស់វែង ឬទៅចាប់ឈើឡើយ ។
នៅកន្លែងកើតហេតុសារព័ត៌មានកោះសន្តិភាពបានចុះថតផ្ទាល់រថយន្តក្រឡាប់ម៉ាកសាំយ៉ុងពណ៌ស គ្មានស្លាកលេខ នៅពេលក្រឡាប់នោះម្ចាស់ឡានបានយកតង់គ្រោបពីលើរថយន្តដើម្បីកុំឱ្យអ្នកដំណើរឃើញឈើ និងមានរថយន្តកែច្នៃមកសាងបន្តទៅមុខយ៉ាងរលូនមូលហេតុបណ្តាលឱ្យរថយន្តនេះក្រឡាប់បែកកង់មុខទាំង២ និងមានអ្នកបើកបររថយន្ត និងព្រូរថយន្តជិះក្នុងរថយន្តក៏ប៉ុន្តែមិនបណ្តាលឱ្យរងរបួសធ្ងន់ធ្ងរនោះទេ ។
បើតាមប្រភពព័ត៌មានពីកន្លែងកើតហេតុបានឱ្យដឹងថា រថយន្តខាងលើបានដឹកឈើប្រណិតចេញពីចំណុចដំរីលើកជើងស្ថិតនៅភូមិភ្នំស្វាយ សង្កាត់បឹងកន្សែង ក្រុងបានលុង គោលបំណងយកទៅលក់នៅប្រទេសវៀតណាមតាមច្រករបៀងផ្សេងៗនៅស្រុកអូរយ៉ាដាវ ។ ប្រជាពលរដ្ឋដែលឃើញហេតុការណ៍ផ្ទាល់បានឱ្យដឹងថា ចាប់ពីពេលឡានក្រឡាប់រហូតដល់សាងឈើហើយគ្មានសមត្ថកិច្ចណាមកធ្វើការត្រួតពិនិត្យកំណត់ហេតុនោះទេ ៕
ចែករំលែកព័តមាននេះ