ខេត្តកំពង់ស្ពឺ ៖ បុរសពិការជើងទាំង២ដោយសារសង្គ្រាមម្នាក់ បានដេកលើកន្ទេលជាង២០ឆ្នាំមកហើយ ដោយរស់បានដោយសារតែបងស្រីជាអ្នកមើលថែ ខណៈដែលបងស្រីក៏មានជីវភាពខ្វះខាត គ្មានលទ្ធភាពចិញ្ចឹមទៀតនោះ ក៏ដាច់ចិត្តដង្ហើយរកជំនួយ ក្រែងមានសប្បុរសជន មានការអាណិតអាសូរជួយដល់ពួកគាត់ ។
ខេត្តកំពង់ស្ពឺ ៖ បុរសពិការជើងទាំង២ដោយសារសង្គ្រាមម្នាក់ បានដេកលើកន្ទេលជាង២០ឆ្នាំមកហើយ ដោយរស់បានដោយសារតែបងស្រីជាអ្នកមើលថែ ខណៈដែលបងស្រីក៏មានជីវភាពខ្វះខាត គ្មានលទ្ធភាពចិញ្ចឹមទៀតនោះ ក៏ដាច់ចិត្តដង្ហើយរកជំនួយ ក្រែងមានសប្បុរសជន មានការអាណិតអាសូរជួយដល់ពួកគាត់ ។
បុរសពិការជើងទាំងសងខាង មានឈ្មោះជា យីម អាយុ៥០ឆ្នាំ ស្នាក់នៅជាមួយបងស្រីក្នុងភូមិដក់ពរ សង្កាត់ស្វាយក្រវ៉ាន់ ក្រុងច្បារមន ខេត្តកំពង់ស្ពឺ ។
ជួបជាមួយអ្នកយកព័ត៌មានយើង បុរសអភ័ព្វបានរៀបរាប់ថា គាត់បានចូលបំរើការងារជាយោធានៅក្នុងអំឡុងឆ្នាំ១៩៨៦ (ជាវរជួសជុលសម្ភារចល័តរបស់ក្រសួងការពារជាតិ) ។ កាលណោះ ស្រុកមានសង្គ្រាមនៅថ្ងៃទី២៩ ធ្នូ ឆ្នាំ១៩៨៩ គាត់បានទៅធ្វើសង្គ្រាម ក៏រងរបួសត្រូវគ្រាប់កាំភ្លើងចំបោះដៃផុតធ្ងន់ធ្ងរ ។ ថ្នាក់លើក៏បានបញ្ជូនទៅសង្គ្រោះរហូតដល់ប្រទេសវៀតណាម ទើបមានជីវិតរហូតមកដល់សព្វថ្ងៃនេះ ដោយពេទ្យបានធ្វើការវះកាត់យកក្បាលគ្រាប់ចេញ ហើយប៉ះពាល់ដល់ខួរឆ្អឹងខ្នង រហូតដល់សរសៃជើង ទាំងគូរបស់លោក បណ្តាលឱ្យដើរមិនរួច ចាប់តាំងពីពេលនោះមក រហូតមកដល់សព្វថ្ងៃនេះ មានរយៈពេលជា២០ឆ្នាំមកហើយ ដោយបានបងស្រីជាអ្នកមើលថែររហូត ទាំងការហូបចុក បំរើសព្វបែបយ៉ាងទាំងជុះទាំងនោម ។ ជីវភាពបងស្រីគាត់ ក៏មានជីវភាពក្រីក្រទៀត មិនមានលុយកាក់សំរាប់អោយពេទ្យព្យាបាលនិងលាងរបួសដែលឥឡូវនេះដំបៅកាន់តែស៊ីជ្រៅៗទៅ រហូតដល់គ្រឿងក្នុងហើយ ។
តាមសម្តីស្ត្រីឈ្មោះជា ឡៃ អាយុ៥៣ឆ្នាំ មុខរបរកសិករ (ជាបងស្រីបង្កើត) បានរៀបរាប់ទាំងទឹកភ្នែកថា គាត់ពិតជាមានការអាណិតអាសូរជីវិតប្អូនប្រុសខ្លាំងណាស់ ដែលទៅបំរើជាតិហើយ ត្រលប់មកវិញ ក៏ពិការ ។ រាល់ថ្ងៃនេះ មិនអាចងើបអង្គុយ ឬឈរបានទេ គឺដេកតែនៅលើកន្ទេលតែម្តង ។ រាល់ពេលហូបបាយ គាត់ជាអ្នកបញ្ចុក ជួនកាលហូបខ្លួនឯហ ហើយជុះនោមគាត់ជាអ្នកមើលថែទាំងអស់ ដោយសារមានតែ២នាក់បងប្អូន បើគាត់មិនមើល បានអ្នកណាមើលទៅបើស្នាមដំបៅ ហូរទឹករងៃ មិនមានលុយសំរាប់ទិញថ្នាំលេប ឬព្យាបាលនោះទេ ។
លោកជា យីម បានលើកម្រាមដៃ១០សំពះអង្វរ សូមឱ្យសប្បុរសជនទាំងក្នុងនិងក្រៅប្រទេស មេត្តាជួយរូបលោក យកតែបុណ្យផង ដែលអាចមានលុយកាក់ខ្លះ ដើម្បីបន្តព្យាបាលជំងឺ ។
ចែករំលែកព័តមាននេះ