ប៉ូលិសអង់គ្លេសអះអាងកាលពីថ្ងៃទី២៦ មីនាថាមនុស្ស៣៣នាក់រងរបួសក្នុងនោះ២នាក់របួសធ្ងន់ដោយសារការផ្ទុះមួយដែលបំផ្លាញអគារមួយចំនួនកាលពីយប់ថ្ងៃទី២៥ មីនា នៅទីក្រុង LIVERPOOL ភាគពាយ័ព្យអង់គ្លេស ។
ប៉ូលិសអង់គ្លេសអះអាងកាលពីថ្ងៃទី២៦ មីនាថាមនុស្ស៣៣នាក់រងរបួសក្នុងនោះ២នាក់របួសធ្ងន់ដោយសារការផ្ទុះមួយដែលបំផ្លាញអគារមួយចំនួនកាលពីយប់ថ្ងៃទី២៥ មីនា នៅទីក្រុង LIVERPOOL ភាគពាយ័ព្យអង់គ្លេស ។
ភ្នាក់ងារពន្លត់ភ្លើងនិងជួយសង្គ្រោះប្រកាសថាបានទទួលសេចក្តីរាយការណ៍ពីការផ្ទុះនេះនាវេលាម៉ោង២១ថ្ងៃទី២៥ មីនា ដែលការផ្ទុះនោះប្រហែលជាទាក់ទិននឹងការធ្លាយឧស្ម័នក្នុងសង្កាត់ NEW FERRY នៅជាប់ទន្លេ MERSEY ។ ការផ្ទុះបានបំផ្លាញស្ទូឌីយ៉ូរាំធំមួយនិងអគារជាច្រើន ។ ការផ្ទុះនេះលាន់ឮក្នុងរង្វង់ជាង១០គីឡូម៉ែត្រ ។ យោងតាមលោក DAN STEPHENS ប្រមុខក្រុមអ្នកពន្លត់ភ្លើងថា ការខូចខាតពិតជាធំធេង ។ ចំណែកប្រធានសង្កាត់នោះអះអាងប្រាប់សារព័ត៌មានថា ការផ្ទុះយ៉ាងខ្លាំងមានលក្ខណៈដូចការរញ្ជួយដីមួយដូច្នោះដែរ។ បណ្តាអ្នករបួសត្រូវបានបញ្ជូនទៅមន្ទីរពេទ្យ។ ក្រោយការផ្ទុះតំបន់នោះត្រូវរាំងខ្ទប់ដោយសារហេតុផលសន្តិសុខរួចផ្ទះមួយចំនួនក៏ជម្លៀសមនុស្សចេញដែរ ៕
ចែករំលែកព័តមាននេះ