អតីតប្រធានាធិបតីកូរ៉េខាងត្បូងរងការគំរាម
អតីតប្រធានាធិបតីកូរ៉េខាងត្បូង លោកស្រី PARK GEUN HYE កាលពីព្រឹកថ្ងៃទី៣០ មីនា បានមកកាន់តុលាការក្រុងសេអ៊ូល ដែលលោកស្រីចូលរួមក្នុងសវនាការពីការចាប់ខ្លួនលោកស្រីជាយថា
អតីតប្រធានាធិបតីកូរ៉េខាងត្បូង លោកស្រី PARK GEUN HYE កាលពីព្រឹកថ្ងៃទី៣០ មីនា បានមកកាន់តុលាការក្រុងសេអ៊ូល ដែលលោកស្រីចូលរួមក្នុងសវនាការពីការចាប់ខ្លួនលោកស្រីជាយថាហេតុក្នុងរឿងអាស្រូវពុករលួយដែលនាំទៅដល់ការដកហូតតំណែងលោកស្រី ។
ក្នុងទឹកមុខស្លេកស្លាំង និងខ្មៅ លោកស្រី PARK ពុំចាប់អារម្មណ៍ចំពោះបណ្តាអ្នកកាសែត និងអ្នកថតរូបដែលចោមរោមនៅខាងក្រៅ តុលាការដែលនៅទីនោះលោកស្រីត្រូវតុលាការចោទសួរច្រើនម៉ោង ។ ការចាប់ខ្លួន និងការឃុំឃាំងលោកស្រីនឹងជាដំណាក់កាលអាក្រក់បំផុតសម្រាប់លោកស្រី PARK ដែលពេលបោះឆ្នោតប្រធានាធិបតីកាលពីឆ្នាំ២០១២ ទទួលបានសំឡេងគាំទ្រយ៉ាងខ្ពស់នាំឱ្យលោកស្រីក្លាយជានារីដំបូងគេកាន់តំណែងកំពូលនៅកូរ៉េខាងត្បូង ។
រឿងអាស្រូវទាក់ទិននឹងមិត្តចាស់ លោកស្រីគឺលោកស្រី CHOI SOON SIL នាំឱ្យលោកស្រីធ្លាក់ចុះនរកបែបនេះ ។ លោកស្រី CHOI ត្រូវកាត់ទោសជាពិសេសពីការឆ្លៀតឱកាសខ្លួនជាមនុស្សជិតដិតជាមួយប្រធានាធិបតី ដើម្បីទាញយកប្រាក់ជាច្រើនលានដុល្លារពីបណ្តាក្រុមហ៊ុនធំៗកូរ៉េខាងត្បូង ។ ការលាតត្រដាងរឿងនេះនាំឱ្យសភាសម្រេចដកហូតតំណែង លោកស្រីដើម្បីដកអភ័យឯកសិទ្ធិរារាំងមិនឱ្យតុលាការស៊ើបអង្កេត ។
ប្រសិនបើតុលាការសម្រេចតាមការទាមទាររបស់អយ្យការនោះ លោកស្រី PARK នឹងក្លាយជាអតីតប្រមុខរដ្ឋទី៣ ត្រូវចាប់ខ្លួនក្នុងរឿងពុករលួយនៅកូរ៉េខាងត្បូង ៕
ចែករំលែកព័តមាននេះ