ខេត្តបាត់ដំបង៖ អគារសាលារៀនចាស់ទ្រុឌទ្រោមចំនួនពីរខ្នង ដែលមួយខ្នងកសាងនៅឆ្នាំ១៩៦៥ និងមួយខ្នងទៀតកសាងនៅឆ្នាំ២០០២នៅក្នុង«វិទ្យាល័យនេតយ៉ង់» បាននិងកំពុងវា.យកម្ទេចចោល និងសាងសង់ជំនួសវិញនូវអគារថ្មីស្រឡាងដែលធ្វើពីថ្មបេតុងមានចំនួន៤៨បន្ទប់ ។ នេះបើតាមលោក អឿម ឃឿម…
ខេត្តបាត់ដំបង៖ អគារសាលារៀនចាស់ទ្រុឌទ្រោមចំនួនពីរខ្នង ដែលមួយខ្នងកសាងនៅឆ្នាំ១៩៦៥ និងមួយខ្នងទៀតកសាងនៅឆ្នាំ២០០២នៅក្នុង«វិទ្យាល័យនេតយ៉ង់» បាននិងកំពុងវា.យកម្ទេចចោល និងសាងសង់ជំនួសវិញនូវអគារថ្មីស្រឡាងដែលធ្វើពីថ្មបេតុងមានចំនួន៤៨បន្ទប់ ។ នេះបើតាមលោក អឿម ឃឿម នាយកវិទ្យាល័យនេតយ៉ង់បានថ្លែងប្រាប់កោះសន្តិភាព នៅរសៀលថ្ងៃទី១៩ តុលា តាមទូរស័ព្ទ ។
លោក អឿម ឃឿម បានថ្លែងថា សម្ដេចក្រឡាហោម ស ខេង និងការអនុញ្ញាតពីសម្ដេចតេជោ ហ៊ុន សែន រួមទាំងមានការយល់ព្រមពីសាច់ញាតិនៃអ្នកកសាងសាលានេតយ៉ង់ កាលពីសម័យមុនផង បានសម្រចវា.យកម្ទេចអគារចំនួនពីរខ្នងនៅក្នុង «វិទ្យាល័យនេតយ៉ង់» ដោយយោងលើអគារសាលារៀនទាំងពីរខ្នងនេះ មានសភាពចាស់ទ្រុឌទ្រោមណាស់ទៅហើយ ។
ប៉ុន្តែជាថ្នូរ សម្ដេចបានឧបត្ថម្ភថវិកាឲ្យសាងសង់អគារថ្មីជំនួសលើទីតាំងចាស់វិញ ដែលមានកំពស់ពីរជាន់និងមានបន្ទប់សិក្សាចំនួន៤៨បន្ទប់ ។ លោកនាយកវិទ្យាល័យបានបញ្ជាក់ថា ពេលនេះ ក្រុមជាងកំពុងសម្រុកប្រើគ្រឿងចក្រវា.យកម្ទេចអគារចាស់ទាំងពីរខ្នងនោះឲ្យរួចរាល់ក្នុងរយៈពេលមួយខែ ដើម្បីចាប់ផ្ដើមសាងសង់អគារថ្មី ដែលធ្វើពីថ្មបេតុង ។ វិទ្យល័យ«នេតយ៉ង់» ជាវិទ្យាល័យដ៏ចំណាស់ជាងគេមួយ ក្នុងចំណោមវិទ្យាល័យដែលមានវ័យចំណាស់បំផុតចំនួនបី ដែលជាថ្នាលបណ្ដុះចំណេះវិជ្ជាដល់សិស្សានុសិស្សគ្រប់ជំនាន់នៅក្នុងខេត្តបាត់ដំបង រហូតដល់សព្វថ្ងៃនេះ ។
វិទ្យាល័យវ័យចំណាស់ចំនួនពីរទៀត គឺវិទ្យាល័យព្រះមុនីវង្ស និងវិទ្យាល័យសម្ដេចឪ ។ វិទ្យាល័យ«នេតយ៉ង់» ស្ថិតនៅផ្ទៃដីទំហំជាងប្រាំហិកតា (៥ហិកតា) នៅក្បែរនិងខាងលិចរង្វង់មូលលោកតាដំបងគ្រញូង នៅចំកណ្ដាលបេះដូងនៃក្រុងបាត់ដំបងតែម្ដង។ អគារសិក្សាវ័យចំណាស់ចំនួនពីរខ្នង ដែលត្រូវវា.យកម្ទេចចោលនោះគឺធ្វើពីថ្មបេតុងដូចគ្នាកម្ពស់ពីរជាន់ដូចគ្នា និងមានបន្ទប់សរុបចំនួន២៦បន្ទប់ ។ នេះបើតាមការបញ្ជាក់ប្រាប់ពីលោក អឿម ឃឿម នាយកវិទ្យាល័យនេតយ៉ង់ ។
លោកនាយកបានបញ្ជាក់បន្ថែមថា អគារទាំងពីរនោះ គឺអគារទី១-អ្នកកសាងឈ្មោះ«អ៊ាប ប៊ួយគី» កសាងនៅឆ្នាំ១៩៦៥ និងអគារទី២-របស់«សម្ដេចហ៊ុន សែន» កសាងនៅឆ្នាំ២០០២។ បើយោងលើប្រវត្តិ នៃការសាងសង់អគារវិទ្យាល័យ«នេតយ៉ង់» និងតាមការបំភ្លឺបន្ថែមខ្លះៗ ពីលោក អឿម
ឃឿម វិទ្យាល័យ «នេតយ៉ង់» នេះ បានកសាងឡើងនៅឆ្នាំ១៩៥៨ ។
ដំបូងមានតែអគារមួយខ្នងស្ថិតចំកណ្ដាល និងផ្នែកខាងមុខនៃបរិវេណវិទ្យាល័យ ដែលអ្នកផ្ដូចដផ្ដើមសប្បុរសជនឈ្មោះ «នេតយ៉ង់» ។ ក្រោយមក ក៏បានសាងសង់អគារចំនួនពីរទៀតអមសាងខាង ដោយសាច់ញាតិរបស់គាត់ ដែលមួយខ្នងកសាងនៅឆ្នាំ១៩៦៥ នៅខាងកើតអគារនេតយ៉ង់ (អគារ អ៊ាបប៊ួយគី កំពុងវាយចោល) និង មួយខ្នងទៀត នៅខាងលិចអគារនេតយ៉ងកសាងនៅឆ្នាំ១៩៦៧ ដែលអគារនេះនៅអាចសិក្សាបានដល់សព្វថ្ងៃ។ លោក អឿម ឃឿម បានប្រាប់ថា វិទ្យាល័យនេតយ៉ង់ មានអគារទាំងថ្មី ទាំងចាស់ចំនួនប្រាំពីរខ្នង តែពេលនេះត្រូវវាយអគារចាស់ចោលចំនួនពីរខ្នង នៅសល់តែប្រាំខ្នងប៉ុណ្ណោះ ។
លោកថា អគារនៅសល់ចំនួនប្រាំខ្នងនេះ មានបន្ទប់សរុបចំនួន៧៨បន្ទប់ ។ ប៉ុន្តែសព្វថ្ងៃ អាចឲ្យសិស្សសិក្សាបានពេញលិញតែចំនួន៤៨បន្ទប់ទេ ខណៈចំនួន៣០បន្ទប់ទៀត ហាក់មានសភាពទ្រុឌទ្រមខ្លះៗដែរទៅហើយ។ ជាពិសេស បន្ទប់នៅអគារចាស់ៗពីរខ្នងសេលសល់ពីសម័យ«នេតយ៉ង់»។ មានតារាងបាល់ទះ បាល់ទាត់ នៅផ្នែកខាងក្រោយ នៃវិទ្យាល័យ និងមានសិស្សកំពុងសិក្សាសព្វថ្ងៃចំនួន២,៨៦៦នាក់ ចាប់ពីថ្នាក់ទី០៧ ដល់ថ្នាក់ទី១២។
លោកនាយកវិទ្យាល័យរូបនេះបានបញ្ជាក់ថា អគារសិក្សាដែលគ្រោងសាងសង់ថ្មី លើទីតាំងចាស់ក្នុងវិទ្យាល័យនេតយ៉ង់ មានកំពស់បួនជាន់ មាន៤៨បន្ទប់នេះ ជាអំណោយរបស់«សម្ដេចក្រឡាហោម ស ខេង និង លោកជំទាវ» ។ ជាមួយនឹងវត្តមានអគារសិក្សាថ្មី ដែលនឹងបង្ហាញរូបរាង ក្នុងពេលដ៏ឆាប់ៗខាងមុននេះ លោក អឿម ឃឿម បានបង្ហាញក្ដីសង្ឃឹម និងពោរពេញដោយមោទនភាពថា «បើយោងលើអគារសិក្សាថ្មី ដែលមានបន្ទប់សិក្សាបន្ថែមរហូតដល់៤៨បន្ទប់ទៀតលើបន្ទប់សិក្សាដែលមានស្រាប់ សម្រាប់បរិមាណសិស្សដែលមានចំនួនប្រហែលសព្វថ្ងៃនេះ ខ្ញុំគិតថា អាចគ្រប់គ្រាន់សម្រាប់ការសិក្សារដល់ត្រិមឆ្នាំ២០៣០ តែលើសពីនេះមិនអាចគ្រប់ទេ ព្រោះសិស្សមានកំណើនកាន់តែច្រើន ដូច្នេះយើងនឹងត្រូវគិតគូបន្ថែមទៀត ។
ប៉ុន្តែយ៉ាងណា រូបខ្ញុំក៏ដូចលោកគ្រូអ្នកគ្រូ និងសិស្សានុសិស្ស នៅវិទ្យាល័យនេតយ៉ង មានមោទនភាពខ្លាំងណាស់ ដែលនឹងទទួលបានអគារសិក្សាថ្មីដ៏ស្រស់ស្អាតក្នុងពេលដ៏ឆាប់ខាងមុខនេះ»៕
ចែករំលែកព័តមាននេះ