លោក BACHAR AL KIKI ប្រមុខក្រុមប្រឹក្សាខេត្តនីនីវ ដែលមានទីក្រុងម៉ូសស៊ុលជាទីប្រជុំជនគូសបញ្ជាក់ថាជនស៊ីវិលជាច្រើនសិបនាក់ស្លា.ប់នៅក្រុងម៉ូសស៊ុលភាគខាងលិចដោយ សារការវាយ
លោក BACHAR AL KIKI ប្រមុខក្រុមប្រឹក្សាខេត្តនីនីវ ដែលមានទីក្រុងម៉ូសស៊ុលជាទីប្រជុំជនគូសបញ្ជាក់ថាជនស៊ីវិលជាច្រើនសិបនាក់ស្លាប់នៅក្រុងម៉ូសស៊ុលភាគខាងលិចដោយ សារការវាយប្រហារតាមអាកាសរបស់កងទ័ពអីុរ៉ាក់ និងក្រុមចម្រុះអន្តរជាតិដើម្បីកម្ចាត់ក្រុមរដ្ឋអ៊ិស្លាម ។ លោកថា មានសាកសពមនុស្សជាច្រើនសិបនាក់នៅកប់ក្រោមគំនរបាក់បែកនៅឡើយ ។
ការប្រយុទ្ធគ្នាបច្ចុប្បន្នប្រមូលផ្តុំនៅតាមច្រកប៊ូលទាំងឡាយនៃទីក្រុងចាស់ ព្រមទាំងតាមវិថីតូចៗមានប្រជាជនរស់នៅច្រើន ។
អភិបាលខេត្តលោក NAWFAL HAMMADI វាយតម្លៃថា ជនសស៊ីវិលជាង១៣០នាក់ស្លាប់ ក៏ប៉ុន្តែគេលំបាកក្នុងការត្រួតពិនិត្យតុល្យការពីប្រភពឯករាជ្យ ។ តាមសំណើរបស់កងកម្លាំងសន្តិសុខអីុរ៉ាក់ ក្រុមចម្រុះបានវាយប្រហារលើពួកយុទ្ធជន និងសម្ភាររបស់ក្រុមរដ្ឋអ៊ិស្លាម កាលពីថ្ងៃទី១៧ មីនា នៅក្រុងម៉ូសស៊ុលភាគខាងលិចជាតំបន់មានសេចក្តីរាយការណ៍ពីជនរងគ្រោះស៊ីវិលច្រើន ។ នេះជាការទទួលស្គាល់របស់ក្រុមចម្រុះប្រឆាំងជីហាដក្នុងសេចក្តីប្រកាសមួយ ។ កាលពីដើមខែមីនា ក្រុមចម្រុះនេះនាំមុខដោយសហរដ្ឋអាមរិកធ្លាប់គូសបញ្ជាក់ថា ជនស៊ីវិលប្រហែលយ៉ាងតិច២២០នាក់ ត្រូវសម្លាប់ដោយអចេតនាក្នុងការវាយប្រហារនានារបស់កងយន្តហោះខ្លួនចាប់ពីដើមឆ្នាំ២០១៤មក ។
អភិបាលខេត្តលោក NAWFAL HAMMADI គូសបញ្ជាក់កាលពីថ្ងៃទី២៥ មីនាថា ក្រុមររដ្ឋអ៊ិស្លាមសាកល្បងបញ្ឈប់តាមគ្រប់មធ្យោបាយការវាយរុលទៅមុខរបស់កងទ័ពអីុរ៉ាក់នៅក្រុងម៉ូសស៊ុល ។ ក្រុមនោះប្រមូលផ្តុំជនស៊ីវិលប្រើប្រាស់ជាខែលមនុស្ស ៕
ចែករំលែកព័តមាននេះ