បើករថយន្តលឿនដូចហោះបុកម៉ូតូពេញទំហឹង បណ្តាលឱ្យស្រី្តម្នាក់បានស្លា.ប់
ខេត្តសៀមរាប ៖ យ៉ាងហោចណាស់មានមនុស្សស្លា.ប់ម្នាក់ក្នុងករណីគ្រោះថ្នាក់ចរាចរណ៍រវាងរថយន្ត៤៥កៅអីបុកជាមួយម៉ូតូ បណ្តាលឱ្យស្លា.ប់ម្នាក់រងរបួសធ្ងន់ម្នាក់
ខេត្តសៀមរាប ៖ យ៉ាងហោចណាស់មានមនុស្សស្លា.ប់ម្នាក់ក្នុងករណីគ្រោះថ្នាក់ចរាចរណ៍រវាងរថយន្ត៤៥កៅអីបុកជាមួយម៉ូតូ បណ្តាលឱ្យស្លា.ប់ម្នាក់រងរបួសធ្ងន់ម្នាក់
ខេត្តសៀមរាប ៖ យ៉ាងហោចណាស់មានមនុស្សស្លាប់ម្នាក់ក្នុងករណីគ្រោះថ្នាក់ចរាចរណ៍រវាងរថយន្ត៤៥កៅអីបុកជាមួយម៉ូតូ បណ្តាលឱ្យស្លាប់ម្នាក់រងរបួសធ្ងន់ម្នាក់ បញ្ជូនទៅមន្ទីរពេទ្យភ្លាមៗ ខណៈនោះឃើញមានវត្តមានអ្នកឧកញ៉ា សៀង ណាំ តំណាងរាស្ត្រមណ្ឌលសៀមរាប បានចុះមកជួយថវិកាចំនួនជាង៧០០ដុល្លារប្រគល់ឱ្យក្រុមគ្រួសារសព និងអ្នករងរបួសផងដែរ។ ហេតុការគ្រោះថ្នាក់ចរាចរណ៍បានកើតឡើងនៅវេលាម៉ោង៧ និង០០នាទី ថ្ងៃទី២៥ ខែមីនា ឆ្នាំ២០១៧ រវាងរថយន្ត និងម៉ូតូ ស្ថិតនៅលើផ្លូវជាតិលេខ៦ ក្នុងភូមិកិត្តិយស ឃុំព្រៃជ្រូក ស្រុកពួក ខេត្តសៀមរាប។ លោកវរសេនីយ៍ទោ ទេព ពុំសែន អធិការស្រុកពួកបានប្រាប់ឱ្យដឹងនៅព្រឹកថ្ងៃទី២៦ ខែមីនា ឆ្នាំ២០១៧នេះថា បន្ទាប់ពីមានករណីគ្រោះថ្នាក់ចរាចរណ៍បណ្តាលឱ្យមានស្លាប់មនុស្សម្នាក់ របួសធ្ងន់មនុស្សម្នាក់ ដែលបង្កឡើងដោយរថយន្ត ៤៥កៅអីពណ៌ស្ករ ស្លាកលេខ 3A-1585 បើកបរទិសដៅពីលិចទៅកើត (អ្នកបើកបររត់គេចខ្លួន) លុះដល់ចំណុចកើតហេតុ បានបុកជាមួយម៉ូតូ សេ១០០ស៊េរីចាស់ បើកស្របទិសគ្នា។ លោកបានបន្តថា អ្នកបើកបរម៉ូតូឈ្មោះ ថៃ វណ្ណថា ភេទប្រុស អាយុ២២ឆ្នាំ មុខរបរធ្វើស្រែ រស់នៅភូមិអន្លង់សារ ឃុំសំបួរ ស្រុកក្រឡាញ់ ខេត្តសៀមរាប បានឌុបម្ដាយពីក្រោយ ឈ្មោះ ធឿន យិម ភេទស្រី អាយុ៥៩ឆ្នាំ បណ្តាលឱ្យឈ្មោះ ធឿន យិម ត្រូវជាម្ដាយស្លាប់ និងឈ្មោះ ថៃ វណ្ណថា របួសធ្ងន់ ដោយអ្នកបើកបរម៉ូតូបត់ឆ្លងដោយមិនបានប្រុងប្រយ័ត្ន។ លោកបានបញ្ជាក់បន្ថែមថា ក្រោយពេលកើតហេតុកម្លាំងជំនាញបានចុះវាស់វែងកន្លែងកើតហេតុ កសាងសំណុំរឿង និងដកហូតវត្ថុតាងពាក់ព័ន្ធរក្សាទុកនៅអធិការដ្ឋាននគរបាលស្រុក។ រីឯជនរងគ្រោះរងរបួសត្រូវបានយកទៅសង្គ្រោះទៅមន្ទីរពេទ្យ។ ចំណែកសាកសពត្រូវបានប្រគល់ឱ្យក្រុមគ្រួសារយកទៅធ្វើបុណ្យតាមប្រពៃណី៕
ចែករំលែកព័តមាននេះ