ព្យុះយ៉ាងខ្លាំងមួយវាយប្រហារលើអូស្ត្រាលី
ពលរដ្ឋអូស្ត្រាលីជាច្រើនពាន់នាក់ត្រូវបានជម្លៀសចេញពីផ្ទះសម្បែងកាលពីថ្ងៃទី២៧ មីនា ពេលព្យុះយ៉ាងខ្លាំងមួយកំពុងបោកបក់មកជិតដល់បណ្តាទីក្រុងជាប់ឆ្នេរសមុទ្រនៃរដ្ឋ QUEENSLAND ជាមួយ
ពលរដ្ឋអូស្ត្រាលីជាច្រើនពាន់នាក់ត្រូវបានជម្លៀសចេញពីផ្ទះសម្បែងកាលពីថ្ងៃទី២៧ មីនា ពេលព្យុះយ៉ាងខ្លាំងមួយកំពុងបោកបក់មកជិតដល់បណ្តាទីក្រុងជាប់ឆ្នេរសមុទ្រនៃរដ្ឋ QUEENSLAND ជាមួយកម្លាំងខ្យល់ដែលអាចដល់៣០០គ.មក្នុង១ម៉ោង ។
យោងតាមការព្យាករណ៍របស់ទីភ្នាក់ងារឧតុនិយមអូស្ត្រាលីថា ព្យុះឈ្មោះ DEBBIE ត្រូវពង្រឹងកម្លាំង ហើយវាអាចជាព្យុះប្រភេទទី៤ក្នុងចំណោមព្យុះសង្ឃរាទាំង៥ប្រភេទមុនពេលបោកបក់មកដល់ដែនដីនៃរដ្ឋភាគឦសានអូស្ត្រាលីនោះនាថ្ងៃទី២៨ មីនា ។
លោកស្រីANNASTACIA PALASZCZUK នាយករដ្ឋមន្ត្រី QUEENSLAND ថ្លែងថា នោះជាព្យុះយ៉ាងខ្លាំងបំផុតវាយប្រហារលើប្រទេសអូស្ត្រាលីក្រោយពីព្យុះសង្ឃរាឈ្មោះ YASI កាលពីឆ្នាំ២០១១ ។ ព្យុះនោះនឹងមានខ្យល់បោកបក់គួរឱ្យខ្លាចបំផុត ។ កំពង់ផែនានាត្រូវបិទរួចជើងហោះហើរនានារបស់យន្តហោះត្រូវលុបចោល។ ពួកអ្នកឯកទេសព្យាករណ៍ថាព្យុះនោះអាចបំផ្លាញចំការចេក ព្រមទាំងបង្កឱ្យខូចខាតផលដំណាំយ៉ាងច្រើន ៕
ចែករំលែកព័តមាននេះ