រាជធានីភ្នំពេញ ៖ ជនជាតិចិនម្នាក់ សង្ស័យស្រវឹងស្រាខ្លាំង បានបើករថយន្តទៅបុកម៉ូតូប្រជាពលរដ្ឋដែលចតស្ងៀម ដែលម្ចាស់កំពុងអង្គុយផឹកស៊ីមុខផ្ទះ បង្កឱ្យមានការភ្ញាក់ផ្អើលរត់ហើបគូទពីកៅអី ហើយរថយន្តបង្កបានព្យាយាមបើករត់គេច តែដោយសារតែ
រាជធានីភ្នំពេញ ៖ ជនជាតិចិនម្នាក់ សង្ស័យស្រវឹងស្រាខ្លាំង បានបើករថយន្តទៅបុកម៉ូតូប្រជាពលរដ្ឋដែលចតស្ងៀម ដែលម្ចាស់កំពុងអង្គុយផឹកស៊ីមុខផ្ទះ បង្កឱ្យមានការភ្ញាក់ផ្អើលរត់ហើបគូទពីកៅអី ហើយរថយន្តបង្កបានព្យាយាមបើករត់គេច តែដោយសារតែបើករេពេញផ្លូវ ត្រូវប្រជាពលរដ្ឋតាមផ្លូវវាយបែកកញ្ចក់ខ្ទេច កើតឡើងកាលពីវេលាម៉ោង១០យប់ថ្ងៃទី២៦ មីនា ស្ថិតត្រង់ចំណុចផ្លូវ២២១ ក្នុងសង្កាត់ផ្សារដេប៉ូ៣ ខណ្ឌទួលគោក ។
តាមប្រភពពីកន្លែងកើតហេតុថា គេឃើញរថយន្តមួយគ្រឿងម៉ាកឡង់គ្រីស្ស័រ ពណ៌សំបកឱឡឹក ពាក់ស្លាកលេខ ភ្នំពេញ ២F- 6716 បើកបរដោយបុរសជនជាតិចិនម្នាក់តាមផ្លូវសហពន្ធ័រុស្សី ទិសដៅពីស្ពានអាកាស៥មករាទៅខាងសួនច្បារក្ដាន់ពីរ ។ លុះដល់ចំណុចកើតហេតុ រថយន្តបានបត់ស្ដាំចុះតាមផ្លូវ២២១ បានប្រមាណជា៥០ម៉ែត្រ ដោយរថយន្តបួងចង្កូតមិនផុត ក៏ជ្រុលទៅបុកម៉ូតូមួយគ្រឿងម៉ាកហ្វ៊ីណូ ពណ៌លឿង ពាក់ស្លាកលេខ ភ្នំពេញ 1AM 9779 ដែលគេចតទុកនៅមុខផ្ទះ ។ ហើយថយន្តបានទៅបុកម៉ូតូដែលចតចោលនោះចំពីក្រោយ បណ្ដាលឱ្យរុញម៉ូតូចូលលទៅក្នុងផ្ទះ ហើយរងការខូចខាតបន្តិចបន្តួច ។
ភ្លាមៗនោះ រថយន្តបានបើកបំណងរត់គេចខ្លួនចេញពីកន្លែងកើតហេតុ ត្រូវអ្នកធ្វើដំណើរតាមដងផ្លូវឃើញរថយន្តខាងលើបើករេពេញផ្លូវ ក៏ខឹងហើយយកដុំថ្មគប់កញ្ចក់ ក្រោយរថយន្តបណ្ដាលឱ្យបែកខ្ទេច តែរថយន្តនៅតែបន្តបើកទៅមុខរហូតដល់មុខសណ្ឋាគារប្រេស៊ីដង់ ទើបរថយន្តឈប់ និងហើយម្ចាស់បានរត់ចូលសណ្ឋាគារបាត់តែភ្លាម។
ម្ចាស់ម៉ូតូរងគ្រោះបានជិះមកតាមពីក្រោយរថយន្ត ហើយបានចូលទៅនិយាយចរចារណ៍ជាមួយ និងជនជាតិចិនដែលជាម្ចាស់រថយន្តបង្ក តែខាងជនជាតិចិនបែរជាថា រថយន្តរបស់គេមិនបានបើកបុកម៉ូតូនោះទេ ហើយចង់យកទៅណាក៏យកទៅ ដែលមួយម៉ាត់នេះ ធ្វើឱ្យខាងម្ចាស់ម៉ូតូរងគ្រោះហួសចិត្ត ហើយដើរចេញ ។
ក្រោយមក ម្ចាស់ភាគីទាំងសងខាង បានប្រគល់យានយន្តទាំងទៅឱ្យខាងជំនាញចរាចរណ៍ខណ្ឌទួលគោកធ្វើការវាស់វែង និងអូសរថយន្តទៅរក្សាទុកនៅអធិការដ្ឋានខណ្ឌទួលគោក រង់ចាំការដោះស្រាយ ។
ចែករំលែកព័តមាននេះ