រាជធាននីភ្នំពេញ ៖ បុរសជាអ្នករត់ម៉ូតូឌុបម្នាក់ ត្រូវរថយន្តដឹកដីបើកជែងស្តាំ ទាក់ដៃចង្កូតដួលចូលក្រោមរថយន្ត ហើយកិនបែក ក្បាលស្លាប់នៅនឹងកន្លែង និងស្ត្រីម្នាក់បានរងរបួសធ្ងន់ ត្រូវបញ្ជូនទៅកាន់មន្ទីរពេទ្យកាល់ម៉ែត ។ បន្ទាប់ពីបង្កគ្រោះថ្នាក់រួច រថយន្តបានបើកគេចប្រមាណ១គីឡូម៉ែត្រ ទើបអ្នកបើកចុះរត់ ។
ហេតុការណ៍នេះ កើតឡើងកាលពីវេលាម៉ោង០៣ និង៥០នាទីរសៀលថ្ងៃទី២៨ មីនា ស្ថិតនៅចំណុចផ្លូវជាតិលេខ៥ ក្នុងភូមិលូ សង្កាត់ស្វាយប៉ាក ខណ្ឌប្ញស្សីកែវ ។
ប្រភពឱ្យដឹងថា ជនរងគ្រោះដែលស្លាប់ ពុំទាន់ស្គាល់ឈ្មោះឡើយ ជាអ្នករត់ម៉ូតូឌុប ជិះម៉ូតូសង់សេ១២៥ ពណ.ខ្មៅ ស៊េរីឆ្នាំ២០០៤ ពាក់ស្លាកលេខសៀមរាប 1C-6295 រថយន្តបង្កម៉ាកហ៊ីណូ ពណ៌.ស ពាក់ស្លាកលេខភ្នំពេញ3A-5648 និងស្ត្រីដែលរងរបួសឈ្មោះស៊ូ ណាគ្រី អាយុ៥០ឆ្នាំ (បាក់ជើងខាងឆ្វេង) មានទីលំនៅភូមិស្វាយប៉ាក សង្កាត់ស្វាយប៉ាក ខណ្ឌប្ញស្សីកែវ ។
ប្រភពឱ្យដឹងទៀតថា នៅមុនកើតហេតុ គេឃើញរថយន្ត និងម៉ូតូបើកតាមផ្លូវជាតិលេខ៥ ក្នុងទិសដៅពីជើងមកត្បូងស្របទិសគ្នា។ ខណៈមកដល់ចំណុចកើតហេតុ រថយន្តបើកជែងស្តាំម៉ូតូក៏ទាក់ដៃចង្កូត បណ្តាលឱ្យដួលខ្ទាតជនរងគ្រោះចូលក្រោមកង់ខាងក្រោយ កិនបែកក្បាលធ្លាយខួរស្លាប់ភ្លាមៗនៅកន្លែងកើតហេតុ ។
បន្ទាប់ពីបង្កគ្រោះថ្នាក់ហើយ រថយន្តបានបើកគេច បានប្រមាណ១គីឡូម៉ែត ទើបអ្នកបើកបរឈប់ ចុះរត់បាត់ស្រមោល ។
ចែករំលែកព័តមាននេះ