រាជធានីភ្នំពេញ ៖ ក្រុមហ៊ុន Reed Tradex ដែលជាក្រុមហ៊ុនរៀបចំព្រឹត្តិការណ៍ធុរកិច្ចដ៏ធំមួយ នៅក្នុងប្រទេសថៃ ដូចជាពិព័រណ៍ និងវេទិកាធុរកិច្ចផ្សេងៗទៀត បានមកប្រទេសកម្ពុជា និងផ្សព្វផ្សាយពីព្រឹត្តិការណ៍ដែលនឹងត្រូវធ្វើឡើងនៅក្នុងប្រទេសថៃ នៅពាក់
រាជធានីភ្នំពេញ ៖ ក្រុមហ៊ុន Reed Tradex ដែលជាក្រុមហ៊ុនរៀបចំព្រឹត្តិការណ៍ធុរកិច្ចដ៏ធំមួយ នៅក្នុងប្រទេសថៃ ដូចជាពិព័រណ៍ និងវេទិកាធុរកិច្ចផ្សេងៗទៀត បានមកប្រទេសកម្ពុជា និងផ្សព្វផ្សាយពីព្រឹត្តិការណ៍ដែលនឹងត្រូវធ្វើឡើងនៅក្នុងប្រទេសថៃ នៅពាក់កណ្ដាលឆ្នាំ ២០១៧ ខាងមុខនេះដល់វិនិយោគិនកម្ពុជា ដើម្បីចូលរួមក្នុងព្រឹត្តិការណ៍នោះ ស្វែងរកដៃគូវិនិយោគ មកបណ្ដាក់ទុនក្នុងប្រទេសកម្ពុជា ផ្ទាល់តែម្ដង។
កាលពីថ្ងៃទី២ មីនា ២០១៧ ក្រុមហ៊ុនរៀបចំព្រឹត្តិការណ៍មួយនេះ បានរៀបចំសន្និសីទសារព័ត៌មានមួយនៅ សណ្ឋាគារស៊ូហ្វីតែលភ្នំពេញ ភូគីត្រា ផ្សព្វផ្សាយពីព្រឹត្តិការណ៍ដែលនឹងរៀបចំនៅ ថ្ងៃទី២១ ដល់២៤ ខែមិថុនា ២០១៧ នៅទីក្រុងបាងកកប្រទេសថៃ ។
លោកJiravuth Suwann-arj សមាជិកក្រុមប្រឹក្សាក្រសួងពាណិជ្ជកម្មថៃបានឱ្យដឹងថា មន្ទីរផ្សព្វផ្សាយពាណិជ្ជកម្មអន្តរជាតិនៃក្រសួងពាណិជ្ជកម្មថៃ (DITP ) បានផ្សព្វផ្សាយអំពីទំនាក់ទំនងជំនួញរវាងសហគ្រិននៃប្រទេសទាំងពីរ ក្នុងវិស័យឧស្សាហកម្មជាពិសេស ផ្នែកវាយនភណ្ឌ សម្លៀកបំពាក់ កសិកម្មនិងស្វ័យប្រវត្តិកម្ម ផ្នែកកម្មន្តសាលកម្មដែលធ្វើឱ្យវិនិយោគិនបរទេសបានជំរុញឱ្យមានការរីកចម្រើនជាបន្តបន្ទាប់ ។
លោកថា៖« គណៈកម្មការវិនិយោគថៃ នឹងលើកទឹកចិត្តការវិនិយោគតាមរយៈការភ្ជាប់រវាងវិនិយោគិននិងសហគ្រិននៃប្រទេសទាំងពីរ ក្នុងឥរិយាបថដ៏អំណោយ » ។ លោកបន្តថា កម្ពុជាបានបង្ហាញឱ្យឃើញពីការបន្តរីកចម្រើនលូតលាស់យ៉ាងខ្លាំងផ្នែកសម្លៀកបំពាក់ វិស័យសេវាកម្ម និងសំណង់អគារ ។ បន្ទាប់ពីមានការរីកចម្រើនអស់ពីរទស្សវត្សរ៍មក កម្ពុជាបានក្លាយជាប្រទេសដែលមានប្រាក់ចំណូលទាប និង មធ្យម ដែលចំណូលប្រជាជនសរុបប្រមាណ ១០៧០ដុល្លារអាមេរិក ក្នុងមួយឆ្នាំ ក្នុងមួយមនុស្សម្នាក់ ។ ការនាំចេញខាងសម្លៀកបំពាក់ និងស្បែកជើង របស់កម្ពុជាបានកើនឡើង ៩,៤% កាលពីឆមាសទី១ឆ្នាំ ២០១៦ កើនឡើងពីរដងធៀបនឹងឆ្នាំ ២០១៥ ។
លោក Duangdej Yuikwarmdee តំណាងនាយកគ្រប់គ្រងនិងប្រធានផ្នែកលក់នៃក្រុមហ៊ុន Reed Tradex បានឱ្យដឹងថា ព្រឹត្តិការណ៍ថ្ងៃទី ២១ ដល់២៤ មិថុនា ២០១៧ខាងមុខនៅប្រទេសថៃ មិនត្រឹមតែវិនិយោគិនកម្ពុជានោះទេ ដែលនឹងអញ្ជើញចូលរួម តែខាងអ្នករៀបចំក៏នឹងអញ្ជើញវិនិយោគិន ពាណិជ្ជករពីប្រទសផ្សេងទៀតផងដែរ ក្នុងតំបន់អាស៊ាន ដូចជាប្រទេសវៀតណាម ប្រទេសហ្វីលីពីន ប្រទេស ឥណ្ឌូនេស៊ី សាំងហ្កាពួរជាដើម ដូចនេះ វាជាឱកាសមួយដ៏ល្អសម្រាប់វិនិយោគិនពីប្រទេសផ្សេងៗក្នុងការស្វែងរកដៃគូសហការវិនិយោគរួមគ្នា ។
លោកថា ៖« វិនិយោគិនកម្ពុជា អាចមានឱកាសជួបជាមួយពាណិជ្ជករ ពីប្រទេសផ្សេងៗ ជាពិសេសនោះគឺប្រទេសថៃ ដែលជាប្រទេសជិតខាងហើយបង្កើតជំនួញរួមគ្នា បើក្នុងលក្ខខណ្ឌត្រូវរូវគ្នា ពួកគេអាចចាប់ដៃគ្នាបណ្ដាក់ទុនវិនិយោគនៅក្នុងប្រទេសកម្ពុជា ព្រោះខាងប្រទេសថៃ ពេលនេះ ក៏មានបច្ចេកវិទ្យាទំនើបៗ ដែលអាចជួយកម្ពុជាបានផងដែរ» ។
ចែករំលែកព័តមាននេះ