បាតុករច្រើនរយពាន់នាក់ប្រឆាំង BREXIT នៅក្រុងឡុងដ៍
មនុស្សជាច្រើនរយពាន់នាក់បានលើកគ្នាដើរហែក្បួននៅកណ្តាលទីក្រុងឡុងដ៍កាលពីថ្ងៃទី២៥ មីនា ដើម្បីតាវ៉ាប្រឆាំងការចាកចេញរបស់អង់គ្លេសពីសហភាពអឺរ៉ុបហៅ BREXIT ។
មនុស្សជាច្រើនរយពាន់នាក់បានលើកគ្នាដើរហែក្បួននៅកណ្តាលទីក្រុងឡុងដ៍កាលពីថ្ងៃទី២៥ មីនា ដើម្បីតាវ៉ាប្រឆាំងការចាកចេញរបស់អង់គ្លេសពីសហភាពអឺរ៉ុបហៅ BREXIT ។
ពួកបាតុករបានលើកពាក្យស្លោកជាច្រើនអំពាវនាវឱ្យបញ្ឈប់ BREXIT ហើយមានការទាមទារចង់ឱ្យរៀបចំខួបល្អរបស់សហភាពអឺរ៉ុប ខណៈដែលមេដឹកនាំរបស់ប្រទេស២៧ជាសមាជិកជួបជុំគ្នានៅទីក្រុងរ៉ូមប្រទេសអុីតាលីសម្រាប់ខួបលើកទី៦០ នៃសន្ធិសញ្ញាបង្កើតសហភាពអឺរ៉ុប ។
ពលរដ្ឋអង់គ្លេសកាលពីខែមិថុនា ឆ្នាំ២០១៦ ក្នុងការបោះប្រជាមតិមួយបានបោះគាំទ្រ BREXIT ក្នុងសំឡេង៥២% ។
បាតុកម្មនេះបានបញ្ចប់នៅមុខសភាអង់គ្លេសជាក្នុងកន្លែងរងការវាយប្រហារភេរវកម្មមួយសម្លាប់មនុស្ស៤នាក់ ។ ពួកបាតុករបានស្មឹងស្មាធិរយៈពេល១នាទីដើម្បីគោរពវិញ្ញាណក្ខន្ធជនរងគ្រោះមុនពេលចាប់ផ្តើមហែក្បួនបាតុកម្ម ៕
ចែករំលែកព័តមាននេះ