តារាសម្តែងរូបស្រស់ ពេជ្រ អាវីហ្សា ជួបគ្រោះថ្នាក់ចរាចរណ៍
រាជធានីភ្នំពេញ ៖ តារាសម្តែងសាច់សខៃ ពេជ្រ អាវីហ្សា ដែលចេញពីជប់លៀងមិត្តភក្កិនៅក្លឹប៥៥ បានបើករថយន្តបុកម៉ូតូមួយគ្រឿងបង្កឱ្យរងរបួសធ្ងន់២នាក់
រាជធានីភ្នំពេញ ៖ តារាសម្តែងសាច់សខៃ ពេជ្រ អាវីហ្សា ដែលចេញពីជប់លៀងមិត្តភក្កិនៅក្លឹប៥៥ បានបើករថយន្តបុកម៉ូតូមួយគ្រឿងបង្កឱ្យរងរបួសធ្ងន់២នាក់
រាជធានីភ្នំពេញ ៖ តារាសម្តែងសាច់សខៃ ពេជ្រ អាវីហ្សា ដែលចេញពីជប់លៀងមិត្តភក្កិនៅក្លឹប៥៥ បានបើករថយន្តបុកម៉ូតូមួយគ្រឿងបង្កឱ្យរងរបួសធ្ងន់២នាក់ នៅវេលាម៉ោង២និង១០នាទីរំលងអធ្រាត្រឈានចូលថ្ងៃទី២៤ មីនា តាមបណ្តោយផ្លូវសុធារស នៅមុខសាកលវិទ្យាល័យបៀលប្រាយ ស្ថិតនៅក្នុងសង្កាត់ទន្លេបាសាក់ ខណ្ឌចំការមន។
តារារូបស្រស់ ពេជ្រ អាវីហ្សា បានបើករថយន្តម៉ាកឡិចស៊ីស GS300 ពណ៌ខ្មៅ ពាក់ស្លាកលេខ 2R 2141 ។
សាក្សីដែលឃើញហេតុការណ៍បានឱ្យដឹងថា មុនពេលកើតហេតុគេបានឃើញបុរស២នាក់ជិះម៉ូតូមួយគ្រឿងម៉ាក Today ពណ៌ទឹកសមុទ្រលាយស ពាក់ស្លាកលេខ ភ្នំពេញ 2FL 3864 ធ្វើដំណើរតាមបណ្តោយផ្លូវសុធារសក្នុងទិសដៅពីត្បូងទៅជើង ។ ខណៈពេលមកដល់ចំណុចកើតហេតុក៏ស្រាប់តែមានរថយន្តមួយគ្រឿងម៉ាកឡិចស៊ីស ធ្វើដំណើរតាមបណ្តោយផ្លូវសុធារសក្នុងទិសដៅពីជើងទៅត្បូងក្នុងល្បឿនលឿនទំនងអាងយប់ស្ងាត់មិនសូវមានចរាចរណ៍មិនបានបន្ថយល្បឿននោះទេ ក៏បានរេចង្កូតជ្រុលទៅបុកម៉ូតូចំពីមុខពេញទំហឹងបណ្តាលឱ្យរងរបួសធ្ងន់ទាំង២នាក់ ។ ចំណែកឯម៉ូតូToday ខូចខាតខ្ទេចអស់ទាំងស្រុង រីឯរថយន្តបង្កវិញខ្ទេចមួយចំហៀងខាងឆ្វេងហើយកង់មុខតៀរជាប់ចិញ្ចើមផ្លូវ ។
បើតាមសំដីរបស់នាង អាវីហ្សា ជាអ្នកបើករថយន្តបានបកស្រាយថា រូបនាងទើបតែចេញមកពីកម្មពីធីជប់លៀងមិត្តភក្តិនៅឯក្លឹប៥៥ ក្នុងសង្កាត់ចតុមុខ ខណ្ឌដូនពេញ ។ លុះពេលចេញពីកម្មពិធីហើយ បានបើករថយន្តត្រឡប់ទៅផ្ទះវិញមកដល់ចំណុចកើតហេតុស្រាប់តែម៉ូតូ Today ជិះដោយប្រុសៗ២នាក់ក្នុងស្ថានភាពស្រវឹងស្រាបើករេពេញតែផ្លូវ ហើយរេចង្កូតចូលមកបុករថយន្តរបស់នាងចំពីមុខ ពេញទំហឹងបណ្តាលអោយរងរបួសធ្ងន់ទាំង២នាក់តែម្តង ។
ក្រោយពេលកើតហេតុរថយន្តសង្គ្រោះបានមកដល់ដឹកយកជនរងគ្រោះទាំង២នាក់យកទៅព្យាបាលនៅគ្លីនិកហុងហាក់ ។ ចំណែកតារាសម្តែង ពេជ្រ អាវីហ្សា បន្ទាប់ពីកើតហេតុមានមិត្តភក្កិបើករថយន្តម៉ាកហាយឡែនឌ័រមកដល់កន្លែងកើតហេតុសុំធានាយកនាងត្រឡប់ទៅផ្ទះវិញ ប៉ុន្តែសមត្ថកិច្ចមិនព្រមទេគឺបាននាំយកមកប៉ុស្តិ៍នគរបាលទន្លេបាសាក់ ដើម្បីប្រគល់ឲ្យនគរបាលចរាចរណ៍ផ្លូវគោកយកទៅរក្សាទុកនៅការិយាល័យចរាចរណ៍ជើងគោករង់ចាំដោះស្រាយគ្នានៅពេលក្រោយដែលតាមព័ត៌មានក្រៅៗថា អ្នករងគ្រោះទាមទារសំណងមួយម៉ឺនដុល្លារ ។
តារាសម្តែង ពេជ្រ អាវីហ្សា ទើបងាកមកប្រឡូកក្នុងវិស័យសិល្បៈវិញ បន្ទាប់ពីរឿងរ៉ាវស្នេហាបែកបាក់ ក្រោយកើតមានហិង្សាប្រុសស្នេហ៍របស់នាងវាយដំ ។ ទោះជាបែបណារឿងដែលកើតឡើងនៅឯខេត្តព្រះសីហនុនោះ ត្រូវបានបញ្ចប់ហើយ ដោយនាងបានដកពាក្យបណ្តឹងវិញ ហើយរហូតមកដល់ពេលនេះ រឿងជូរចត់នោះ ក៏បានក្លាយទៅជាសុបិនដ៏អាក្រក់មួយសម្រាប់រូបនាង ។
គូរកត់សម្គាល់ថា ពេលរាត្រីនៅរាជធានីភ្នំពេញ ភាគច្រើនជាអាណាចក្ររបស់អ្នកស្រវឹង។ គ្មានរាត្រីណាមួយដែលគ្មានអ្នកស្រវឹងបើកបរទេ ។ បើនិយាយពីរាត្រីនៅរាជធានី គួរឱ្យព្រឺខ្លាចណាស់ ៕
ចែករំលែកព័តមាននេះ