ជនសង្ស័យសារភាព ក្រោយប៉ងផ្តាច់ជីវិតបុរសម្នាក់
- សៀមរាប
ខេត្តសៀមរាប ៖ បុរស២នាក់ទាស់ទែង និងគុំគួនពាក្យសម្ដីនឹងគ្នា ឈានដល់យកកាំបិ.តប៉័ងតោ
ខេត្តសៀមរាប ៖ បុរសម្នាក់ត្រូវបានសមត្ថកិច្ចឃាត់ខ្លួនបញ្ជូនទៅតុលាការ បន្ទាប់ពីឈ្លោះទាស់ទែង និងគុំគួនពាក្យសម្ដីនឹងគ្នាជាមួយបុរសម្នាក់ទៀត រួចឈានដល់យកកាំបិ.តប៉័ងតោកា.ប់ និងចាក់សាំងដុ.តគូជម្លោះ ។
ហេតុការណ៍ខាងលើនេះបានកើតឡើងកាលពីថ្ងៃទី១៧ ខែតុលា ឆ្នាំ២០២២ ស្ថិតនៅត្រង់ចំណុចភូមិម្កាក់ ឃុំតាសោម ស្រុកអង្គរជុំ ខេត្តសៀមរាប ។
បើតាមលោកវរសេនីយ៍ទោ សុខ ម៉េងអ៊ាង នាយការិយាល័យនគរបាលព្រហ្មទណ្ឌកម្រិតធ្ងន់ នៃស្នងការដ្ឋាននគរបាលខេត្តសៀមរាប កាលពីវេលាម៉ោង៩និង១០នាទីយប់ថ្ងៃទី១៧ ខែតុលា ឆ្នាំ២០២២ នេះថា ដោយអនុវត្តតាមបទបញ្ជារបស់លោកឧត្តមសេនីយ៍ត្រី តេង ច័ន្ទណាត ស្នងការនគរបាលខេត្ត, លោកឧត្តម សេនីយ៍ត្រី ភឹង ចិន្តារ៉េត ស្នងការរងទទួលផែននគរបាលព្រហ្មទណ្ឌ ,លោកវរសេនីយ៍ឯក ណុប សារ៉ាក់ ស្នងការរងទទួលដឹកនាំការិយាល័យនគរបាលព្រហ្ម ទណ្ឌកម្រិតធ្ងន់ និងដោយមានការសម្របសម្រួលពីលោក មាស ច័ន្ទពិសិដ្ឋ ព្រះរាជអាជ្ញាអមសាលាដំបូងខេត្តសៀមរាប នៅថ្ងៃទី១៧ ខែតុលា ឆ្នាំ២០២២ បានឱ្យលោកដឹកនាំកម្លាំងបញ្ជាផ្ទាល់ ចុះសហការណ៍ជាមួយកម្លាំងអធិការនគរបាលស្រុកអង្គរជុំ ទៅដល់កន្លែងកើតហេតុឈានដល់ឃាត់ខ្លួនជនសង្ស័យ ០១នាក់ រួច នាំយកមកសួរនៅការិយាល័យនគរបាលជំនាញ ដើម្បីរៀបចំកសាងសំណុំរឿងបញ្ជូនទៅកាន់តុលាការចាត់ការបន្ត។
លោកបានបន្ថែមថា ជនសង្ស័យឈ្មោះ សយ អាត ភេទប្រុស អាយុ៤៥ឆ្នាំ មុខរបរកសិករ បច្ចុប្បន្នរស់នៅភូមិម្កាក់ ឃុំតាសោម ស្រុកអង្គរជុំ ខេត្តសៀមរាប ពាក់ព័ន្ធនឹងករណីហិ.ង្សាដោយចេតនាមានស្ថានទម្ងន់ទោស (កា.ប់នឹងកាំបិ.តបុ័ងតោ និងដុ.តដោយសាំង ) កាលពីវេលាម៉ោង៧និង២០នាទីយប់ថ្ងៃទី ១៦ ខែតុលា ឆ្នាំ២០២២ ត្រង់ចំណុចភូមិម្កាក់ ឃុំតាសោម ស្រុកអង្គរជុំ ខេត្តសៀមរាប ។
លោកបានបញ្ជាក់ថា មុនពេលកើតហេតុ នៅវេលាម៉ោង៧និង២០នាទីយប់ថ្ងៃទី ១៦ ខែតុលា ឆ្នាំ ២០២២ ជនរងគ្រោះ ឈ្មោះ ឈឿ បូណា ភេទប្រុស អាយុ៤២ឆ្នាំ មុខរបរកសិករ បច្ចុប្បន្នរស់នៅភូមិកើតហេតុខាងលើ មានទំនាស់ពាក្យសម្តីគ្នាជាមួយជនសង្ស័យ ។ ភ្លាមនោះជនសង្ស័យ បានយកសាំងដុ.តខ្យូសនិងដុ.តទៅលើខ្លួនជនរងគ្រោះ បណ្តាលឱ្យឆេះអាវ ។ បន្ទាប់មកជនសង្ស័យបានយកកាំបិ.តពីក្នុងផ្ទះ កា.ប់មកលើជនរងគ្រោះ បណ្តាលឱ្យរបួសលើផ្ទៃមុខ១កាំបិ.ត និងស្មាខាងឆ្វេង១កាំបិ.ត ក្រោយពេលធ្វើសកម្មភាពហើយ ជនសង្ស័យបានរត់ចូលក្នុងផ្ទះ ហើយចាក់សោរផ្ទះសង្ងំក្នុងផ្ទះ លុះព្រឹកឡើង ថ្ងៃទី១៧ ខែ តុលាឆ្នាំ២០២២ នៅពេលកម្លាំងសមត្ថកិច្ចចុះទៅដល់ និងគោះទ្វារហៅជនសង្ស័យឱ្យចេញពីក្នុងផ្ទះ តែពេលនោះជនសង្ស័យ ព្យាយាមយកសាំងគំរា.មមកលើសមត្ថកិច្ច រកដុ.តសម្លា.ប់ខ្លួន តែត្រូវកម្លាំងសមត្ថកិច្ចទម្លុះទ្វារចូលឃាត់ខ្លួនបានយកមកធ្វើការសាកសួរ នៅអធិការដ្ឋាននគរបាលស្រុកអង្គរជុំតែម្តង ។
នៅចំពោះមុខសមត្ថកិច្ច ជនសង្ស័យបានឆ្លើយសារភាពថា ដោយសារខឹងជនរងគ្រោះ តែងតែមានទំនាស់ជាមួយរូបខ្លួន ទើបនៅថ្ងៃកើតហេតុ រូបខ្លួនបានយកសាំងចា.ក់ដុ.តទៅលើជនរងគ្រោះ ហើយថែមទាំងយកកាំបិ.តកា.ប់ទៅលើជនរងគ្រោះពិតប្រាកដមែន ។
បន្ទាប់ពីកម្លាំងជំនាញបានធ្វើការឃាត់ខ្លួនជនសង្ស័យ ក្នុងនោះដកហូតបានកាំបិ.ត១ ពូថៅ១ និងសាំង៦ដប ។
បច្ចុប្បន្ន ជនសង្ស័យ និងវត្ថុតាងត្រូវបានកម្លាំងជំនាញ រៀបចំសំណុំរឿងបញ្ជូនទៅតុលាការដើម្បីចាត់ការទៅតាមផ្លូវច្បាប់ ៕
ចែករំលែកព័តមាននេះ