រាជធានីភ្នំពេញ ៖ បើតាមអ្នកឆ្លើយឆ្លងព័ត៌មានកោះសន្តិភាពបានឲ្យដឹងនៅប៉ុន្មាននាទីមុននេះថា រថយន្តដឹកត្រីមួយគ្រឿងចេញពីអ្នកលឿងចូលមកភ្នំពេញ បានត្រូវប៉ូលិសឃាត់ នៅចំណុចច្រមុះជ្រូកក្បាលថ្នល់
រាជធានីភ្នំពេញ ៖ បើតាមអ្នកឆ្លើយឆ្លងព័ត៌មានកោះសន្តិភាពបានឲ្យដឹងនៅប៉ុន្មាននាទីមុននេះថា រថយន្តដឹកត្រីមួយគ្រឿងចេញពីអ្នកលឿងចូលមកភ្នំពេញ បានត្រូវប៉ូលិសឃាត់ នៅចំណុចច្រមុះជ្រូកក្បាលថ្នល់ ក្នុងខណ្ឌចំការមន ដោយសារពុំមានលិខិតអនុញ្ញាត ។
យ៉ាងណាក៍ដោយ អ្នកលក់ត្រីដែលមិនទាន់ស្គាល់អត្តសញ្ញាណបាននិយាយប្រាប់អ្នកសារព័ត៌មានកោះសន្តិភាពដោយចោទសមត្ថកិច្ចថាបានទទួលលុយពីខ្លួន(ម្ចាស់ត្រី)ក្នុង១ខែៗចំនួន៣០ម៉ឺនរៀល ដោយវេរតាមវីងរៀងរាល់ខែនោះថែមទៀត ហើយថារថយន្តរបស់ខ្លួន(អ្នកលក់ត្រី)មានដាក់ស្លាកសម្គាល់ P-02 VIP ដែលជាស្លាកសម្គាល់ថាមានលិខិតអនុញ្ញាតត្រឹមត្រូវ ។ ទោះជាយ៉ាងណា ថៅកែត្រីរូបនេះ មិនបានបញ្ជាក់ឲ្យបានច្បាស់លាស់ថាតើសមត្ថកិច្ចជំនាញខាងណាដែលគាត់បង់ឲ្យនោះទេ ហាក់មានការលាក់លៀម ។
មកដល់វេលាម៉ោង១០ព្រឹកថ្ងៃទី២៧ មីនា ២០១៧ដដែលនេះ មិនទាន់មានប្រតិកម្មតបភ្លាមៗនៅឡើយទេ ពីសមត្ថកិច្ចជំនាញពាក់ព័ន្ឋក្នុងរាជធានីភ្នំពេញ ពិសេសសមត្ថកិច្ចឈរជើងនៅចំណុចផ្លូវច្រមុះជ្រូកក្បាលថ្នល់ ៕
ចែករំលែកព័តមាននេះ