សំណាងក្នុង១.០០០គ្រោះ វង្វេងកណ្តាលសមុទ្រ56ថ្ងៃហើយ នៅមានជីវិត
ក្រោយវង្វេងរយៈពេល៥៦ថ្ងៃក្នុងសមុទ្រអ្នកនេសាទហ្វ៊ីលីពីនម្នាក់ត្រូវបានជួយសង្គ្រោះក្នុងដែនទឹកប៉ាពូអាស៊ីនូវែល ហ្គីណេ ។
ម្តាយរបស់អ្នកនេសាទរូបនោះរៀបរាប់
ក្រោយវង្វេងរយៈពេល៥៦ថ្ងៃក្នុងសមុទ្រអ្នកនេសាទហ្វ៊ីលីពីនម្នាក់ត្រូវបានជួយសង្គ្រោះក្នុងដែនទឹកប៉ាពូអាស៊ីនូវែល ហ្គីណេ ។
ម្តាយរបស់អ្នកនេសាទរូបនោះរៀបរាប់កាលពីថ្ងៃទី២៥ មីនា ប្រាប់ AFP ថា យុវជនរូបនោះអាយុ២១ឆ្នាំ អាចនៅរស់រានមានជីវិត ដោយទឹកភ្លៀង ។ ឪពុកមារបស់គេដែលធ្វើដំណើរជាមួយគ្នាត្រូវស្លាប់ ។
យោងតាមកាសែតប៉ាពូអាស៊ី POST COURIER ដែលដកស្រង់ប្រភពព័ត៌មានពីប៉ូលិសថា នាវានេសាទមួយគ្រឿងត្រូវបានប្រទះឃើញកាលពីថ្ងៃទី៩ មីនា ជាមួយអ្នកនេសាទវ័យក្មេងនោះឈ្មោះ ROLANDO OMONGOS ដែលមានសភាពទន់ខ្សោយយ៉ាងខ្លាំង ព្រោះតែវង្វេងក្នុងសមុទ្រដាច់ស្បៀង ។ រូបគេត្រូវនាំមកកាន់ទីក្រុង RABAUL លើកោះនូវែលព្រឺតាញ ហើយត្រូវបានក្រុមគ្រូពេទ្យពិនិត្យ ។ អ្នកនេសាទវ័យក្មេងនោះជិះលើនាវារបស់គេដដែលពេលរៀបចំដំណើរវិលត្រឡប់ទៅកាន់ហ្វ៊ីលីពីនវិញ ។
អ្នកនេសាទវ័យក្មេងនោះរៀបរាប់ថា គេរក្សាទុកសពឪពុកមាលើនាវាសង្ឃឹមជួបនាវាណាមួយមកជួយសង្គ្រោះ ក៏ប៉ុន្តែទីបំផុតគេបានទម្លាក់សពឪពុកមាទៅក្នុងសមុទ្រពេលសពនោះចាប់ផ្តើមធុំក្លិនស្អុយ ។ រូបគេ និងឪពុកមាអាយុ៣១ឆ្នាំ បានខំត្រងទឹកភ្លៀងដោយធុងប្លាស្ទិកមួយដើម្បីផឹក ។ ទាំង២នាក់ស្រេកឃ្លានណាស់ ហើយស្បែកពួកគេឡើងរលាកដោយកម្តៅថ្ងៃ ៕
ចែករំលែកព័តមាននេះ