ខេត្តសៀមរាប ៖ ព្រឹត្តិការណ៍ទិវារត់ប្រណាំងម៉ារ៉ាងតុងអន្តរជាតិ ចក្រភពអង្គរ លើកទី១០ ដែលបានធ្វើឡើងនៅមុខអង្គរ កាលពីព្រឹកថ្ងៃអាទិត្យទី៣១ ខែសីហា ឆ្នាំ២០២៥ មានអ្នករត់ចូលរួមទាំងភ្ញៀវជាតិ…
ខេត្តសៀមរាប ៖ ព្រឹត្តិការណ៍ទិវារត់ប្រណាំងម៉ារ៉ាងតុងអន្តរជាតិ ចក្រភពអង្គរ លើកទី១០ ដែលបានធ្វើឡើងនៅមុខអង្គរ កាលពីព្រឹកថ្ងៃអាទិត្យទី៣១ ខែសីហា ឆ្នាំ២០២៥ មានអ្នករត់ចូលរួមទាំងភ្ញៀវជាតិ និងអន្តរជាតិ ចំនួន៤,២២៤នាក់ ។
ចំពោះព្រឹត្តិការណ៍ ដែលគ្រោងនឹងធ្វើឡើងចាប់ពីថ្ងៃទី៣ ខែសីហា ឆ្នាំ២០២៥ ត្រូវបានលើកពេលរហូត។ ទន្ទឹមជាមួយនឹងឲ្យមានការលើកពេលរត់នេះទៀត ដោយសារមានការប៉ះទង្គិចគ្នា នៅតាមបណ្ដោយព្រំដែនកម្ពុជា-ថៃ។ ជាពិសេស ក្រោយពីបទឈប់បាញ់ ត្រូវបានអនុវត្តន៍ ចាប់ពីក្រោយម៉ោង១២យប់ថ្ងៃទី២៨ ខែកក្កដា ឆ្នាំ២០២៥ ទើបយើងបានកំណត់យកថ្ងៃ រត់មកនៅត្រឹមថ្ងៃទី៣ ខែសីហារួចម្ដងមកហើយ ប៉ុន្តែដោយសាមានសំណូមពរពីអត្តពលិកជាតិ អារម្មណ៍របស់ប្រជាពលរដ្ឋ មិនទាន់ស្ងប់ល្អទើបធ្វើឲ្យយើងពន្យាពេលជាបន្តបន្ទាប់ រហូតមកដល់ថ្ងៃទី៣១ ខែសីហា ឆ្នាំ២០២៥ ។
ដូច្នេះដើម្បីឆ្លុះបញ្ចាំងពីភាពត្រឹមត្រូវ និងចង់បានសន្តិភាពរបស់រាជរដ្ឋាភិបាល ក៏ដូចជាប្រជាជនកម្ពុជាទូទាំងប្រទេស គណៈកម្មាធិការជាតិអូឡាំពិកកម្ពុជា បានប្រែក្លាយពីការត់ម៉ារ៉ាតង់អន្តរជាតិ លើកទី១០ មកជាការរត់ ដើម្បីសន្ដិភាព សាមគ្គីភាព និងភាពសុខសាន្ដរបស់ប្រជាពលរដ្ឋ ទី២-រត់ ដើម្បីគាំទ្រ និងការពារបេតិកភណ្ឌរបស់មនុស្សជាតិ និងទី៣-រត់ ដើម្បីជួយឧបត្ថម្ភគាំទ្រដល់វីរកងទ័ពជួរមុខ និងជនភៀសសឹក ។
ឯកឧត្តមទេសរដ្ឋមន្ត្រី ថោង ខុន ប្រធានគណៈកម្មាធិការជាតិអូឡាំពិកកម្ពុជា បានថ្លែងថា ទិវារត់ប្រណាំងម៉ារ៉ាតុងចក្រភពអង្គរ លើកទី១០នា ថ្ងៃទី៣១ ខែសីហា នៅពេលនេះ គណៈកម្មការ រៀបចំទទួលបានអ្នកចូលរួម រត់ប្រណាំងសរុបចំនួន ៤,២២៤ នាក់ ក្នុងនោះអត្តពលិកជាតិ មានចំនួន ៣,៤៦២នាក់ និងអត្តពលិកអន្តរជាតិ ចំនួន ៧៦២នាក់ មកពី ៤៧ប្រទេស ដែលប្រទេសចូលរួមច្រើនជាង គេ រួមមាន ៖ ចិន, ជប៉ុន, បារាំង, ចក្រភពអង់គ្លេស និងសហរដ្ឋអាមេរក ។
ចំពោះវិញ្ញាសារត់ គឺមានរត់ចម្ងាយ ៤២គីឡូម៉ែត្រ, ២១គីឡូម៉ែត្រ, ១០គីឡូម៉ែត្រ និង ៣គីឡូម៉ែត្រ ៕
ចែករំលែកព័តមាននេះ