រាជធានីភ្នំពេញ ៖ បុរសកូរ៉េ៥នាក់ ត្រូវកម្លាំងនគរបាលនៃអធិការដ្ឋាននគរបាលខណ្ឌចំការមនចាប់ខ្លួនបញ្ជូនទៅតុលាការ ក្រោយពីពួកគេនាំគ្នាទៅចូលផឹកស៊ីស្រវឹងស្រាយ៉ាងជោកជាំហើយ ក្លាយជាជម្លោះវាយតប់គ្នារងរបួសរៀងៗខ្លួន ស្ថិតនៅក្នុងខារ៉ាអូខេ
រាជធានីភ្នំពេញ ៖ បុរសកូរ៉េ៥នាក់ ត្រូវកម្លាំងនគរបាលនៃអធិការដ្ឋាននគរបាលខណ្ឌចំការមនចាប់ខ្លួនបញ្ជូនទៅតុលាការ ក្រោយពីពួកគេនាំគ្នាទៅចូលផឹកស៊ីស្រវឹងស្រាយ៉ាងជោកជាំហើយ ក្លាយជាជម្លោះវាយតប់គ្នារងរបួសរៀងៗខ្លួន ស្ថិតនៅក្នុងខារ៉ាអូខេ «GALAXY» ភ្ញាក់ផ្អើលទាំងព្រឹកនៅវេលាម៉ោង៦ថ្ងៃទី២៩ មីនា នេះ មានទីតាំងផ្ទះលេខ២១B ផ្លូវលេខ២៩៤ ក្រុម១៩ ភូមិ៣ ក្នុងសង្កាត់ទន្លេបាសាក់ ខណ្ឌចំការមន ។
ជនជាតិកូរ៉េទាំង៥នាក់ ១-ឈ្មោះ Kim Yousung អាយុ៣៤ឆ្នាំ ជាបុគ្គលិកកាស៊ីណូណាហ្គាវើលដ៏ កាន់លិខិតឆ្លងដែនលេខ M90381632 ស្នាក់នៅក្នុងខុនដូវ៉ិចធូរៀ ផ្លូវលេខ១១៣ ក្នុងសង្កាត់បឹងព្រលឹត ខណ្ឌ៧មករា ។ ២-ឈ្មោះ Cho Wonchul អាយុ ៣១ឆ្នាំ ជាអ្នកវិនិយោគ កាន់លិខិតឆ្លងដែនលេខ M44093216 ៣-ឈ្មោះ Yoon Dongsoo អាយុ៤៨ឆ្នាំ ជាអ្នកវិនិយោគកាន់លិខិតឆ្លងដែនលេខ M62439214 ពួកគេទាំង២នាក់ស្នាក់នៅផ្ទះលេខ៣១ ផ្លូវលេខ ១១៣ សង្កាត់បឹងព្រលឹត ខណ្ឌ ៧មករា ជាមួយគ្នា ។ ៤-ឈ្មោះ Jung Sungkwon អាយុ៤០ឆ្នាំ មុខរបរអ្នកវិនិយោគ ស្នាក់នៅអាផាតមេន ផ្លូវលេខ៤៩៦ សង្កាត់ផ្សារដើមថ្កូវ ខណ្ឌចំការមន និង៥-ឈ្មោះ Taek Jimchai អាយុ៥១ឆ្នាំ ជាអ្នកវិនិយោគ ស្នាក់នៅក្នុងសង្កាត់ច្រាំងចំរេះ ខណ្ឌឬស្សីកែវ។
មុនពេលកើតហេតុ នៅវេលាម៉ោង១០យប់ថ្ងៃទី២៨ មីនា ជនសង្ស័យទាំង៥នាក់នាំគ្នាមកផឹកស៊ី និងច្រៀងខារ៉ាអូខេក្នុងខាងរ៉ាអូខេយីហោ GALAXY ដោយផឹកស៊ីអស់ស្រាជាច្រើនដប ។ តាមប្រភពបន្តទៀតថា រហូតមកដល់វេលាម៉ោង៦នាទីព្រឹក ថ្ងៃទី២៩ នេះជនសង្ស័យម្នាក់ឈ្មោះ Kim Yousung ស្រវឹងស្រាខ្លាំងជោកជាំបានស្រែកឡូឡា និងអុកឡុកវាយជញ្ជាំង ។ ពេលនោះ មិត្តភក្តិទាងអស់គ្នា ក៏ចូលទៅឃាត់ រួចក៏មានការប្រតាយប្រតប់គ្នាទៅវិញទៅមក បណ្តាលឱ្យបុរសរូបនោះ រងរបួសបែកច្រមុះចេញឈាម និងពីរនាក់ទៀតរងរបួសស្រាល ដោយដាច់រលាត់ដៃជើងតែម្តង។
ក្នុងពេលនោះ ពួកគេបានធ្វើការដេញវាយគ្នាតាំងពីនៅក្នុងខារ៉ាអូខេ រហូតមកដល់ខាងមុខ ហើយក្រុមសន្តិសុខនៅទីនៅ ក៏បានរាយការណ៍ប្រាប់កម្លាំងមានសម្ថកិច្ចនគរបាលខណ្ឌចំការមន ចុះមកចាប់ឃាត់ខ្លួនពួកគេតែម្តង ។
ចែករំលែកព័តមាននេះ