ការកើនកំដៅភ្លាមៗនៃទឹកសមុទ្រប៉ាស៊ីហ្វិកក្នុងដែនទឹកប៉េរូ បង្កឱ្យមានភ្លៀងធ្លាក់ខ្លាំងញ៉ាំងឱ្យស្ទឹងទាំងឡាយមានទឹកឡើងជោរជន់ ព្រមទាំងបង្កឱ្យមានការបាក់ដី បណ្តាលឱ្យមនុស្សស្លាប់៦៥នាក់ ហើយមនុស្សជាង៧០.០០០នាក់បាត់បង់ទីជម្រក ។
អាជ្ញាធរប៉េរូគូសបញ្ជាក់កាលពីថ្ងៃទី១៧ មីនា ថា កម្ពស់ទឹកភ្លៀងនៃរដូវភ្លៀងនេះមានខ្ពស់ខុសពីធម្មតាដល់ទៅ១០ដងឯណោះ ។ ការប្រកាសអាសន្នធ្វើឡើងនៅ
ពាក់កណ្តាលប្រទេស ។ បណ្តាតំបន់រងការប៉ះពាល់ខ្លាំងជាងគេ ស្ថិតនៅជាពិសេសនាភាគខាងជើងប្រទេស ។ ទឹកជំនន់នៅមានបន្ត ។
អ្នកវិទ្យាសាស្ត្រលោកDIMITRI GUTIERREZ យល់ថា បាតុភូត EL NINO ពោលគឺការកើនកំដៅសីតុណ្ហភាពនៃផ្ទៃមហាសមុទ្រប៉ាស៊ីហ្វិកត្រូវបន្តតាមបណ្តោយឆ្នេរសមុទ្រភាគខាងជើងរបស់ប៉រូក្នុងអំឡុងខែមេសា ៕
ចែករំលែកព័តមាននេះ