កម្លាំងនគរបាលបង្ក្រាបក្រុមចោរប្លន់កក្រើកនៅខេត្តកំពតនិងខេត្តកំពង់ស្ពឺ
ខេត្តកំពង់ស្ពឺ ៖ ក្រុមចោរប្លន់ម៉ូតូដែលតែងតែធ្វើសកម្មភាពប្លន់នៅតាមបណ្តាខេត្តនានាពេលនេះត្រូវបានកម្លាំងនគរបាលខេត្តកំពត និងកម្លាំងនគរបាលខេត្តកំពង់ស្ពឺ
ខេត្តកំពង់ស្ពឺ ៖ ក្រុមចោរប្លន់ម៉ូតូដែលតែងតែធ្វើសកម្មភាពប្លន់នៅតាមបណ្តាខេត្តនានាពេលនេះត្រូវបានកម្លាំងនគរបាលខេត្តកំពត និងកម្លាំងនគរបាលខេត្តកំពង់ស្ពឺ
ខេត្តកំពង់ស្ពឺ ៖ ក្រុមចោរប្លន់ម៉ូតូដែលតែងតែធ្វើសកម្មភាពប្លន់នៅតាមបណ្តាខេត្តនានាពេលនេះត្រូវបានកម្លាំងនគរបាលខេត្តកំពត និងកម្លាំងនគរបាលខេត្តកំពង់ស្ពឺសហការជាមួយកម្លាំងនគរ បាលនាយកដ្ឋានព្រហ្មទណ្ឌក្រសួងមហាផ្ទៃ កាលពីថ្ងៃទី25 ខែមីនា ឆ្នាំ2017 កន្លងទៅនេះបានបើកប្រតិបត្តិការតាមបង្ក្រាបក្រុមចោរប្លន់ម៉ូតូរបស់ប្រជាពលរដ្ឋតាមមូលដ្ឋានបានចំនួន២នាក់ ។ ការបង្ក្រាបក្រុមចោរប្លន់ពីសំណាក់នគរបាលទាំងនេះបន្ទាប់ពីជនសង្ស័យបានប្លន់ម៉ូតូរបស់ប្រជាពលរដ្ឋមួយគ្រឿងនៅភូមិតាយុង ឃុំដំបូករូង ស្រុកភ្នំស្រួច ខេត្តកំពង់ស្ពឺ ។
នគរបាលស្រុកភ្នំស្រួចបានឱ្យដឹងថា ការឃាត់ខ្លួនជនសង្ស័យបានក្រោយពីក្រុមជនសង្ស័យធ្វើសកម្មភាពភ្ជង់ប្លន់ម៉ូតូពីជនរងគ្រោះនៅស្រុកភ្នំស្រួចបានហើយចោរបានជិះម៉ូតូជនរងគ្រោះសំដៅទៅខេត្តកំពត ។ ក្រោយទទួលបានព័ត៌មានអំពីករណីប្លន់នេះកម្លាំងនគរបាលខេត្តកំពតបានជួយស្ទាក់ក្នុងភូមិសាស្ត្រជាប់ព្រំប្រទល់ខេត្តកំពង់ស្ពឺ ស្រាប់តែជនល្មើសហាក់បីដូចជាដឹងខ្លួនមុនក៏បានជិះម៉ូតូត្រឡប់មកខេត្តកំពង់ស្ពឺវិញតាមផ្លូវជាតិលេខ41 ហើយត្រូវបានសមត្ថកិច្ចខាងខេត្តកំពង់ស្ពឺចាប់បាននៅមុខអធិការដ្ឋាននគរបាលស្រុកគងពិសីតែម្តង ។
នគរបាលបានបញ្ជាក់ទៀតថា ជនល្មើសដែលឃាត់ខ្លួនបាននៅខេត្តកំពង់ស្ពឺឈ្មោះ ម៉ៅ គឹមអេង ហៅចន អាយុ38ឆ្នាំ មុខរបរមិនពិតប្រាកដស្នាក់នៅអាសន្ននៅក្នុងភូមិមានជ័យ ឃុំដំបូករូង ស្រុកភ្នំស្រួច ខេត្តកំពង់ស្ពឺ មានស្រុកកំណើតនៅភូមិចំលងជ្រៃ ឃុំស្តេចគង់ខាងលិច ស្រុកបន្ទាយមាស ខេត្តកំពត ។ ក្រោយឃាត់ខ្លួនជនសង្ស័យបានសមត្ថកិច្ចខេត្តកំពង់ស្ពឺបានដកហូតម៉ូតូរបស់ជនរងគ្រោះនៅក្នុងភូមិ-ឃុំជាមួយគ្នា ចំពោះម៉ូតូដែលប្លន់បាននោះម៉ាកហុងដាC125 ស៊េរីឆ្នាំ2017 ពណ៌ខ្មៅ ពាក់ស្លាកលេខ កំពង់ស្ពឺ 1H-6919 ដែលម្ចាស់ឈ្មោះ ផាត សារឿន ភេទប្រុស អាយុ41ឆ្នាំ រស់នៅក្នុងភូមិតាយ៉ុង ឃុំដំបូករូង ស្រុកភ្នំស្រួច ខេត្តកំពង់ស្ពឺ ។ សមត្ថកិច្ចក៏បានដកហួតម៉ូតូជនសង្ស័យ1គ្រឿងធុនសេ125 ស៊េរីឆ្នាំ2011 ពណ៌ខ្មៅ ពាក់ស្លាកលេខ ភ្នំពេញ 1AK-4747 ដែលជិះធ្វើសកម្មភាពកន្លងមកនៅខេត្តកំពត និងតាមបណ្តាខេត្តនានានោះ ។
ក្រោយការចាប់ខ្លួននគរបាលនាយកដ្ឋានព្រហ្មទណ្ឌបាននាំជនសង្ស័យទៅយកអាវុធដែលបានលាក់ទុកផងដែរគឺកាំភ្លើងខ្លី1ដើម ។ បច្ចុប្បន្នក្រុមជនសង្ស័យទាំង2នាក់រួមនឹងវត្ថុតាងត្រូវបាននាំយកទៅសួរនាំបន្តនៅនាយកដ្ឋានព្រហ្មទណ្ឌក្រសួងមហាផ្ទៃដើម្បីចាត់ការបន្តទៀតតាមផ្លូវច្បាប់ ៕
ចែករំលែកព័តមាននេះ