លោកស្រី PARK GEUN HYE ត្រូវចាប់ខ្លួនឃុំឃាំង
អតីតប្រធានាធិបតីកូរ៉េខាងត្បូង លោកស្រី PARK GEUN HYE ត្រូវចាប់ខ្លួនកាលពីថ្ងៃទី៣១ មីនា ក្នុងក្របខណ្ឌនៃរឿងអាស្រូវពុករលួយដែលនាំទៅដល់ការដកហូតតំណែងលោកស្រី ។
អតីតប្រធានាធិបតីកូរ៉េខាងត្បូង លោកស្រី PARK GEUN HYE ត្រូវចាប់ខ្លួនកាលពីថ្ងៃទី៣១ មីនា ក្នុងក្របខណ្ឌនៃរឿងអាស្រូវពុករលួយដែលនាំទៅដល់ការដកហូតតំណែងលោកស្រី ។
លោកស្រី PARK ដែលស្ថិតក្នុងការិយាល័យរដ្ឋអាជ្ញារង់ចាំការសម្រេចរបស់តុលាការនោះត្រូវឃាត់ខ្លួន ហើយនាំទៅកាន់មជ្ឈមណ្ឌលឃុំឃាំងមួយស្ថិតនៅជិតក្រុងសេអ៊ូល។
រឿងនេះកើតមានក្រោយសវនាការបន្តបន្ទាប់ ហើយតុលាការកណ្តាលក្រុងសេអ៊ូលបានចេញដីកាចាប់ខ្លួនប្រឆាំងលោកស្រីពីបទពុករលួយ និងរំលោភបំពានអំណាច ព្រមទាំងពីបទផ្តល់បណ្តាការណ៍សម្ងាត់របស់រដ្ឋាភិបាល ។ ក្នុងសេចក្តីប្រកាសមួយ តុលាការនិយាយថា វាជារឿងត្រឹមត្រូវ ហើយចាំបាច់ត្រូវចាប់ខ្លួន លោកស្រី PARK ព្រោះការចោទប្រកាន់គន្លឹះនានាសុទ្ធតែមានទម្ងន់ ហើយវាមានគ្រោះថ្នាក់នៃការបំផ្លាញបណ្តាភស្តុតាង ។
ការចាប់ខ្លួន និងឃុំឃាំងលោកស្រី PARK បណ្តោះអាសន្នគឺជាដំណាក់កាលអាក្រក់មួយសម្រាប់លោកស្រី ដែលជាប់ឆ្នោតប្រធានាធិបតីកាលពីឆ្នាំ២០១២ ក្នុងសំឡេងច្រើនលើសលុប ។
លោកស្រី PARK ក្លាយជាអតីតប្រធានាធិបតីកូរ៉េខាងត្បូងទី៣ ដែលត្រូវចាប់ឃុំឃាំង ៕
ចែករំលែកព័តមាននេះ