ស្រវឹងស្រាជោកជាំបើកបរម៉ូតូក្នុងល្បឿនលឿនជ្រុលទៅបុកជាមួយម៉ូតូឆ្លងផ្លូវ
ខេត្តប៉ៃលិន ៖ បុរសម្នាក់រងរបួសធ្ងន់ធ្ងរបែកក្បាលហូរឈាមចេញតាមត្រចៀកសន្លប់នៅនឹងកន្លែងត្រូវបានគេដឹកយកទៅសង្គ្រោះនៅមន្ទីរពេទ្យបង្អែកខេត្ត
ខេត្តប៉ៃលិន ៖ បុរសម្នាក់រងរបួសធ្ងន់ធ្ងរបែកក្បាលហូរឈាមចេញតាមត្រចៀកសន្លប់នៅនឹងកន្លែងត្រូវបានគេដឹកយកទៅសង្គ្រោះនៅមន្ទីរពេទ្យបង្អែកខេត្ត
ខេត្តប៉ៃលិន ៖ បុរសម្នាក់រងរបួសធ្ងន់ធ្ងរបែកក្បាលហូរឈាមចេញតាមត្រចៀកសន្លប់នៅនឹងកន្លែងត្រូវបានគេដឹកយកទៅសង្គ្រោះនៅមន្ទីរពេទ្យបង្អែកខេត្ត ខណៈបើកម៉ូតូឌុបកូនប្រុសតូចម្នាក់ចេញពីក្នុងផ្សារបម្រុងឆ្លងផ្លូវត្រឡប់ទៅផ្ទះវិញស្របពេលមានយុវជនពីរនាក់បើកបរម៉ូតូទំនើបម៉ាកMSXក្នុងស្ថានភាពស្រវឹងដោយល្បឿនលឿន ក៏ជ្រុលទៅបុកចំពាក់កណ្តាលម៉ូតូជនរងគ្រោះយ៉ាងពេញទំហឹងបណ្តាលឱ្យរបួសធ្ងន់ស្រាល ។
ហេតុការណ៍ម៉ូតូបុកជាមួយម៉ូតូរបួសធ្ងន់ស្រាលនេះបានកើតឡើងនៅវេលាម៉ោង១២និង១០នាទី ថ្ងៃទី៣០ ខែមីនា ឆ្នាំ២០១៧ ស្ថិតនៅបណ្តោយផ្លូវជាតិលេខ៥៧ ត្រង់ចំណុច ចំណតរថយន្តថ្មី ក្នុងភូមិអូរតាពុកលើ សង្កាត់ប៉ៃលិន ក្រុងប៉ៃលិន ។
ប្រភពព័ត៌មានបានឱ្យដឹងថា ជនរងគ្រោះដែលបើកបរម៉ូតូបម្រុងឆ្លងផ្លូវជាតិនេះមានឈ្មោះ យឿន តាក់ ភេទប្រុស អាយុ២៥ឆ្នាំ រងរបួសបែកក្បាលហូរឈាមចេញពីត្រចៀកធ្ងន់ធ្ងរ ដោយបើកបរម៉ូតូម៉ាកសង់ការ៉េ ពណ៌ក្រហមលាយលឿង អត់ស្លាកលេខ រងការខូចខាតយ៉ាងដំណំ ក្មេងប្រុសដំណើរឈ្មោះ យឿន សៅ ភេទប្រុស អាយុ៦ឆ្នាំ រងរបួសស្រាលត្រូវជាកូនប្រុសជនរងគ្រោះរស់នៅក្នុងក្រុងប៉ៃលិន ។
ចំណែកយុវជនស្រវឹងស្រាបើកបរម៉ូតូក្នុងល្បឿនលឿនឈ្មោះ ជាតិ នី ហៅព្រឹម ភេទប្រុស អាយុ២១ឆ្នាំ រងរបួសស្រាលជាអ្នកបើកបរម៉ូតូម៉ាកMSX ពណ៌សលាយខ្មៅ អត់ស្លាកលេខ និងអ្នករួមដំណើរឈ្មោះ សាន្ត ភេទប្រុស អាយុ២៣ឆ្នាំ រងរបួសស្រាលទាំងពីរនាក់ រស់នៅភូមិស្ទឹងកាច់ ឃុំស្ទឹងកាច់ ស្រុកសាលាក្រៅ ។
ប្រភពព័ត៌មានពីសាក្សីនៅកន្លែងកើតហេតុបានឱ្យដឹងថា មុនពេលកើតហេតុគេឃើញជនរងគ្រោះបើកបរម៉ូតូឌុបកូនប្រុសរបស់ខ្លួនចេញពីក្នុងផ្សារសាមគ្គីហៅប៉ាហ៊ីទិសដៅពីជើងទៅត្បូងបម្រុងឆ្លងផ្លូវជាតិទៅម្ខាងទៀតស្របពេលដែលយុវជនពីរនាក់ស្រវឹងស្រាជោគជាំ បើកបរម៉ូតូក្នុងល្បឿនលឿនតាមបណ្តោយផ្លូវជាតិ ក៏ជ្រុលទៅបុកជនរងគ្រោះចំពាក់កណ្តាលម៉ូតូយ៉ាងពេញទំហឹងលាន់ឮដូចរន្ទះបណ្តាលឱ្យរងរបួសធ្ងន់ស្រាលទាំង៤នាក់តែម្តង ។
សូមបញ្ជាក់ថា ជនរងគ្រោះទាំងសងខាងអត់មានពាក់មួកសុវត្ថិភាពនោះទេដោយបើកបរម៉ូតូខ្វះការប្រុងប្រយ័ត្នទាំងអស់គ្នាផងដែរ តែទោះបីជាយ៉ាងណាក៏ដោយខាងនគរបាលនឹងចាត់ចែងទៅតាមផ្លូវច្បាប់ ៕
ចែករំលែកព័តមាននេះ