រថយន្តប៉ះកង់ចល័តបុកនារីម្នាក់អូសជាង20ម៉ែត្រស្លា.ប់យ៉ាងអាណោចអធ័ម
រាជធានីភ្នំពេញ ៖ តាមសេចក្តីរាយការណ៍បានឱ្យដឹងថាមានរថយន្តដើរប៉ះកង់ចល័តមួយគ្រឿង
រាជធានីភ្នំពេញ ៖ តាមសេចក្តីរាយការណ៍បានឱ្យដឹងថាមានរថយន្តដើរប៉ះកង់ចល័តមួយគ្រឿងបានបើកបុកនារីម្នាក់ដែលដើរតាមផ្លូវពីក្រោយបណ្ដាលឱ្យអូសជាច្រើនម៉ែត្រស្លាប់ភ្លាមៗនៅនឹងកន្លែងកើតហេតុ ដែលហេតុការណ៍នេះបានកើតឡើងកាលពីវេលាម៉ោង១០និង១០នាទីយប់ថ្ងៃទី២៨ ខែមីនា ឆ្នាំ២០១៧ ត្រង់ចំណុចមុខរោងចក្រផលិតចំណីសត្វ CP ស្ថិតក្នុងភូមិវិមានទ្រុង ផ្លូវដួងងៀប២ សង្កាត់ទឹកថ្លា ខណ្ឌសែនសុខ ។
តាមប្រភព័ត៌មានពីកន្លែងកើតហេតុបានឱ្យដឹងថា មុនពេលកើតហេតុគេឃើញនារីជាជនរងគ្រោះខាងលើដើរតែម្នាក់ឯងតាមផ្លូវខាងលើក្នុងទិសដៅពីត្បូងទៅជើងលុះមកដល់ចំណុចកើតហេតុស្រាប់តែមានរថយន្តកូរ៉េមួយតោនកន្លះមួយគ្រឿងដែលដឹកធុងខ្យល់សំរាប់ប៉ះកង់រថយន្តចល័តតាមផ្លូវ ពណ៌ខៀវ គ្មានស្លាកលេខបើកបរដោយបុរសពីនាក់ក្នុងទិសដៅស្របទិសជាមួយនឹងជនរងគ្រោះ ហើយបានជិះទៅបុកនារីរងគ្រោះពីក្រោយអូសនារីរងគ្រោះប្រមាណជា២០ម៉ែត្រ បណ្តាលឱ្យនារីរងគ្រោះខាងលើស្លាប់ភ្លាមៗនៅនឹងកន្លែងកើតហេតុហើយរថយន្តបានជ្រុលទៅបុកលូដែលគេទុកចោលនៅលើចិញ្ចើមផ្លូវបណ្ដាលឱ្យរថយន្តបែកកញ្ចក់មុខខាងស្ដាំទៅមុខលែងរួច ហើយភ្លាមៗនោះអ្នកបើកបររថយន្តបង្ក និងអ្នករួមដំណើរម្នាក់ទៀតបានបើកទ្វាររថយន្តរត់គេចខ្លួនបាត់ស្រមោលបន្សល់ទុកតែរថយន្តបង្កនៅនឹងកន្លែងកើតហេតុតែប៉ុណ្ណោះ ។
ក្រោយពេលកើតហេតុសមត្ថកិច្ចចរាចរណ៍ខណ្ឌសែនសុខបានចុះមកដល់ចំណុចកើតហេតុហើយបានរាយការណ៍ទៅប្រាប់ជំនាញចរាចរណ៍ជើងគោករាជធានីចុះមកវាស់វែងរថយន្ត និងអូសយកទៅរក្សាទុកនៅស្នងការរាជធានីភ្នំពេញរងចាំការចាត់ការតាមនីតិវិធី ៕
ចែករំលែកព័តមាននេះ