បាតុកម្មប្រឆាំងអំពើពុករលួយដែលប្រមូលផ្តុំមនុស្សជាច្រើនពាន់នាក់កើតមានកាលពីថ្ងៃទី២៦ មីនា តាមការអំពាវនាវរបស់មេដឹកនាំប្រឆាំងនឹងវិមានក្រឹមឡាំងលោកអាឡិចសីណាវ៉ានី ។ មេដឹកនាំប្រឆាំងរូបនេះ
បាតុកម្មប្រឆាំងអំពើពុករលួយដែលប្រមូលផ្តុំមនុស្សជាច្រើនពាន់នាក់កើតមានកាលពីថ្ងៃទី២៦ មីនា តាមការអំពាវនាវរបស់មេដឹកនាំប្រឆាំងនឹងវិមានក្រឹមឡាំងលោកអាឡិចសីណាវ៉ានី ។ មេដឹកនាំប្រឆាំងរូបនេះព្រមទាំងបាតុករច្រើនរយនាក់ត្រូវចាប់ខ្លួន ។
ក្រោយការប្រមូលផ្តុំមនុស្សនេះដែលជាការប្រមូលផ្តុំមនុស្សយ៉ាងច្រើនប្រឆាំងលោកវ្ល៉ាឌីមៀរ ពូទីន ពុំធ្លាប់មានចាប់តាំងពីលោកវិលមកកាន់អំណាចវិញកាលពីឆ្នាំ២០១២មក មេដឹកនាំប្រឆាំងរុស្ស៊ីលោកអាឡិចសីណាវ៉ានី និងអ្នកគាំទ្រលោកជាច្រើនរយនាក់ត្រូវចាប់ខ្លួននាថ្ងៃទី២៦ មីនា នៅរុស្ស៊ីក្នុងបាតុកម្មប្រឆាំងអំពើពុករលួយ ។ នៅក្រុងមូស្គូ ដែលមនុស្សច្រើនពាន់នាក់ដើរហែក្បួនតាមមហាវិថីសំខាន់ៗនាកណ្តាលក្រុង ទោះបីមានការហាមឃាត់របស់អាជ្ញាធរមនុស្សយ៉ាងតិច៩៣៣នាក់ត្រូវចាប់ខ្លួន ។ នេះបើតាមអង្គការ OVD-INFO ។ ចំណែកប៉ូលិសរៀបបរាប់ពីការចាប់ខ្លួនមនុស្សប្រមាណជា៥០០នាក់ ហើយលោកណាវា៉នីត្រូវប៉ូលិសចាប់ខ្លួនគ្រាន់តែចេញពីមេត្រូភ្លាម ។
លោកអាឡិចសីណាវ៉ានី ដែលចង់ប្រជែងជាមួយលោកវ្ល៉ាឌីមៀរ ពូទីន ក្នុងការបោះឆ្នោតប្រធានាធិបតីនាដើមឆ្នាំ២០១៨ត្រូវជាប់ឃុំមួយយប់មុនពេលបង្ហាញខ្លួនចំពោះមុខចៅក្រមមួយរូបនាថ្ងៃទី២៧ មីនា ។ មេដឹកនាំប្រឆាំងរូបនោះអំពាវនាវឱ្យមានការប្រមូលផ្តុំមនុស្សធ្វើបាតុកម្មក្រោយចេញផ្សាយរបាយការណ៍មួយដែលចោទប្រកាន់នាយករដ្ឋមន្ត្រីលោកឌីមីទ្រី ម៉េដវេដេវថាជាប្រមុខនៃក្រុមហ៊ុនអចលនទ្រព្យធំមួយ។ ការស៊ើបអង្កេតមួយលើរឿងនេះក្រោមរូបភាពជាខ្សែវីដេអូមួយមានអ្នកទស្សនា១១លានដងតាមYOUTUBE តែពុំមានប្រតិកម្មណាមួយរបស់អាជ្ញាធរឡើយ ៕
ចែករំលែកព័តមាននេះ