ដាក់កុងត្រូលជជុសឲ្យឈ្មួញដឹកទំនិញគេចពន្ធឆ្លងដែនតាមច្រករបៀង(មានវីដេអូ)
ខេត្តស្វាយរៀង ៖ សមត្ថកិច្ចបើកដៃឲ្យឈ្មួញដឹកទំនិញគេចពន្ធឆ្លងដែនចេញចូលតាមច្រករបៀងផ្គើន និងប្រសាសន៍សម្តេចក្រឡាហោម ស ខេង
ខេត្តស្វាយរៀង ៖ សមត្ថកិច្ចបើកដៃឲ្យឈ្មួញដឹកទំនិញគេចពន្ធឆ្លងដែនចេញចូលតាមច្រករបៀងផ្គើន និងប្រសាសន៍សម្តេចក្រឡាហោម ស ខេង ឧបនាយករដ្ឋមន្ត្រីរដ្ឋមន្ត្រីក្រសួងមហាផ្ទៃដែលមានស្ថាប័នចំនួន៣បានដាក់កុងត្រូលជជុសបង់ប្រាក់ពីក្រុមឈ្មួញដោយពុំបានគិតពីសុវត្ថិភាពម្ហូបអាហារប៉ះពាល់សុខុមាលភាពប្រជាពលរដ្ឋដែលក្រសួងសុខាភិបាលបានប្រកាស់ស្តីពីជម្ងឺផ្តាសាយH1N1ក្នុងរដ្ឋបាលខេត្តស្វាយរៀង និងការពារទប់ស្កាត់ជម្ងឺជ្រូកត្រជៀកខៀវដែលកើតមាននៅប្រទេសជិតខាង ។ ហើយក្រសួងមហាផ្ទៃបានចេញសារាចរណ៍ណែនាំឲ្យអាជ្ញាធរស្ថាប័នមានសមត្ថកិច្ចទាំងអស់ដែលមានភូមិ-ឃុំសង្កាត់ជាប់តាមបណ្តោព្រំដែនទប់ស្កាត់ឈប់ឲ្យមានមនុស្សឆ្លងកាត់ និងដឹកទំនិញគ្រប់ប្រភេទឆ្លងដែនចេញចូលតាមច្រករបៀង ក៏ប៉ុន្តែអាជ្ញាធរបែរជាបណ្តែតបណ្តោយឲ្យសមត្ថកិច្ចលួចបើកច្រករបៀងហើយដាក់កុងត្រូលជជុស ប្រមូលប្រាក់ដាក់ហោប៉ៅទៅវិញ ។
បើតាមប្រភពពីប្រជាពលរដ្ឋបានឲ្យដឹងកាលពីព្រឹកថ្ងៃទី២៦ ខែមិនា ឆ្នាំ២០១៧ ថានៅចំណុចកែងផ្លូវចូលវត្តព្រៃយាយ (ហៅវត្តលោកយាយដូន) ស្ថិតនៅភូមិបាវិតកណ្តាល សង្កាត់បាវិត ក្រុងបាវិត បានដាក់កុងត្រូលជជុសចំនួន៣កន្លែងមាន៣ស្ថាប័នគឺទី១-ភាស៊ីខេត្ត ក៏ប៉ុន្តែមន្ត្រីនគបាលម្នាក់បានបង្ហើបឲ្យដឹងថា មិនមែនភាស៊ីខេត្តទេគឺភាស៊ីរបស់លោកជំទាវ ឆឹង ណេង ដែលជាអ្នកមានឥទ្ធិពលម្នាក់នៅក្រុងបាវិត បានដាក់កុងត្រូលទាភាស៊ីពីអ្នករត់ពន្ធ និងប្រជាពលរដ្ឋរកស៊ីឆ្លងកាត់ផ្លូវ ច្រកព្រៃយាយនេះដុះស្លែ រាប់សិបឆ្នាំមកហើយ ។ ទី២-ទាហ៊ានវរៈការពារព្រំដែនលេខ២នៃប្រតិបត្តិកាសឹករងខេត្តស្វាយរៀង និងទី៣-នគបាលវរៈការពារព្រំដែនលេខ៦០៩ ។
ប្រភពដ៏ដែលបន្តទៀតថា ច្រករបៀងមួយនេះគឺហៅថា ច្រករបៀងក៏មិនមែនវាគ្រាន់តែជាច្រកផ្លូវមួយដែលគេបើកសម្រាប់ឲ្យឈ្មួញឆ្លងដែនចេញចូលប្រទេសវៀតណាមរកស៊ីរត់ពន្ធហើយសមត្ថកិច្ចឃប់ឃិតគ្នាដាក់កុងត្រូលជជុស ដើម្បីបង់ភាស៊ី ឬបង់ប្រាក់ដាក់ហោប៉ៅធ្វើមានបានតែប៉ុណ្ណោះ ៕
ចែករំលែកព័តមាននេះ