មកស្គាល់អ្នកប្រដាល់ជាប់ឈ្មោះក្នុងប្រវត្តិសាស្ត្រចាញ់២០ប្រកួតជាប់គ្នាហើយមិនព្រមលាឈប់
រាជធានីភ្នំពេញ ៖ អ្នកស្នេហាគុនខ្មែរប្រាកដជាស្គាល់អ្នកប្រដាល់ចិត្តស៊ូមុខរឹងដូចដែក ស៊ឺន ថៃសាន់
រាជធានីភ្នំពេញ ៖ អ្នកស្នេហាគុនខ្មែរប្រាកដជាស្គាល់អ្នកប្រដាល់ចិត្តស៊ូមុខរឹងដូចដែក ស៊ឺន ថៃសាន់ ដែលកន្លងមកធ្លាប់ជាប់ឈ្មោះជាកីឡាករទី១ក្នុងប្រវត្តិសាស្ត្រប្រដាល់កម្ពុជា ដោយសារចាញ់ ២០ ប្រកួតជាប់គ្នាហើយមិនព្រមបោះបង់ចោលអាជីពរបស់ខ្លួនទៀត ព្រោះហេតុផល១នេះ។
កីឡាករមកពីក្លិបប្រដាល់ខេត្តកំពង់ស្ពឺរូបនេះធ្លាប់ឡើងសង្វៀនប្រកួតបានចំនួន១២០លើក
រួចមកហើយ ក្នុងនោះគេបានប្រាប់មកថា ឈ្នះ៩០ដង ស្មើ១០ដង និងចាញ់២០ដង ។ ប៉ុន្តែអ្វីដែលធ្វើឱ្យមហាជនចាប់អារម្មណ៍នោះគឺការវ៉ៃចាញ់២០ប្រកួតជាប់គ្នារបស់កីឡាកររូបនេះរហូតចង់
ដើរចេញពីគុនខ្មែរទៅហើយ ។ ប៉ុន្តែដើមចមដែលនាំឲ្យរូបគេសម្រេចចិត្តបន្តអាជីពដោយសារ
មានការលើកទឹកចិត្តពីមិត្តភក្ដិបងប្អូន និងពិសេសពីសំណាក់អ្នកគាំទ្រនៅជុំវិញខ្លួន ។ មួយទៀតគឺដោយសារតែគេទទួលបានការលើកទឹកចិត្តពីមនុស្សសំខាន់គឺភរិយា ទើបសម្រេចចិត្តជំនះចិត្តរបស់ខ្លួនឯងឡើងប្រកួតវិញ។
បើមើលទៅលើស្ថិតិ កីឡាករក្នុងស្រុកខ្មែរ គឺ ស៊ឺន ថៃសាន់ បានជាប់ជាកីឡាករទី១ហើយ ដែលរងបរាជ័យរហូត២០ប្រកួតជាប់គ្នា ព្រោះកន្លងមកគ្មានកីឡាករណាដែលចាញ់២០ប្រកួតជាប់គ្នាដូច្នេះឡើយ ។ ប៉ុន្តែក្រោយពេលគេចាញ់២០ប្រកួតជាប់គ្នាហើយមិនឈប់ពីប្រដាល់ ពេលត្រឡប់មកវិញគេស្មើ និងក្រោយមកឈ្នះ២ប្រកួតជាប់គ្នាវិញ ខណៈប្រកួតចុងក្រោយកាលពីពេលថ្មីៗនេះក៏បែរជាចាញ់វិញ គឺចាញ់ គឿម សុវណ្ណនឿត ដោយពិន្ទុក្នុងកម្មវិធី TVK Fighter របស់ទូរទស្សន៍ជាតិកម្ពុជា ទទក ៕
ចែករំលែកព័តមាននេះ