ខេត្តតាកែវ ៖ កាលពីវេលាម៉ោង៨និង៣០នាទីព្រឹក ថ្ងៃទី៣០ ខែមីនា ឆ្នាំ២០១៧ នៅនាយកដ្ឋានស៊ើបអង្កេត និងអនុវត្តន៍នីតិវិធីនៃអគ្គនាយយកដ្ឋានអន្តោប្រវេសន៍ក្រសួងមហាផ្ទៃបានធ្វើការ
ខេត្តតាកែវ ៖ កាលពីវេលាម៉ោង៨និង៣០នាទីព្រឹក ថ្ងៃទី៣០ ខែមីនា ឆ្នាំ២០១៧ នៅនាយកដ្ឋានស៊ើបអង្កេត និងអនុវត្តន៍នីតិវិធីនៃអគ្គនាយយកដ្ឋានអន្តោប្រវេសន៍ក្រសួងមហាផ្ទៃបានធ្វើការបណ្តេញជនជាតិវៀតណាមចំនួន៥នាក់(ស្រីម្នាក់)ទៅកាន់ប្រទេសកំណើតវិញ ក្រោយពីកម្លាំងនគរបាលគ្រប់គ្រងជនបរទេសខេត្តតាកែវបានរកឃើញពួកគេកំពុងតែលួចចូលមកស្នាកនៅ និងបំពេញការងារដោយខុសច្បាប់ ។
លោកវរសេនីយ៍ឯក សុខ ហេង ប្រធានការិយាល័យនីតិវិធីបានប្រាប់ឱ្យដឹងថា ក្នុងថ្ងៃនេះដែរ ក្នុងនាមរូបលោកតំណាងឱ្យលោកឧត្តមសេនីយ៍ទោ អ៊ុក ហៃសីឡា ប្រធាននាយកដ្ឋានស៊ើបអង្កេត និងអនុវត្តន៍នីតិវិធីបានធ្វើការបណ្តេញជនជាតិវៀតណាមប្រុស-ស្រីចំនួន៥នាក់ ក្នុងនោះមានស្ត្រីម្នាក់ផងដែរចេញទៅកាន់ប្រទេសកំណើតរបស់ពួកគេវិញ។ ការបណ្តេញនេះ ដែរបានធ្វើឡើងក្រោយពីកម្លាំងនគរបាលគ្រប់គ្រងជនបរទេសខេត្តតាកែវបានចាប់បញ្ជូនពួកគេទាំង៥នាក់យកមកប្រគល់ឱ្យកាលពីពេលកន្លងមកនេះក្រោយពីបានរកឃើញថា ពួកគេកំពុងតែលួចចូលមកស្នាក់នៅ និងបំពេញការងារជាកម្មករដោយគ្មានលិខិតស្នាមអ្វីទាំងអស់ ។
លោកក៏បានប្រាប់បន្តទៀតថា ក្នុងប្រតិបត្តិការត្រួតពិនិត្យការស្នាក់នៅ និងបំពេញការងាររបស់ជនបរទេសនៅក្នុងព្រះរាជាណាចក្រកម្ពុជាគឺធ្វើឡើងទៅតាមគ្រប់បណ្តាខេត្ត-ក្រុងទាំង ២៥ និងធ្វើទៅលើគ្រប់ជនជាតិទាំងអស់ ដោយប្រតិបត្តិការនេះដែរធ្វើឡើងដូចភ្លៀងរលឹម និងបន្តធ្វើរហូតទាល់តែអស់ជនបរទេសដែលចូលមកស្នាក់នៅ និងបំពេញការងារដោយខុសច្បាប់នៅក្នុងប្រទេសរបស់យើង ។
ក្នុងពេលនោះដែរលោកក៏បានធ្វើការផ្តាំផ្ញើរប្រាប់ជនជាតិវៀតណាមទាំង៥នាក់នោះថា ប្រសិនបើចង់ចូលមកស្នាក់នៅ និងបំពេញការងារនៅក្នុងប្រទេសកម្ពុជានោះត្រូវតែចូលមកដោយមានលិខិតស្នាមត្រឹមត្រូវ និងមិនត្រូវមានជាលើកទី២ឡើយ បើមិនដូច្នោះទេ និងប្រឈមទៅនឹងការដាក់ទោសដោយជាប់ពន្ធនាគារទៅតាមច្បាប់មិនខាន ៕
ចែករំលែកព័តមាននេះ