ទេស សំខាន់ និង សុខ សុវណ្ណ ដល់ថ្ងៃប៉ះថៃ លើរេញ
រាជធានីភ្នំពេញ ៖ នៅរសៀលថ្ងៃសៅរ៍ទី១ មេសា ប្រដាល់អន្តរជាតិរបស់ក្រុមហ៊ុនខារ៉ាបាវ មិនទាន់មានការប្រកួតដណ្ដើមខ្សែក្រវាត់នៅឡើយទេ បន្ទាប់ពីបានរកឃើញកីឡាករឡាវជាម្ចាស់ជើងឯក គឺ
រាជធានីភ្នំពេញ ៖ នៅរសៀលថ្ងៃសៅរ៍ទី១ មេសា ប្រដាល់អន្តរជាតិរបស់ក្រុមហ៊ុនខារ៉ាបាវ មិនទាន់មានការប្រកួតដណ្ដើមខ្សែក្រវាត់នៅឡើយទេ បន្ទាប់ពីបានរកឃើញកីឡាករឡាវជាម្ចាស់ជើងឯក គឺ
រាជធានីភ្នំពេញ ៖ នៅរសៀលថ្ងៃសៅរ៍ទី១ មេសា ប្រដាល់អន្តរជាតិរបស់ក្រុមហ៊ុនខារ៉ាបាវ មិនទាន់មានការប្រកួតដណ្ដើមខ្សែក្រវាត់នៅឡើយទេ បន្ទាប់ពីបានរកឃើញកីឡាករឡាវជាម្ចាស់ជើងឯក គឺមានតែការប្រកួតជាលក្ខណៈមិត្តភាពដែលមានកីឡាករ ទេស សំខាន់ និងកីឡាករ សុខ សុវណ្ណ ប៉ះគ្នាជាមួយកីឡាករថៃដែលល្បីថាខ្លាំងមិនធម្មតា ។
បើទោះជាបានបញ្ចប់ចំនួន២សប្ដាហ៍មកហើយ តែព្រឹត្តិការណ៍ប្រដាល់អន្តរជាតិដណ្ដើមខ្សែក្រវាត់របស់ក្រុមហ៊ុនភេសជ្ជៈខារ៉ាបាវវគ្គ២បានទទួលការចាប់អារម្មណ៍យ៉ាងខ្លាំងពីស្រទាប់អ្នកស្នេហាកីឡាប្រដាល់ ។ កីឡាករម្នាក់ៗទាំងកម្ពុជា និងបរទេសសុទ្ធតែបានរួមគ្នាធ្វើឱ្យព្រឹត្តិការណ៍ទាំងមូលទទួលបាននូវការគាំទ្រ ក្នុងពេលកីឡាករបរទេសក៏បានរុញឱ្យការប្រកួតមានភាពទាក់ទាញផងដែរ ។ កីឡាករកម្ពុជា ឡុង សុវណ្ណឌឿន នៅតែមានអារម្មណ៍ខកចិត្តក្នុងពេលការប្រកួតវគ្គ១ភាគ៤ និងផ្ដាច់ព្រ័ត្រមិនទទួលបានផ្លែផ្កាតាមការចង់បាន ។ អ្នកខ្លះយល់ថា ពួកគេមិនបានឈ្នះដោយសារតែការប្រកាន់បក្សពួក ប៉ុន្តែក៏មានអ្នកខ្លះយល់ថាពួកគេបរាជ័យព្រោះតែវាយទៅលើគូប្រកួតមិនបានល្អ ធ្វើឱ្យគណៈកម្មការខ្មែរយោងមិនរួចនោះដែរ ។ ក្រុមមន្ត្រីបច្ចេកទេសនៅតែបន្តអះអាងថា ឡុង សុវណ្ណឌឿន ដែលមានឱកាសឡើងប្រកួតនៅវគ្គចុងក្រោយវាយចេញបានច្រើនមែន ប៉ុន្តែបើឱ្យត្រូវចំគោលដៅគឺមិនល្អនោះទេ ទើបធ្វើឱ្យការប្រកួតក្នុងថ្ងៃចុងក្រោយបានត្រឹមខកចិត្ត ហើយស្រែកឡាំប៉ាថា នោះជាលទ្ធផលមិនយុត្តិធម៌ ។ មន្ត្រីរៀបចំការប្រកួតបន្តថា កីឡាករឡាវមានជំហររឹងជាងឆ្ងាយណាស់ ហើយបើទោះជា៣ទឹកដំបូងកីឡាករកម្ពុជាវាយត្រូវច្រើនជាងក្ដី ។
លោក ញាណ សុធី អ្នករៀបចំការប្រកួតបានអះអាងថា ការប្រកួតដណ្ដើមខ្សែក្រវាត់ខាងគណៈកម្មការគ្មានអ្នកណាចង់ឱ្យកីឡាករបរទេសលើកទង់ជាតិ ហើយក្លាយជាម្ចាស់ខ្សែក្រវាត់នោះទេ ប៉ុន្តែមកពីកីឡាករបរទេសគេមានជំហរល្អជាង ហើយម្យ៉ាងក្នុងទឹកចុងក្រោយ កីឡាករកម្ពុជាត្រូវឡាវវាយឡើងត្រដាបត្រដួសផង ទើបខ្សែក្រវាត់អន្តរជាតិធ្លាក់ទៅក្នុងដៃកីឡាករឡាវ ។ លោកថា ក្នុងពេលខាងមុខ ការប្រកួតដណ្ដើមខ្សែក្រវាត់វគ្គ៣ នឹងត្រូវដំណើរការ ប៉ុន្តែលោកមិនមានបំណងដាក់កីឡាករបរទេសដែលមានសមត្ថភាពអន់ៗដើម្បីឱ្យកីឡាករកម្ពុជាបានឈ្នះជើងឯកនោះទេ គឺនៅតែរក្សាជំហរសម្រាំងយកកីឡាករជើងខ្លាំងដដែល ។ លោកថា បើការប្រកួតប្រហាក់ ប្រហែល គណៈកម្មការនៅតែមានជំហរឱ្យកីឡាករកម្ពុជាឈ្នះសម្រាប់ការប្រកួតខ្សែក្រវាត់ ប៉ុន្តែបើទន់ជំហរខ្លាំងពេកដូចករណីឡុង សុវណ្ណឌឿន ប្រកួតវគ្គចុងក្រោយជាមួយកីឡាករឡាវ គឺលោកក៏មិនឯកភាពឱ្យធ្វើជាម្ចាស់ខ្សែក្រវាត់នោះដែរ ។ លោកថា២ទឹកចុងក្រោយ កីឡាករកម្ពុជាចាញ់ប្រៀបកីឡាករឡាវដាច់ឆ្ងាយ ទើបលទ្ធផលការប្រកួតមិនឱ្យគេកាន់ពាន ខណៈលោកក៏ពិតជាមានការសោកស្ដាយ ។
ងាកមកកាន់ការប្រកួតមិត្តភាពនៅថ្ងៃសៅរ៍នេះវិញ លោក ញាណ សុធី បញ្ជាក់ថា កីឡាករទេស សំខាន់ មកពីក្លិបកងពលតូចលេខ៧០ ត្រូវជួបប្រកួតជាមួយកីឡាករថៃឈ្មោះ Vy Rakvath ។ លោកថា កីឡាករកម្ពុជានឹងមិនភ្លាត់ឱ្យចាញ់សម្រាប់ការប្រកួតនេះទេ ដ្បិតថាបើប្រកួតឈ្នះនឹងឡើងក្រេឌីត តែបើចាញ់នឹងរងការរិះគន់ថាប្រកួតធ្លាក់ដៃ ។ លោកថា កីឡាកររូបនេះនឹងត្រូវការឈ្នះដើម្បីលុបលាងភាពអាម៉ាស់ ខណៈដែលកីឡាករថៃក៏ប្រាថា្នចង់ឈ្នះដូចគ្នា ។ កីឡាករថៃត្រូវលោកប្រកាសថា ធ្លាប់ប្រកួត៦៥លើក ឈ្នះ៥២លើក ចាញ់១២លើក និងស្មើ១លើក ក្នុងពេលកីឡាករកម្ពុជាឆ្លងកាត់ការប្រកួតរហូតដល់៨០លើក ឈ្នះ៦៦លើក ចាញ់១០លើក និងស្មើ៤លើក។
សម្រាប់កីឡាករ សុខ សុវណ្ណ លោកញាណ សុធី បញ្ជាក់ថា គេត្រូវឡើងប្រកួតជាមួយកីឡាករថៃឈ្មោះ Thing Phuothon ក្នុងលក្ខណៈមិត្តភាពសម្រាប់ព្រឹត្តិការណ៍អន្តរជាតិខារ៉ាបាវនោះដែរ ។ លោកថា ឆ្លងកាត់ការប្រកួតបានច្រើនលើក លោកក៏មិនទាន់ហ៊ានទុកចិត្តកីឡាករកម្ពុជា១០០ភាគរយនោះដែរ បើទោះជាគេជាជើងខ្លាំងនៅលើសង្វៀន និងឡើងកូដ នោះគឺដោយសារតែកីឡាករកម្ពុជាក៏ខ្លាំងមិនធម្មតា ។ លោកថា កីឡាករថៃធ្លាប់ប្រកួត៧២លើក ឈ្នះ៦២លើក និងចាញ់១០លើក ក្នុងពេលកីឡាករកម្ពុជាធ្លាប់ប្រកួត៧៧លើក ឈ្នះ៥៤លើក ចាញ់១០លើក និងស្មើ៣លើក ទើបលោកមិនហ៊ានទុកចិត្តចំពោះកីឡាករកម្ពុជា ៕
ចែករំលែកព័តមាននេះ