មនុស្សបួននាក់របួសធ្ងន់ និងស្រាល ដោយបើកបរខ្វះការប្រុងប្រយ័ត្ន
ខេត្តកែប ៖ បុរស៤នាក់បានរងរបួសធ្ងន់៣នាក់ និងស្រាលម្នាក់ ក្នុងហេតុការគ្រោះថ្នាក់ចរាចរណ៍មួយបានកើតឡើងរវាងម៉ូតូ និងម៉ូតូ បុកគ្នាកាលពីរសៀលថ្ងៃទី២៤
ខេត្តកែប ៖ បុរស៤នាក់បានរងរបួសធ្ងន់៣នាក់ និងស្រាលម្នាក់ ក្នុងហេតុការគ្រោះថ្នាក់ចរាចរណ៍មួយបានកើតឡើងរវាងម៉ូតូ និងម៉ូតូ បុកគ្នាកាលពីរសៀលថ្ងៃទី២៤
ខេត្តកែប ៖ បុរស៤នាក់បានរងរបួសធ្ងន់៣នាក់ និងស្រាលម្នាក់ ក្នុងហេតុការគ្រោះថ្នាក់ចរាចរណ៍មួយបានកើតឡើងរវាងម៉ូតូ និងម៉ូតូ បុកគ្នាកាលពីរសៀលថ្ងៃទី២៤ ខែមីនា ឆ្នាំ២០១៧លើផ្លូវជាតិលេខ៣៣ ត្រង់ចំណុចទល់មុខស្ថានីប្រេងឥន្ធនៈតេលា ប៊ុនលី អូរក្រសារ ខាងលិចរង្វង់មូលសេះសចម្ងាយជាង២០០ម៉ែត្រ (ទិសដៅកែងគ្នា) ស្ថិតក្នុងភូមិអូរក្រសារ សង្កាត់អូរក្រសារ ក្រុងកែប ។
សមត្ថកិច្ចចរាចរណ៍ក្រុងកែបបានឲ្យដឹងថា មុនពេលកើតហេតុគេឃើញម៉ូតូម៉ាកហុងដាសេ១២៥ ពណ៌ខ្មៅ ពាក់ស្លាកលេខកំពត1I-3533 ផលិតឆ្នាំ២០១៥ បើកបរដោយឈ្មោះ សុខ តូនី ភេទប្រុស អាយុ២៥ឆ្នាំ រស់នៅភូមិត្រពាំងរពៅ ឃុំព្រែកត្នោត ស្រុកទឹកឈូ មុខរបរអាជីវករ ដោយមានអ្នករួមដំណើរពីរនាក់ទី១ -ឈ្មោះ ជ្រា សៀម ភេទប្រុស អាយុ២៥ឆ្នាំ មុខរបរនេសាទ រស់នៅភូមិឃុំជាមួយគ្នាទី២- ឈ្មោះ អ៊ឹង ហាន ភេទប្រុស អាយុ៣៥ឆ្នាំ មុខរបរនេសាទ រស់នៅភូមិឃុំជាមួយគ្នាខាងលើទាំងបីនាក់បានឈប់ម៉ូតូផឹកទឹកអំពៅនៅលើផ្លូវក្បែរផ្លូវកន្លែងកើតហេតុ។
បន្ទាប់មកក៏បើកម៉ូតូចេញពីកន្លែងផឹកទឹកអំពៅ កំពុងបត់ទទឹងផ្លូវក្នុងទិសដៅពីលិចទៅកើត ក៏ស្រាប់តែម៉ូតូម៉ាក សេ១២៥ ពណ៌ខ្មៅ ពាក់ស្លាកលេខ កំពត1I-7806 បើកបរដោយឈ្មោះ ហេង ឡេង ភេទប្រុស អាយុ២៤ឆ្នាំ មកពីទិសខាងកើតយ៉ាងលឿន លុះមកដល់ចំណុចកើតហេតុក៏ត្រូវម៉ូតូដែលម្ចាស់ហូបទឹកអំពៅបើកចេញក៏ត្រូវម៉ូតូដែលកំពុងបើកក្នុងល្បឿនលឿននោះបុកពេញទំហឹងបណ្តាលឲ្យរងរបួសដេករណែលទាំង៤នាក់។
សមត្ថកិច្ចឲ្យដឹងទៀតថា អ្នករងរបួសខាងម៉ូតូឌុបគ្នាបីនាក់ធ្ងន់២នាក់ ស្រាលម្នាក់។ ចំណែកអ្នកបើកម៉ូតូម្នាក់ឯងដែលបុកម៉ូតូមានអ្នកជិះបីនាក់នោះបានរងរបួសធ្ងន់ហើយត្រូវបានសាច់ញាតិដឹកទៅសង្គ្រោះនៅគ្លីនិកឯកជន នៅភូមិដំណាក់ចង្អើរ សង្កាត់ព្រៃធំ ក្រុងកែប។ ចំណែកម៉ូតូទាំងពីរគ្រឿងសមត្ថកិច្ចបានយកទៅរក្សាទុកនៅអធិការក្រុងរង់ចាំការដោះស្រាយនៅពេលក្រោយ៕
ចែករំលែកព័តមាននេះ