រវល់ទៅហូបបាយផ្ទះក្មួយ មកវិញឆេះខ្ទេច
រាជធានីភ្នំពេញ ៖ ផ្ទះលក់បាយគុយទាវកាហ្វេត្រូវបានឆ្លងចរន្តភ្លើង បណ្តាលឱ្យឆាបឆេះចេញជាអណ្តាតភ្លើងឡើងខ្មៅហ៊ុយៗ ហើយត្រូវបានប្រជាពលរដ្ឋជួយទាន់ពន្លត់ទាន់កុំអីឆេះម៉ត់សល់ តែគ្មាន
រាជធានីភ្នំពេញ ៖ ផ្ទះលក់បាយគុយទាវកាហ្វេត្រូវបានឆ្លងចរន្តភ្លើង បណ្តាលឱ្យឆាបឆេះចេញជាអណ្តាតភ្លើងឡើងខ្មៅហ៊ុយៗ ហើយត្រូវបានប្រជាពលរដ្ឋជួយទាន់ពន្លត់ទាន់កុំអីឆេះម៉ត់សល់ តែគ្មានអ្នករងរបួសឡើយ ហេតុការណ៍នេះ បង្កឱ្យមានការភ្ញាក់ផ្អើលកាលពីវេលាម៉ោង៨និង៣៥នាទីយប់ ថ្ងៃទី២៧ ខែមីនា ឆ្នាំ២០១៧ ស្ថិតនៅភូមិកាកាប សង្កាត់កាកាប ខណ្ឌពោធិ៍សែនជ័យ។
តាមប្រភពព័ត័មានពីប្រជាពលរដ្ឋបានឃើញហេតុការណ៍បានឱ្យដឹងថា មុនពេលកើតហេតុផ្ទះខាងលើបានបិទទ្វារចេញទៅហូបបាយផ្ទះក្មួយ ដោយភ្លេចបិទទូរទស្សន៍ទុកចោល ចៃដន្យពេលនោះដាច់ប៉ុស្តិ៍ក៏ឮសម្លេង «ឆ» បន្ទាប់មកប្រជាពលរដ្ឋរស់នៅជិតក្បែរកន្លែងកើតនោះឃើញចេញផ្សែងហុយចេញពីក្នុងផ្ទះបានបង្កើតជាអណ្តាតភ្លើងរាលដាលឆ្លងឆេះខ្សែទូរទស្សន៍គ្មានសល់ តែសំណាងល្អប្រជាពលរដ្ឋជួយបាញ់ទឹក និងយកញញួរវាយបំបែកកញ្ចក់ទំលុះទ្វារទាន់ កុំអីរាលដាលឆាបឡើងទៅលើឡៅតឿ។
ម្ចាស់ផ្ទះឈ្មោះ ហ៑ល អ៊ន ភេទស្រី អាយុ៥០ឆ្នាំ មុខរបរលក់បាយកាហ្វេគុយទាវ ស្នាក់នៅភូមិកាកាប សង្កាត់កាកាប ខណ្ឌពោធិ៍សែនជ័យ មានកូនចំនួន៤នាក់ ស្រីម្នាក់ និងប្រុស៣នាក់ មានស្រុកកំនើតនៅកន្លែងកើតហេតុខាងលើ ។
ផ្ទះដែលឆ្លងចរន្តដែលឆេះនោះមានទទឹង៥ម៉ែត្រ និងបណ្តោយ១២ម៉ែត្រ ក្នុងមានរងការខូចខាតតុ កៅអីលក់ ចាន កែវ បន្តិចបន្តួច ភ្លាមៗនោះប្រជាពលរដ្ឋបានទូរស័ព្ទហៅរថយន្តពន្លត់អគ្គីភ័យមកជួយអន្តរាគមន៍មកបាញ់ទឹកដែរ តែត្រូវប្រជាពលរដ្ឋជិតខាងជួយទាន់ពេល នៅវេលាម៉ោង៩និង៣៧នាទីយប់ថ្ងៃដដែល។
ក្រោយពេលកើតហេតុសមត្ថកិច្ចអន្តរាគមន៍ខណ្ឌពោធិ៍សែនជ័យ ចុះទៅដល់ភ្លាមៗ ដោយមិនចាំរង់រថយន្តមកបាញ់ឡើយ ៕
ចែករំលែកព័តមាននេះ