រថយន្តបត់ចូលសាលាអន្តរជាតិត្រូវម៉ូតូមួយគ្រឿងបើកបុកចំពីចំហៀង
រាជធានីភ្នំពេញ ៖ ម៉ូតូមួយគ្រឿងបើកលឿនជ្រុលក៏ចាប់ហ្វ្រាំងមិនទាន់បានទៅបុករថយន្តមួយគ្រឿងដែលបានបត់ចូលក្នុងសាលាអន្តរជាតិ ណតប្រ៊ីត
រាជធានីភ្នំពេញ ៖ ម៉ូតូមួយគ្រឿងបើកលឿនជ្រុលក៏ចាប់ហ្វ្រាំងមិនទាន់បានទៅបុករថយន្តមួយគ្រឿងដែលបានបត់ចូលក្នុងសាលាអន្តរជាតិ ណតប្រ៊ីត បណ្ដាលឱ្យរងរបួសធ្ងន់បង្កការភ្ញាក់ផ្អើលកាលពីវេលាម៉ោង១១យប់ថ្ងៃទី២៨ ខែមីនា ឆ្នាំ២០១៧ ត្រង់ចំណុចមុចក្លោងទ្វារ សាលាអន្តរជាតិ ណតប្រ៊ីត ស្ថិតតាមបណ្ដោយផ្លូវ២០០៤ ស្ថិតក្នុងសង្កាត់ទឹកថ្លា ខណ្ឌសែនសុខ ។
តាមប្រភពព័ត៌មានពីកន្លែងកើតហេតុបានឱ្យដឹងថា មុនពេលកើតហេតុគេឃើញបុរសជនជាតិចិនម្នាក់បើកបររថយន្តមួយគ្រឿងម៉ាក BMW ពណ៌ស បើកក្នុងទិសដៅពីលិចមកកើត លុះមកដល់ចំណុចកើតហេតុរថយន្តបានបត់ឆ្វេងឆ្លងថ្នល់ចូលក្នុងសាលាអន្តរជាតិ ណតប្រ៊ីត តែពេលរថយន្តឆ្លងផ្លូវបានពាក់កណ្ដាល ស្រាប់តែគេឃើញមានម៉ូតូមួយគ្រឿងម៉ាកអាយខន ពណ៌ផ្កាឈូកលាយស ពាក់ស្លាកលេខ ភ្នំពេញ 1AP-7334 បើកបរដោយបុរសម្នាក់មិនស្គាល់អត្តសញ្ញាណបើកក្នុងល្បឿនលឿនក្នុងទិសដៅពីកើតទៅលិចហើយចាប់ហ្វ្រាំងមិនទាន់ក៏ជ្រុលទៅបុកចំទ្វារចំហៀងខាងស្ដាំខាងក្រោយនៃរថយន្តបណ្ដាលឱ្យបែកកញ្ចក់ទ្វារនោះ និងកំពិតទៀតផង ។
ចំណែកឯម៉ូតូខូចខាតផ្នែកខាងមុខហើយម្ចាស់ម៉ូតូរងរបួសធ្ងន់ភ្លាមៗនោះរថយន្តដែលត្រូវម៉ូតូបុកនោះមិនបានបើករត់ចេញពីកន្លែងកើតហេតុនោះទេ គឺបានឈប់ស្ងៀមនៅនិងកន្លែងកើតហេតុហើយមួយសន្ទុះក្រោយមកក៏មានរថយន្តសង្គ្រោះបន្ទាន់មកដឹកជនរងគ្រោះយកទៅសង្គ្រោះនៅគ្លីនិកឯកជនរស្មី ហើយចំណែកម៉ូតូ និងរថយន្តវិញត្រូវខាងសមត្ថកិច្ចខណ្ឌសែនសុខចុះមកវាស់វែង និងអូសរថយន្ត និងម៉ូតូយកទៅរក្សាទុកនៅអធិការដ្ឋានខណ្ឌសែនសុខរងចាំការដោះស្រាយនៅពេលក្រោយ ៕
ចែករំលែកព័តមាននេះ