រឿង សោភ័ណ្ឌ ចាត់ទុកការជាប់ជម្រើសជាតិត្រៀមស៊ីហ្គេមសំខាន់បំផុតក្នុងអាជីពប្រដាល់់
- ភ្នំពេញ
រាជធានីភ្នំពេញ ៖ អ្នកប្រដាល់ជើងខ្លាំងលំដាប់ជួរមុខកម្ពុជា រឿង សោភ័ណ្ឌ បានចាត់ទុកការ
រាជធានីភ្នំពេញ ៖ អ្នកប្រដាល់ជើងខ្លាំងលំដាប់ជួរមុខកម្ពុជា រឿង សោភ័ណ្ឌ បានចាត់ទុកការ
ជាប់ឈ្មោះក្នុងបញ្ជីក្រុមជម្រើសជាតិប្រដាល់គុនខ្មែរត្រៀមស៊ីហ្គេម លើកទី៣២ ឆ្នាំ២០២៣ របស់ខ្លួនគឺជារឿងសំខាន់បំផុតក្នុងអាជីពប្រដាល់បន្ទាប់ពីសហព័ន្ធគុនខ្មែរបានប្រកាសថា រូបគេ បានជាប់ឈ្មោះក្នុងក្រុមជម្រើសជាតិ ដើម្បីប្រមូលផ្ដុំហ្វឹកហាត់ត្រៀមការប្រកួតព្រឹត្តិការណ៍ជាប្រវត្តិសាស្ត្ររបស់កម្ពុជាខាងលើ។
កីឡាករដែលមានបទពិសោធន៍ជោកជាំលើសង្វៀនប្រដាល់ខាងលើបានឲ្យដឹងថា រូបគេបានប្ដេជ្ញាប្រឹងប្រែងហ្វឹកហាត់ ដើម្បីបំពេញមហិច្ឆតាស្វែងរកមេដាយជូនជាតិ ពីព្រោះវាជាឱកាសមួយបានបង្ហាញសមត្ថភាព ហើយក៏ជាឱកាសដើម្បីមានឈ្មោះចារក្នុងប្រវត្តិសាស្ត្រផងដែរ ។ កីឡាករមានកម្ពស់មិនសូវខ្ពស់រូបនេះបានចាត់ទុកការប្រកួតស៊ីហ្គេមសំខាន់បំផុតមួយក្នុងអាជីព ព្រោះជាកម្មវិធីដែលខ្លួនបានវាយតំណាងឲ្យជាតិជាលើកដំបូង ហើយពិសេសគឺបានវាយនៅលើទឹកដីរបស់ខ្លួនឯងថែមទៀតផង។
កីឡាករល្បីឈ្មោះរបស់កម្ពុជារូបនេះបាននិយាយថា ៖«ក្នុងនាមយើងជាម្ចាស់ផ្ទះ យើងមាន
តែការខិតខំប្រឹងប្រែងប៉ុណ្ណោះ ដើម្បីស្វែងរកមេដាយជូនជាតិ ។ ខ្ញុំចាត់ទុកកម្មវិធីនេះសំខាន់ណាស់សម្រាប់អាជីពរបស់ខ្ញុំ ពីព្រោះយើងវ៉ៃក្នុងដីយើង ហើយតំណាងឲ្យជាតិទៀត ។ ដូច្នេះខ្ញុំក៏គ្មានអ្វីក្រៅពីការប្រឹងប្រែងហ្វឹកហាត់ឲ្យបានខ្លាំងជាងមុន ដើម្បីសម្រេចក្ដីបំណងប៉ុណ្ណោះ»។
គួរឱ្យដឹងផងដែរថា រឿង សោភ័ណ្ឌ ជាជើងខ្លាំងរបស់កម្ពុជាក្នុងប្រភេទទម្ងន់៧១គីឡូក្រាម ដែលឆ្លងកាត់ការប្រកួតលើសង្វៀនគុនខ្មែរ១៥១ដង ក្នុងនោះឈ្នះ១២៩ ចាញ់១៧ដង និងស្មើ៥ដង ធ្លាប់ដណ្ដើមបានខ្សែក្រវាត់ជើងឯកជាច្រើនគ្រឿង៕
ចែករំលែកព័តមាននេះ