បុរសជាកម្មករសំណង់អាយុ១៨ឆ្នាំម្នាក់ ហ៊ានចូលផ្ទះគេ រួចចាប់ស្ត្រីម្នាក់រំលោ.ភសេពសន្ថៈ រួចសម្លា.ប់ចោល ថែមទាំងយកលុយ ២០០០០រៀល និងម៉ូតូទៅដេកនៅក្នុងកន្លែងសំណង់ធ្វើព្រងើយ ហើយ
ខេត្តសៀមរាប ៖ បុរសជាកម្មករសំណង់អាយុ១៨ឆ្នាំម្នាក់ ហ៊ានចូលផ្ទះគេ រួចចាប់ស្ត្រីម្នាក់រំលោ.ភសេពសន្ថៈ រួចសម្លា.ប់ចោល ថែមទាំងយកលុយ ២០០០០រៀល និងម៉ូតូទៅដេកនៅក្នុងកន្លែងសំណង់ធ្វើព្រងើយ ហើយត្រូវបានសមត្ថកិច្ចស្រាវជ្រាវ រហូតឈានដល់ឃាត់ខ្លួនបាន រួចរៀបចំកសាងសំណុំរឿងបញ្ជូនទៅកាន់តុលាការខេត្ត ដើម្បីចាត់ការបន្ត។ ហេតុការណ៍ឃាត់ខ្លនកម្មករសំណង់ម្នាក់នេះ ធ្វើឡើងនៅវេលាម៉ោង១១និង៣០នាទីថ្ងៃត្រង់ ថ្ងៃទី១៥ ខែតុលា ឆ្នាំ២០២២ នៅចំណុចការដ្ឋានសំណង់ ស្ថិតក្នុងក្នុងភូមិបឹង សង្កាត់ក្របីរៀល ក្រុងសៀមរាប។
បើតាមប្រសាសន៍របស់លោកវរសេនីយ៍ឯក សុខ ម៉េងអ៊ាង នាយការិយាល័យនគរបាល នៃស្នងការដ្ឋាននគរបាលខេត្តសៀមរាប បានប្រាប់ឱ្យដឹងនៅព្រឹកថ្ងៃទី១៦ ខែតុលា ឆ្នាំ២០២២ នេះថា ដោយយោងតាមបទបញ្ជា និងបញ្ហាផ្ទាល់ពីលោកឧត្តមសេនីយ៍ត្រី តេង ច័ន្ទណាត ស្នងការដ្ឋាននគរបាលខេត្ត, លោកឧត្តមសេនីយ៍ត្រី ស្នងការរងទទួលផែនបទល្មើសព្រហ្មទណ្ឌ និងលោកវរសេនីយ៍ឯក ណុប សារ៉ាក់ ស្នងការរងទទួលការងារការិយាល័យនគរបាលបទល្មើសព្រហ្មទណ្ឌកម្រិតធ្ងន់ នៃស្នងការដ្ឋាននគរបាលខេត្តសៀមរាប បានឱ្យលោកដឹកនាំកម្លាំងនគរបាលការិយាល័យព្រហ្មទណ្ឌកម្រិតធ្ងន់ ចុះសហការជាមួយកម្លាំងមូលដ្ឋាន តាមពាក្យបណ្តឹងរបស់ក្រុមគ្រួសារស.ព ស្រាវជ្រាវរហូតឈានដល់ធ្វើការឃាត់ខ្លួន ហើយបញ្ជូនយកមកសួរនាំនៅការិយាល័យជំនាញ។
លោកបានបន្ថែមថា ជនសង្ស័យរូបនេះមានឈ្មោះ យ៉ា ឆានី ភេទប្រុស អាយុ១៨ឆ្នាំ មុខរបរកម្មករសំណង់ មានទីលំនៅភូមិគោកថ្មី ឃុំល្វា ស្រុកពួក ខេត្តសៀមរាប។
លោកបានបញ្ជាក់ថា ក្រោយធ្វើការឃាត់ខ្លួនបាន និងតាមការស្តាប់ចម្លើយរបស់ជនសង្ស័យបានសារភាពថា រូបគេជាជនដៃដល់តែម្នាក់ឯងគត់ដែលធ្វើសកម្មភាពរំលោ.ភសេន្ថវៈ និងសម្លា.ប់ទៅលើស្ត្រីជនរងគ្រោះអាយុ៣៨ឆ្នាំ ព្រមទាំងយកទ្រព្យសម្បត្តិរបស់នាង ហើយទៅដេកនៅកន្លែងធ្វើការសំណង់វិញ។
លោកបានបន្ថែមទៀតថា ជាក់ស្តែងកាលពីល្ងាចថ្ងៃទី១០ និងថ្ងៃទី១១ ខែតុលា ឆ្នាំ២០២២ នៅចន្លោះម៉ោង១៩និង០០នាទីយប់ រូបគេបានជិះកង់ឆ្វែលទៅមើលជនរងគ្រោះនៅចំណុចទីតាំងកន្លែងកើតហេតុខាងលើ លុះដល់ល្ងាចថ្ងៃទី១២ ខែតុលា វេលាម៉ោង២០និង០០នាទីយប់ រូបគេបានជិះកង់ចេញពីការដ្ឋានសំណង់ ស្ថិតភូមិបឹង សង្កាត់ក្របីរៀល ក្រុងខេត្តសៀមរាប ទៅទិញមីឆា និងប្រហិតចៀន នៅចំណុចផ្សារក្របីរៀល រួចហើយក៏ជិះកង់សំដៅទៅផ្ទះជនរងគ្រោះតែម្តង ពេលទៅដល់ខ្លួនឃើញជនរងគ្រោះអង្គុយនៅមុខផ្ទះតែម្នាក់ឯង។ ចំណែកទ្វារផ្ទះវិញ គឺបើកចំហរ ពេលនោះរូបគេក៏បានកាន់មីឆា និងប្រហិតចៀន ចូលទៅអង្គុយហូបនៅក្នុងផ្ទះជនរងគ្រោះ តែជនរងគ្រោះមិនបានចូលរួមហូបជាមួយទេ ហើយក៏មិនបាននិយាយអ្វីមកកាន់រូបខ្លួនផងដែរ។
លោកបន្ថែមទៀតថា លុះនៅវេលាម៉ោង២១និង៣០នាទីយប់ ពេលរូបគេហូបមីឆា និងប្រហិតចៀនអស់ ស្រាប់តែជនរងគ្រោះដើរចូលទៅបន្ទប់ទឹកក្នុងផ្ទះ ខណៈពេលនោះដោយមានចំណង់ និងស្របពេលដែលមានឱកាសល្អផង ព្រោះយប់ស្ងាត់ ហើយជនរងគ្រោះនៅផ្ទះតែ ម្នាក់ឯងទៀត រូបគេក៏បានក្រោកដើរទៅយកខ្សែភ្លើងមានប្រវែងប្រហែល១៥០សង់ទីម៉ែត្រ នៅលើតុក្បែរគ្រែដេករបស់ជនរងគ្រោះ យកមកបត់ជាពីរ ហើយស្ទុះចូលតាមជនរងគ្រោះទៅក្នុងបន្ទប់ទឹកដែលកំពុងឈរបែរខ្នងមកទ្វារ ដោយប្រើដៃទាំងពីររឹ.ត.ករបស់ជនរងគ្រោះនឹងខ្សែភ្លើងរហូតដល់សន្លប់បាត់បង់ស្មារតី ហើយគេបានដើរទៅបិទទ្វារផ្ទះ (ទ្វាររូត) កុំឱ្យអ្នកដទៃមើលឃើញពីសកម្មភាព។
ប្រភពដដែលបន្តថា បន្ទាប់ពីបិទទ្វារមុខរួច រូបគេយកដៃទាំងពីរសូកចូលក្រោមក្លៀកជនរងគ្រោះទាំងសងខាង ចាប់អូសរូបនាងទៅដាក់លើគ្រែ ហើយក៏ចាប់រំលោ.ភសេពសន្ថវៈទៅលើជនរងគ្រោះតែម្តង។ ក្រោយមកដោយពិនិត្យឃើញថា ជនរងគ្រោះនៅមានដង្ហើម និងដៃជើង នៅតែអាចកំរើកបាន ហើយដោយសារភ័យខ្លាចបែកការ ទើបរូបគេបានប្រើជើងខាងស្តាំងជាន់និងកន្ត្រំទៅលើជនរងគ្រោះខ្លាំងៗជាច្រើនជើង បណ្តាលឱ្យបាក់គ្រែ ទើបជនរងគ្រោះដាច់ខ្យល់ស្លា.ប់ ប៉ុន្តែមិនបានដឹងថា ជនរងគ្រោះបាក់.កនោះទេ។
ប្រភពដដែលបន្តទៀតថា បន្ទាប់ពីផ្តាច់សង្ខារជនរងគ្រោះហើយ ខ្លួនបានយកទូរស័ព្ទដៃមួយគ្រឿងម៉ាក OPPO ពណ៌ក្រហម ផ្ទុកស៊ីមកាតលេខ ០៧៨ ៧៤០ ៤៣៧ និងបន្តទៅរើកកាយមើលក្នុងទូរ ឃើញមានកាបូបដៃមួយ ពណ៌ប្រផះ ដែលមានប្រាក់ចំនួន២ម៉ឺនរៀល និងបានយកម៉ូតូជនរងគ្រោះម៉ាកឌ្រីមសង់ ពណ៌ខ្មៅ ស៊េរីឆ្នាំ២០១៧ ពាក់ស្លាកលេខ សៀមរាប 1Z:2423 បើកចេញដោយដៃម្ខាង និងដៃម្ខាងទៀតបណ្តើកង់ ដោយបើកហួសផ្លូវបត់ចូលទៅការដ្ឋានសំណង់ដែលខ្លួនស្នាក់នៅបណ្តោះអាសន្ន ប្រហែល៥០ម៉ែត្រ ក៏សម្រេចចិត្តទុកម៉ូតូជនរងគ្រោះនោះចោលនៅចំណុចខ្ទមមួយក្បែរផ្លូវកៅស៊ូ ព្រោះមិនដឹងយកទៅលក់នៅទីណា ម្យ៉ាងទៀតខ្លាចបែករឿង។ បន្ទាប់ពីទុកម៉ូតូប្លុងចោលហើយ រូបគេបានជិះកង់ទៅដេកនៅការដ្ឋានធ្វើសំណង់ ស្ថិតនៅភូមិបឹង សង្កាត់ក្របីរៀល ក្រុងខេត្តសៀមរាប ដោយយកទូរស័ព្ទជនរងគ្រោះទៅប្រើប្រាស់ផងដែរ លុះដល់វេលាម៉ោង១១និង៣០ នាទីថ្ងៃត្រង់ ថ្ងៃទី១៥ ខែតុលា ឆ្នាំ២០២២ ក៏ត្រូវបានសមត្ថកិច្ចធ្វើការនាំខ្លួនមកសួរនាំតែម្តង។
បច្ចុប្បន្ន ជនសង្ស័យ ត្រូវបានកម្លាំងនគរបាលការិយាល័យព្រហ្មទណ្ឌកម្រិតធ្ងន់ នៃស្នងការដ្ឋាននគរបាលខេត្តសៀមរាប បានបញ្ជូនទៅកាន់តុលាការខេត្តសៀមរាប ចាត់ការបន្តតាមនីតិវិធីច្បាប់ហើយ៕
ចែករំលែកព័តមាននេះ