បង្ក្រាបក្រុមជនជាតិចិន ជំរិតទារប្រាក់20ម៉ឺនដុល្លារ បង្ខាំងចំណាប់ខ្មាំងក្នុងសណ្ឋាគារ
ខេត្តបន្ទាយមានជ័យ ៖ នគរបាលនាយកដ្នានព្រហ្មទណ្ឌក្រសួងមហាផ្ទៃ សហការជាមួយស្នងការដ្ឋាននគរបាលខេត្ត និងកម្លាំងវរៈការពារព្រំដែនលេខ៩១១
ខេត្តបន្ទាយមានជ័យ ៖ នគរបាលនាយកដ្នានព្រហ្មទណ្ឌក្រសួងមហាផ្ទៃ សហការជាមួយស្នងការដ្ឋាននគរបាលខេត្ត និងកម្លាំងវរៈការពារព្រំដែនលេខ៩១១
ខេត្តបន្ទាយមានជ័យ ៖ នគរបាលនាយកដ្នានព្រហ្មទណ្ឌក្រសួងមហាផ្ទៃ សហការជាមួយស្នងការដ្ឋាននគរបាលខេត្ត និងកម្លាំងវរៈការពារព្រំដែនលេខ៩១១ ដោយមានការសម្របសម្រួលពីស្ថាប័នអយ្យការអមសាលាដំបូងរាជធានីភ្នំពេញ និងអយ្យការអមសាលាដំបូងខេត្ត កាលពីរសៀលថ្ងៃទី២៤ ខែមីនា បានបង្ក្រាបករណីជនជាតិចិនចាប់បង្ខាំងជំរិតទារប្រាក់ពីជនជាតិដូចគ្នា នៅសណ្ឋាគារមួយក្នុងក្រុងប៉ោយបែត ។
តាមប្រភពព័ត៌មានបានឲ្យដឹងថា ជនសង្ស័យដែលសមត្ថកិច្ចចាប់ខ្លួនមាន៤នាក់ គឺប្រុស៣នាក់ និងស្ត្រីម្នាក់ ក្នុងនោះសមត្ថកិច្ចក៏បានរំដោះជនរងគ្រោះដែលជនសង្ស័យចាប់យកទៅបង្ខាំងទុកដើម្បីជំរិតទារប្រាក់ផងដែរ ។
ប្រភពព័ត៌មានបន្តថា កាលពីថ្ងៃទី៦ ខែមីនា កន្លងទៅ មានស្ត្រីជនជាតិចិនម្នាក់ ត្រូវក្រុមជនសង្ស័យទាំង៤នាក់អន្ទងឲ្យមកលេងនៅស្រុកខ្មែរ ។ លុះពេលជនរងគ្រោះមកដល់ ពួកគេបានបបួលនាងទៅលេងល្បែងស៊ីសងនៅកាស៊ីណូក្រុងប៉ោយប៉ែត ចាញ់អស់ប្រាក់ជាង៣០ម៉ឺនដុល្លារអាមេរិក ។
ក្រោយពីចាញ់ល្បែងអស់ប្រាក់ហើយ ក្រុមជនសង្ស័យបានបង្ខាំងជនរងគ្រោះទុកនៅក្នុងសណ្ឋាគារ ។ ពេលមួយនោះ ប្តីនាងបានឆាត (Chat)តាមហ្វេសប៊ុកទាក់ទងចុះឡើង ហើយត្រូវជនសង្ស័យគំរាមទារប្រាក់ជាង២០ម៉ឺនដុល្លារជាថ្នូរនឹងការដោះលែងស្ត្រីជាប្រពន្ធវិញ ។ នៅពេលដឹងថាប្រពន្ធបានធ្លាក់ក្នុងអន្ទាក់ក្រុមជនចាប់ជំរិតភ្លាម បុរសជាប្តីបានធ្វើដំណើរមកស្រុកខ្មែរ ហើយក៏បានទាក់ទងតាមលំដាប់លំដោយទៅស្ថានទូតចិនប្រចាំនៅកម្ពុជា និងបានប្តឹងទៅសមត្ថកិច្ចឲ្យជួយអន្តរាគមន៍ក្នុងរឿងនេះ ។
ប្រភពព័ត៌មានបន្តទៀតថា បន្ទាប់ពីមានពាក្យបណ្តឹងរបស់បុរសជាប្តីជនរងគ្រោះ លោកនាយឧត្តមសេនីយ៍អគ្គស្នងការនគរបាលជាតិ បានដាក់បទបញ្ជាទៅអគ្គស្នងការរងទទួលការងារព្រហ្មទណ្ឌ ប្រធាននាយកដ្ឋានកណ្តាលនគរបាលយុត្តិធម៌ និងទៅលោកឧត្តមសេនីយ៍ឯក សុខ ខេមរិន ប្រធាននាយកដ្ឋាននគរបាលព្រហ្មទណ្ឌ ឲ្យប្រើប្រាស់កម្លាំងជំនាញចុះទៅជាបន្ទាន់ដើម្បីក្រសោបជនសង្ស័យ និងរំដោះជនរងគ្រោះ ។
ពេលនោះលោកឧត្តមសេនីយ៍ទោ ង៉េង ជួរ អនុប្រធាននាយកដ្ឋាន បានដឹកនាំកងកម្លាំង ជាមួយលោកវរសេនីយ៍ឯក ជាវ វិបុល នាយការិយាល័យនគរបាលព្រហ្មទណ្ឌកម្រិតធ្ងន់ ទៅសហការជាមួយស្ថាប័នពាក់ព័ន្ធដូចបានរៀបរាប់ខាងលើ ពិសេសកម្លាំងនគរបាលវរៈការពារព្រំដែនលេខ៩១១ ដែលមានលោកវរសេនីយ៍ឯក សូ ចាន់ណារី ជាប្រធានអង្គភាពជួយសម្រួលនិងការពារក្នុងរង្វង់កិច្ចសហការចាប់ជនសង្ស័យ រួមទាំងរំដោះជនរងគ្រោះ។ ក្រោយពីចាប់ឃាត់ខ្លួននៅវេលាម៉ោង៣រសៀលថ្ងៃទី២៤ ខែមីនា សមត្ថកិច្ចក៏បាននាំខ្លួនជនសង្ស័យទាំង៤នាក់មកកាន់នាយកដ្ឋាននគរបាលព្រហ្មទណ្ឌ ក្រសួងមហាផ្ទៃ ។
នៅថ្ងៃទី២៥ ខែមីនា សមត្ថកិច្ចបានសាកសួរជនសង្ស័យ និងស្តាប់ការបំភ្លឺរបស់ជនរងគ្រោះ។ ជនសង្ស័យទាំង៤នាក់នេះមាន ៖
១-ឈ្មោះ SUN TAO ភេទប្រុស អាយុ៣៥ឆ្នាំ ជននេះជាមេខ្លោងរៀបចំគម្រោងចាប់បង្ខាំងជនរងគ្រោះដើម្បីជំរិតទារប្រាក់
២-ឈ្មោះ WANG ZUCHAO ភេទប្រុស អាយុ៤៧ឆ្នាំ
៣-ឈ្មោះ ZHU LiULiN ភេទប្រុស អាយុ៤៤ឆ្នាំ ២នាក់ក្រោយនេះជាអ្នកយាមមុខបន្ទប់បង្ខាំងជនរងគ្រោះ និង
៤-ឈ្មោះ CHENG AiZHEN ភេទស្រី អាយុ៦២ឆ្នាំ ជាអ្នកនៅជាមួយជនរងគ្រោះ ដើម្បីផ្គត់ផ្គង់បាយទឹក ។
ចំណែកជនរងគ្រោះឈ្មោះ YANG FANG អាយុ៣៨ឆ្នាំ ។
សមត្ថកិច្ចឲ្យដឹងថា ពេលចាប់បង្ខាំងជនរងគ្រោះនៅក្នុងសណ្ឋាគារមួយក្នុងកាសុីណូនៅក្រុងប៉ោយប៉ែតរួចហើយ ក្រុមជនសង្ស័យបានគំរាមទៅប្តីជនរងគ្រោះទារប្រាក់ចំនួន២លានយ៉េន ស្មើនឹងជាង២០ម៉ឺនដុល្លារ ។ ប៉ុន្តែក្រោយពេលប្តីស្ត្រីរងគ្រោះដាក់លុយចូលគណនីធនាគារហើយ ជនសង្ស័យមិនបានដោះលែងជនរងគ្រោះទេ ថែមទាំងគំរាមទារប្រាក់២០មុឺនដុល្លារទៀត ។ ចំណុចនេះហើយបានជាប្តីស្ត្រីរងគ្រោះជិះយន្តហោះពីប្រទេសចិន មកប្តឹងសមត្ថកិច្ចនៅកម្ពុជា ហើយសមត្ថកិច្ចក៏ធ្វើការស្រាវជ្រាវរហូតឈានដល់បង្ក្រាបបានជនសង្ស័យទាំង៤នាក់ ព្រមទាំងរំដោះជនរងគ្រោះផងដែរ ។ ក្រុមជនសង្ស័យ ត្រូវបានកសាងសំណុំរឿងបញ្ជូនទៅកាន់សាលាដំបូងរាជធានីភ្នំពេញ ៕
ចែករំលែកព័តមាននេះ