ខេត្តកណ្ដាល ៖ សេចក្តីរាយការណ៍បានឱ្យដឹងថា កាលពីវេលាម៉ោង១០ និង៥០នាទីយប់ថ្ងៃទី២៩ មីនា ស្ថិតនៅលើផ្លូវជាតិលេខ២១A ក្នុងភូមិកោះគរ ឃុំរកាខ្ពស់ ស្រុកស្អាង ខេត្តកណ្តាល កើតករណីគ្រោះថ្នាក់ចរាចរណ៍មួយករណីទៀត ដោយរថយន្តម៉ាក
ខេត្តកណ្ដាល ៖ សេចក្តីរាយការណ៍បានឱ្យដឹងថា កាលពីវេលាម៉ោង១០ និង៥០នាទីយប់ថ្ងៃទី២៩ មីនា ស្ថិតនៅលើផ្លូវជាតិលេខ២១A ក្នុងភូមិកោះគរ ឃុំរកាខ្ពស់ ស្រុកស្អាង ខេត្តកណ្តាល កើតករណីគ្រោះថ្នាក់ចរាចរណ៍មួយករណីទៀត ដោយរថយន្តម៉ាក
ឡិចស៊ីសRX300 បុកចូលទៅរបងផ្ទះពលរដ្ឋ រួចបន្តទៅបុកបង្គោលភ្លើង២ដើម បណ្តាលឱ្យរថយន្តក្រឡាប់ចាក់មនុស្សចោលពេញផ្លូវ ។
ប្រភពឱ្យដឹងថា អ្នកបើកបរឈ្មោះភិន សុភ័ស្ត ហៅញ៉ាញ់ ភេទប្រុស អាយុ២៩ឆ្នាំ ជាកម្មករអគ្គីសនីស្រុកស្អាង មានទីលំនៅភូមិ
ថ្កុល ឃុំត្រើយស្លា ស្រុកស្អាង ខេត្តកណ្តាល (ស្លាប់នៅកន្លែងកើតហេតុ) ។
ក្នុងរថយន្តនោះ មានអ្នករួមដំណើរ៤នាក់ទៀត ១-ឈ្មោះគង់ សុភ័ក្រ ភេទប្រុស អាយុ៣២ឆ្នាំ ជាអាជីវករ (លក់កាហ្វេ) ទីលំនៅភូមិព្រែកខ្សេវ ឃុំរកាខ្ពស់ ស្រុកស្អាង ខេត្តកណ្តាល (ស្លាប់នៅកន្លែងកើតហេតុ) ២-ឈ្មោះ ស្រេង សេងហៀង ហៅមាន់ ភេទប្រុស អាយុ៣០ឆ្នាំ មុខរបរជាងថតរូប ទីលំនៅភូមិព្រែកបាឡាត់ឆឹង ឃុំត្រើយស្លា ស្រុកស្អាង ខេត្តកណ្តាល (ស្លាប់នៅកន្លែងកើតហេតុ) ។ ៣-ឈ្មោះនាង បញ្ញា ភេទប្រុស អាយុ៣២ឆ្នាំ ទីលំនៅភូមិព្រែកខ្សេវ ឃុំរកាខ្ពស់ ស្រុកស្អាង ខេត្តកណ្តាល (ស្លាប់តាមផ្លូវពេលបញ្ជូនទៅសង្គ្រោះនៅមន្ទីរពេទ្យ) និង៤-ឈ្មោះពៅ ធរ ភេទប្រុស អាយុ២៨ឆ្នាំ ទីលំនៅភូមិលេខ៥ ឃុំស្វាយរលំ ស្រុកស្អាង ខេត្តកណ្តាល (របួសស្រាល) ត្រូវបានប្រពន្ធដឹកយកទៅផ្ទះភ្លាមៗ ។
បន្ទាប់ពីបានពិនិត្យសាកសពរួចរាល់ បានប្រគល់អោយគ្រួសារយកទៅធ្វើបុណ្យតាមប្រពៃណីរៀងៗខ្លួន។ ចំណែកវត្ថុតាងសមត្ថកិច្ចបានយកមករក្សាទុកនៅអធិការដ្ឋាននគរបាលស្រុកស្អាង។
ប្រភពចុងក្រោយដែលទទួលបាន ចំពោះមូលហេតុគឺបណ្តាលមកពីអ្នកបើកបររថយន្តស្រវឹង បន្ទាប់ពីពួកគេបានផឹកស៊ីនៅក្រុងតាខ្មៅរួចក៏បើករថយន្តត្រឡប់មកផ្ទះវិញ លុះមកដល់ចំណុចកើតហេតុ ក៏កើតរឿងនេះតែម្តង។
ចែករំលែកព័តមាននេះ