លោក សំ សិរីរតន៍ ផ្តល់រូបចម្លាក់គោជាចំណងដៃក្នុងខេត្តស្វាយរៀង
ខេត្តស្វាយរៀង ៖ លោក សំ សិរីរតន៍ អនុរដ្ឋលេខាធិការក្រសួងពាណិជ្ជកម្ម បានផ្តល់រូបគោធ្វើពីថ្មភក់ទម្ងន់៧តោនជាចំណងដៃ ជូនអាជ្ញាធរ និងប្រជាពលរដ្ឋខេត្តស្វាយរៀង។
ខេត្តស្វាយរៀង ៖ លោក សំ សិរីរតន៍ អនុរដ្ឋលេខាធិការក្រសួងពាណិជ្ជកម្ម បានផ្តល់រូបគោធ្វើពីថ្មភក់ទម្ងន់៧តោនជាចំណងដៃ ជូនអាជ្ញាធរ និងប្រជាពលរដ្ឋខេត្តស្វាយរៀង។
ខេត្តស្វាយរៀង ៖ លោក សំ សិរីរតន៍ អនុរដ្ឋលេខាធិការក្រសួងពាណិជ្ជកម្ម បានផ្តល់រូបគោធ្វើពីថ្មភក់ទម្ងន់៧តោនជាចំណងដៃ ជូនអាជ្ញាធរ និងប្រជាពលរដ្ឋខេត្តស្វាយរៀង។ ការផ្តល់រូបគោ និងរៀបចំដាក់រូបគោនេះធ្វើឡើងនៅវេលាម៉ោង១១និង០០នាទីព្រឹក ដល់ម៉ោង៤និង០០នាទីរសៀល ថ្ងៃទី២៧ មីនា២០១៧ នៅចំណុចសួនច្រមុះជ្រូក ជាប់ផ្លូវជាតិលេខ១ ស្ថិតនៅភូមិថ្មីសង្កាត់សង្ឃ័រ ក្រុងស្វាយរៀង ដឹកនាំក្រុមការងារដោយលោក សំ ប៊ុណ្ណារិន អភិបាលរងខេត្ត និងប្រធានអនុប្រធានមន្ទីរនានា ជាច្រើនរូបផងដែរ។
បើតាមលោក មាក ឆសុវណ្ណារុន ប្រធានមន្ទីរពាណិជ្ជកម្មខេត្តបាន មានប្រសាសន៍ថា ចម្លាក់រូបគោមួយនេះគឺជាអំណោយរបស់ឯកឧត្តម សំ សិរីរតន៍ អនុរដ្ឋលេខាធិការក្រសួងពាណិជ្ជកម្ម ផ្តល់ជាចំណងដៃជូនប្រជាពលរដ្ឋខេត្តស្វាយរៀង ដើម្បីដាក់លម្អសួន និងសម្រាប់ឲ្យភ្ញៀវជាតិ និងអន្តរជាតិ ធ្វើដំណើរតាមដងផ្លូវជាតិលេខ១ ពីក្រុងបាវិតឆ្ពោះទៅរាជធានីភ្នំពេញ មកដល់សួនច្រមុះជ្រូកនេះបានទស្សនា និងបានឃើញរូបគោនេះ គឺដឹងថាដល់ក្រុងស្វាយរៀងហើយ។
លោក មាក ឆសុវណ្ណារុន បានបន្តទៀតថា ខេត្តស្វាយរៀងគឺ មានរូបគោជាតំណាងឲ្យខេត្ត បើយើងធ្វើដំណើរមកពីរាជធានីភ្នំពេញ យើងមានរង្វង់មូលរូបគោ ដែលនៅតាមបណ្តោយផ្លូវជាតិលេខ១ ខាងលិចក្រុងស្វាយរៀងមុននឹងចូលក្រុងស្វាយរៀងទើបម្ចាស់អំណោយផ្តល់រូបគោ ដាក់នៅខាងកើតក្រុងស្វាយរៀងដើម្បីស្វាគមន៍ភ្ញៀវមកពីក្រុងបាវិតឆ្លងកាត់ក្រុងស្វាយរៀងបានដឹង។ សូមបញ្ជាក់រូបគោនេះបានជាវយកមកពីភ្នំខេត្តព្រះវិហារ និងបានដឹកយកមកឲ្យជាងចម្លាក់ ដាប់ឆ្លាក់នៅស្រុកសន្ទុកខេត្តកំពង់ធំ កសាងរូបគោមួយនេះអស់រយៈពេលជិត៣ខែ គឺចាប់ផ្តើមកសាងពីថ្ងៃ១មករា២០៧ ដល់ថ្ងៃទី២៥ មីនា ២០១៧ និងបានដឹកមកដល់ខេត្តស្វាយរៀងនៅថ្ងៃទី២៧ មីនានេះ។
លោក សំ ប៊ុណ្ណារិន អភិបាលរងនៃគណៈអភិបាលខេត្តតំណាងឲ្យលោក ម៉ែនវិបុល អភិបាលខេត្ត បានថ្លែងអរគុណដល់ឯកឧត្តម សំ សិរីរតន៍ អនុរដ្ឋលេខាធិការក្រសួងពាណិជ្ជកម្ម ដែលបានផ្តល់អំណោយរូបគោ ជាចំណងដៃ ដល់អាជ្ញាធរ និងប្រជាពលរដ្ឋខេត្តស្វាយរៀងសូមជូនពរសូមឯកឧត្តម និងលោកជំទាវព្រមទាំងបុត្រ ទទួលបាននូវពុទ្ធពរបួនប្រការគឺអាយុ វណ្ណៈ សុខៈ ពលៈ កុំបីឃ្លៀងឃ្លាតឡើយ៕
ចែករំលែកព័តមាននេះ