យោងតាមបណ្តារូបភាពផ្កាយរណបពីទីតាំងពិសោធន៍នុយក្លេអ៊ែរកូរ៉េខាងជើង ទទួលបាននាចុងសប្តាហ៍កន្លងទៅនាំឱ្យគេគិតថា ក្រុងព្យុងយ៉ាងពិតណាស់កំពុងបង្ហើយការរៀបចំចុងក្រោយសម្រាប់ការ
យោងតាមបណ្តារូបភាពផ្កាយរណបពីទីតាំងពិសោធន៍នុយក្លេអ៊ែរកូរ៉េខាងជើង ទទួលបាននាចុងសប្តាហ៍កន្លងទៅនាំឱ្យគេគិតថា ក្រុងព្យុងយ៉ាងពិតណាស់កំពុងបង្ហើយការរៀបចំចុងក្រោយសម្រាប់ការសាកល្បងនុយក្លេអ៊ែរលើកទី៦ ។ នេះជាការអះអាងកាលពីថ្ងៃទី២៨ មីនា របស់វេបសាយអាមេរិក 38NORTH ។
វេបសាយនោះដែលតាមដានចំពោះអ្វីដែលកើតមាននៅកូរ៉េខាងជើងរៀបរាប់ថាបណ្តារូបភាពផ្កាយរណបទាំងនេះផ្តល់កាលពីថ្ងៃទី២៥ មីនា នាំឱ្យគេគិតថាបណ្តាខ្សែកាបគមនាគមន៍ត្រូវបានដាក់រាយរហូតដល់រូងក្រោមដីមួយមុនពេលប្រើសម្រាប់ការសាកល្បងនោះ ។ ចំណែកទឹកត្រូវបានបូមចេញពីរូងប្រាកដណាស់ដើម្បីឱ្យរូងនោះនៅតែស្ងួតក្នុងគោលបំណងដាក់សម្ភារត្រួតពិនិត្យគមនាគមន៍ ។
38NORTH បន្តថា សកម្មភាពបែបអស់ទាំងនេះអាចមានន័យថា បណ្តាការរៀបចំសាកល្បងឈានចូលដល់ដំណាក់កាលចុងក្រោយហើយ ។
នាចុងសប្តាហ៍កន្លងទៅ 38NORTH វាយតម្លៃថាបណ្តារថយន្តនិងរថយន្តសណ្តោងមានវត្តមាននៅទីតាំងនោះដែលអាចប្រើបញ្ជូនគ្រាប់នុយក្លេអ៊ែរយកទៅធ្វើការសាកល្បងនៅក្រោមដី ។
កូរ៉េខាងជើងបានធ្វើរួចហើយការសាកល្បងនុយក្លេអ៊ែរ៥លើក និងធ្វើការសាកល្បងមីស៊ីលជាបន្តបន្ទាប់ទោះបីមានទណ្ឌកម្មរបស់ អ.ស.ប រួចបើតាមបណ្តាអ្នកជំនាញការថា ប្រទេសនេះស្វែងរកផលិតបណ្តាមីស៊ីលដែលអាចផ្ទុកក្បាលគ្រាប់នុយក្លេអ៊ែរបាញ់ដល់ដែនដីអាមេរិក ៕
ចែករំលែកព័តមាននេះ