ប្លន់ទៀតហើយ ! ប្លន់អ្នកដូរលុយយកជាង១ម៉ឺនដុល្លារនៅទួលសង្កែ
រាជធានីភ្នំពេញ ៖ អាជីវករដូរនិងវេរលុយម្នាក់បានត្រូវចោរប្លន់ប្រដាប់អាវុធមានគ្នា៣នាក់ ភ្ជក់និងវាយដណ្តើមយកម៉ូតូដែលដាក់លុយក្រោម
រាជធានីភ្នំពេញ ៖ អាជីវករដូរនិងវេរលុយម្នាក់បានត្រូវចោរប្លន់ប្រដាប់អាវុធមានគ្នា៣នាក់ ភ្ជក់និងវាយដណ្តើមយកម៉ូតូដែលដាក់លុយក្រោមកែបយកលុយសរុបជាង១ម៉ឺនដុល្លារនិងម៉ូតូវ៉េវព៌ណខ្មៅ០១គ្រឿង ។ ហេតុការណ៍នេះបានកើតឡើងនៅវេលាម៉ោង៦និង១៥នាទីល្ងាចថ្ងៃទី២៩ មីនា២០១៧ នៅផ្សារហាក់ស្រ៊ាង តូបយីហោ «ស្រីពេជ្រ»ស្ថិតក្នុងក្រុម២ ភូមិបាក់ទូក សង្កាត់ទួលសង្កែ ខណ្ឌប្ញស្សីកែវ ។
បើតាមអ្នកឆ្លើយឆ្លងព័ត៌មានកោះសន្តិភាពបានឲ្យដឹងថា ជនរងគ្រោះឈ្មោះ តឹក វ៉ា ភេទប្រុស អាយុ៦០ឆ្នាំ មានទីលំនៅក្នុងភូមិសាស្ត្រខាងលើ ។ មុនពេលកើតហេតុ ជនរងគ្រោះបានរៀបចំបិទទ្វារតូបនិងយកថង់លុយដាក់ក្រោមកែបម៉ូតូម៉ាកវ៉េវអ៊ីព៌ណខ្មៅ ជិះចេញក្នុងបំណងទៅផ្ទះ ស្រាប់តែលេចមុខចោរម្នាក់ក្នុងចំណោម៣នាក់ធ្វើសកម្មភាពភ្ជង់និងវាយជនរងគ្រោះ រួចបក្ខពួកចោរ២នាក់ទៀតបានមកដណ្តើមម៉ូតូជិះចេញដោយសុវត្ថិភាពមិនរំខានអាជ្ញាធរដែនដីនោះឡើយ ៕
ចែករំលែកព័តមាននេះ