ក្នុងពេលដំណាលគ្នាមានអគ្គិភ័យ២កន្លែងនៅខណ្ឌដង្កោ និងខណ្ឌពោធិ៍សែនជ័យ
រាជធានីភ្នំពេញ ៖ អគ្គិភ័យបានកើតឡើង២កន្លែងនៅក្នុងខណ្ឌចំនួនពីរផ្សេងពីគ្នា ប៉ុន្តែក្នុងពេលដំណាលគ្នាតែមួយ ដែលបានបង្កឲ្យមានការភ្ញាក់ផ្អើលទាំងថ្ងៃ
រាជធានីភ្នំពេញ ៖ អគ្គិភ័យបានកើតឡើង២កន្លែងនៅក្នុងខណ្ឌចំនួនពីរផ្សេងពីគ្នា ប៉ុន្តែក្នុងពេលដំណាលគ្នាតែមួយ ដែលបានបង្កឲ្យមានការភ្ញាក់ផ្អើលទាំងថ្ងៃ
រាជធានីភ្នំពេញ ៖ អគ្គិភ័យបានកើតឡើង២កន្លែងនៅក្នុងខណ្ឌចំនួនពីរផ្សេងពីគ្នា ប៉ុន្តែក្នុងពេលដំណាលគ្នាតែមួយ ដែលបានបង្កឲ្យមានការភ្ញាក់ផ្អើលទាំងថ្ងៃ ហើយទោះបីជាបែបណានគរបាល និងអាជ្ញាធរមូលដ្ឋានខណ្ឌនីមួយៗ បានគ្រប់គ្រងសភាពការណ៍បានទាំងអស់ មិនមានបញ្ហាអ្វីកើតឡើង ដូចជាឆេះរាលដល់ផ្ទះសម្បែងប្រជាពលរដ្ឋ និងអគាររោងចក្រនោះឡើយ។ ទីតាំងទី១ គឺភ្លើងបានឆាបឆេះស្មៅ និងព្រៃនៅក្នុងបរិវេណក្រុមហ៊ុន ឧស្សាហកម្ម ថាយ ហេង ផលិតស័ង្កសី និងទ្វាររមូរ ដែលទីតាំងត្រូវភ្លើងឆេះនោះ ស្ថិតនៅក្នុងភូមិខ្វា សង្កាត់ដង្កោ ខណ្ឌដង្កោ រាជធានីភ្នំពេញ បានបង្កឲ្យមានការភ្ញាក់ផ្អើលកាលពីវេលាម៉ោង១និង១៥នាទីរសៀល ថ្ងៃទី៣០ ខែមីនា ឆ្នាំ២០១៧។
ខណៈនោះអគ្គីភ័យនោះ បានឆាបឆេះស្មៅ និងព្រៃយ៉ាងសន្ធោសន្ធៅ សង្ស័យមានក្មេងៗមួយក្រុមលួចដុត និងបានបង្កឲ្យមានការភ្ញាក់ផ្អើលយ៉ាងខ្លាំង ព្រោះកន្លែងដែលភ្លើងឆេះគឺស្ថិតនៅក្បែរអគាររោងចក្រតែម្ដង។ ប៉ុន្តែក្រោយពីមានការអន្តរាគមន៍ពីសំណាក់អាជ្ញាធរ និងនគរបាលមូលដ្ឋាន ព្រមទាំងរថយន្តពន្លត់អគ្គីភ័យចំនួន៤គ្រឿងទៅបាញ់ពន្លត់ទើបរលត់ទៅវិញទាំងស្រុង មិនបានរាលដាលដល់កន្លែងផ្សេង។ តាមប្រភពព័ត៌មានបានឲ្យដឹងថា នៅមុនពេលភ្លើងឆេះគេបានឃើញមានក្មេងមួយក្រុម ទំនងកូនអ្នកស្រុកភូមិខាងលើ បាននាំគ្នាដើរចូលទៅក្នុងបរិវេណឧស្សាហកម្មនោះ លុះក្រោយមកស្រាប់តែមានភ្លើងឆេះបែបនេះតែម្ដង។ ដែលតាមការសន្និដ្ឋានសង្ស័យក្មេងៗទាំងនោះលួចដុតលេង ហើយខណៈដែលឃើញមានភ្លើងឆេះពួកក្មេងៗខាងលើបាននាំគ្នារត់គេចខ្លួនបាត់ស្រមោលអស់។
ចំណែកម្លាំងអាជ្ញាធរ និងនគរបាលខណ្ឌដង្កោ ក៏បានចេញអន្តរាគមន៍ ហើយខណៈឃើញភ្លើងកំពុងឆាបឆេះយ៉ាងសន្ធោសន្ធៅ ដោយខ្លាចភ្លើងឆេះរាលដល់អគាររោងចក្រ និងផ្ទះសម្បែងប្រជាពលរដ្ឋដែលស្ថិតនៅក្បែរនោះ ក៏បានចេញអន្តរាគមន៏ហៅរថយន្តពន្លត់អគ្គីភ័យចំនួន៤គ្រឿងទៅបាញ់ទឹកពន្លត់រហូតរលត់ទៅវិញទាំងស្រុង មិនមានការឆេះរាលដល់ទីតាំងផ្សេងទៀតឡើយ។
ដោយឡែកអគ្គិភ័យមួយទៀត ក៏បានកើតឡើងនៅក្នុងពេលដំណាលគ្នានោះដែរ នៅក្នុងរោងចក្រកាត់ដេរ មួយកន្លែង យីហោ《ប្រាយស្កាយ》ដែលមានទីតាំងស្ថិតនៅតាមបណ្តោយផ្លូវវេងស្រេង ក្នុងភូមិទួលពង្រ សង្កាត់ចោមចៅ ខណ្ឌពោធិ៍សែនជ័យ រាជធានីភ្នំពេញ និងបានបង្កឲ្យមានការភ្ញាក់ផ្អើល កាលពីវេលាម៉ោង ១និង២០នាទីរសៀល ថ្ងៃទី៣០ ខែមីនា ឆ្នាំ២០១៧ ដែលការឆាបឆេះនោះសង្ស័យបណ្ដាលមកពីឆ្លងចរន្តអគ្គីសនីម៉ាស៊ីនខ្យល់នៅក្នុងរោងចក្រនោះ។
ខណៈនោះអាជ្ញាធរ និងនគរបាលខណ្ឌខាងលើ បានហៅរថយន្តពន្លត់អគ្គីភ័យមកអន្តរាគមន៍ភ្លាមៗ ប៉ុន្តែមិនបានបាញ់ទឹកសូម្បីមួយតំណក់ឡើយ ព្រោះ ក្រុមសន្តិសុខ និងកម្មករនៅទីនោះ បាននាំគ្នាយកបំពង់ពន្លត់អគ្គីភ័យ បាញ់អស់១បំពង់ប៉ុណ្ណោះ ក៏រលត់ទៅវិញ៕
ចែករំលែកព័តមាននេះ