ពុទ្ធោ ! ស្លា.ប់យ៉ាងអាណោចអធ័មដោយសាកសពបែកខ្ទេចជាបំណែកៗ
រាជធានីភ្នំពេញ ៖ ស្ត្រីវ័យក្មេងម្នាក់ចេញពីធ្វើការជិះម៉ូតូត្រឡប់ទៅផ្ទះវិញបានបើកជែងរថយន្តដឹកអុសឈប់តាមផ្លូវត្រូវរថយន្តដឹកអុសមួយគ្រឿងទៀតរបស់រោងចក្រSL
រាជធានីភ្នំពេញ ៖ ស្ត្រីវ័យក្មេងម្នាក់ចេញពីធ្វើការជិះម៉ូតូត្រឡប់ទៅផ្ទះវិញបានបើកជែងរថយន្តដឹកអុសឈប់តាមផ្លូវត្រូវរថយន្តដឹកអុសមួយគ្រឿងទៀតរបស់រោងចក្រSLបើកតាមក្រោយបុកពេញទំហឹង ហើយរថយន្តកិនដាច់ភ្លៅទាំងសងខាង កិនបែកពោះធ្លាយពោះវៀននៅលើថ្នល់ កិនសើយដៃខាងស្តាំនៅសល់តែឆ្អឹង និងកិនសើយសក់ក្បាលនៅសល់តែលលាដ៍ក្បាលស្លាប់គួរឲ្យអាណោចអធ័ម ។ ចំណែករថយន្តបង្កបើករត់ចូលក្នុងរោងចក្របាត់ស្រមោលបង្កឲ្យមានការភ្ញាក់ផ្អើលកាលពីរវេលាម៉ោង12និង15នាទីយប់ ថ្ងៃទី25 ខែមិនា ឆ្នាំ2017 នៅមុខកងរាជអាវុធហត្ថរាជធានីភ្នំពេញតាមបណ្ដោយផ្លូវវេងស្រេង ឋិតក្នុងភូមិដំណាក់ធំ5 សង្កាត់ស្ទឹងមានជ័យ ខណ្ឌមានជ័យ ។
សពស្ត្រីរងគ្រោះត្រូវរថយន្តបុកស្លាប់មានឈ្មោះ សុខ វណ្ណា អាយុ27ឆ្នាំ ជាកម្មការិនីរោងចក្រ និងបំរើការតាមហាងពេលយប់ ស្នាក់នៅភូមិឬស្សី សង្កាត់ស្ទឹងមានជ័យ ខណ្ឌមានជ័យ មានស្រុកកំណើតនៅខេត្តពោធិ៍សាត់ ។
បើតាមប្រភពព័ត៌មានពីរកន្លែងកើតហេតុបានឱ្យដឹងថា មុនពេលកើតហេតុគេឃើញនារីរងគ្រោះជិះម៉ូតូម៉ាកហុងដាឌ្រីម ស៊េរី2016 ពណ៌ខ្មៅ ពាក់ស្លាកលេខ ភ្នំពេញ 1FK-7492 ធ្វើដំណើរតាមបណ្ដោយផ្លូវវេងស្រេងក្នុងទិសដៅពីចោមចៅឆ្ពោះទៅច្រមុះជ្រូកស្ទឹងមានជ័យ ខណៈពេលជិះមកដល់ចំណុចកើតហេតុស្រាប់តែមានរថយន្តដឹកអូសរបស់រោងចក្រ SL មួយគ្រឿងបានចតតាមចិញ្ចើមផ្លូវខាងស្ដាំហើយអ្នកបើកបរចុះទៅទិញមីឆានៅក្បែរនោះស្ត្រីរងគ្រោះបានជិះម៉ូតូវ៉ាជែងរថយន្តដែលចតទុកចោលមិនទាន់ផុតផង ស្រាប់តែមានរថយន្តដឹកអូសមួយគ្រឿងទៀតរបស់រោងចក្រSLដូចគ្នាបើកមកពីក្រោយក្នុងល្បឿងយ៉ាងលឿនបានបុកស្ត្រីរងគ្រោះពីក្រោយអូស4ទៅ5ម៉ែត្រ បណ្ដាលឲ្យស្ត្រីរងគ្រោះត្រូវរថយន្តកិនដាច់ភ្លៅទាំង2ដោយភ្លៅម្ខាងខ្ទាតនៅកណ្តាលផ្លូវ ហើយផ្លូវម្ខាងទៀតជនរងគ្រោះកើយជាប់ពីលើក្បាល កិនបែកពោះធ្លាយពោះវៀននៅកណ្តាលថ្នល់ កិនសើចដៃខាងស្តាំនៅសល់តែឆ្អឹង កិនសើយសក់អស់ពីក្បាលនៅសល់តែលលាដ៍ក្បាលស្លាប់នៅកន្លែងកើតហេតុ។
ក្រោយពេលកើតហេតុមានបុរសម្នាក់អាយុជាង30ឆ្នាំស្ថិតក្នុងសភាពតក់ស្លុតជាពន់ពេកបានមកអះអាងថា សពស្ត្រីរងគ្រោះត្រូវជាប្រពន្ធតែមិនបានរស់នៅជាមួយគ្នាទេក៏មិនដឹងថា មានរឿងអ្វីដែរ គ្រាន់តែប្រាប់ថា ប្រពន្ធរបស់គាត់ធ្វើការរោងចក្រនៅពេលថ្ងៃ ហើយពេលយប់ទៅធ្វើការនៅហាងមួយកន្លែងផ្សេងទៀតតែមិនដឹងថា នៅឯណាដែរ ។ សពត្រូវបានសមត្ថកិច្ចប្រគល់ឲ្យក្រុមគ្រួសារយកទៅធ្វើបុណ្យតាមប្រពៃណីនៅវត្តសំបួរមាស ចំណែកម៉ូតូត្រូវបានសមត្ថកិច្ចយកទៅរក្សាទុកនៅចរាចរណ៍ក្រុង និងស្វែងរកចាប់អ្នកបើកបររថយន្តបង្កមកផ្ដន្ទាទោសតាមផ្លូវច្បាប់ ៕
ចែករំលែកព័តមាននេះ