កាត់ទោសលោក សម រង្ស៊ី បុរសមាត់ដាច
រាជធានីភ្នំពេញ ៖ ចៅក្រមសាលាដំបូងរាជធានីភ្នំពេញ លោក អ៊ី ឋាវរៈ នៅព្រឹកថ្ងៃទី១៧ ខែមីនា ឆ្នាំ២០១៧បានបើកសវនាការរឿងក្ដីលោក សម រង្ស៊ី អតីតប្រធានគណបក្សសង្គ្រោះជាតិ ដែលចោទថា
រាជធានីភ្នំពេញ ៖ ចៅក្រមសាលាដំបូងរាជធានីភ្នំពេញ លោក អ៊ី ឋាវរៈ នៅព្រឹកថ្ងៃទី១៧ ខែមីនា ឆ្នាំ២០១៧បានបើកសវនាការរឿងក្ដីលោក សម រង្ស៊ី អតីតប្រធានគណបក្សសង្គ្រោះជាតិ ដែលចោទថា រាជរដ្ឋាភិបាលកម្ពុជា នៅពីក្រោយខ្នងនៃអំពើឃាតកម្មលើលោកបណ្ឌិត កែម ឡី ។
នៅពេលសវនាការមានការចាក់បញ្ចាំងវីដេអូឃ្លីបរបស់លោក សម រង្ស៊ី ដែលនិយាយនៅទីក្រុងប៉ារីសប្រទេសបារាំង និងសំឡេងសម្ភាសន៍របស់លោកជាមួយនឹងវិទ្យុអាស៊ីសេរីថា កាលបាញ់សម្លាប់លោកបណ្ឌិត កែម ឡី គឺមានការរៀបចំដោយរដ្ឋអំណាចនៅពីក្រោយខ្នងក្នុងអំពើឃាតកម្មនេះ ហើយក៏មិនដែលចាប់បានមុខឃាតករពិតដែល គឺមានតែចាប់មនុស្សយកមកទទួលកំហុសជំនួស។
វីដេអូសំឡេងរបស់លោក សម រង្ស៊ី បន្តនិយាយថា ចង់បណ្តឹងទៅដល់ណាបណ្តឹងទៅ លោកមិនខ្លាចទេ ហើយលោកមិនមានជំនឿទុកចិត្តលើតុលាការប្រទេសកម្ពុជាទេ ហើយបើចង់បណ្តឹង សូមមកបណ្តឹងតុលាការប្រទេសបារាំងមក ពីព្រោះឯករាជជាង។ មន្ត្រីនគរបាលបច្ចេកទេសកោសល្យវិច័យបានមកបញ្ជាក់ចំពោះមុខតុលាការថា រូបភាព សំឡេងសម្ភាសន៍នៅវិទ្យុអាស៊ីសេរី ពិតជារបស់លោក សម រង្ស៊ី ពិតមែន។
លោកមេធាវី គី តិច ការពារឲ្យសម្តេច ហ៊ុន សែន បានសន្និដ្ឋានថា នេះជាអំពើបរិហារកេរ្តិ៍ជាសាធារណៈ និងអំពើញុះញង់ឲ្យប្រព្រឹត្តអំពើបង្កឲ្យមានភាពវឹកវរធ្ងន់ធ្ងរដល់សន្តិសុខសង្គម ហើយសូមសំណុំពរឲ្យលោកចៅក្រមផ្តន្ទាទោសលោក សម រង្ស៊ី ទៅតាមផ្លូវច្បាប់ និងសូមឲ្យលោក សម រង្ស៊ី សងសំណងជំងឺចិត្តទៅដើមបណ្តឹងចំនួន១០០រៀល។
ទោះជាយ៉ាងណាលោកចៅក្រម អ៊ី ឋាវរៈ បានសម្រេចលើកពេលប្រកាសសាលក្រមរឿងក្តីខាងលើនេះនៅព្រឹកថ្ងៃទី៣០ មីនា ២០១៧ ខាងមុខនេះ។
ព័ត៌មានពិស្តារនឹងផ្សាយជូននៅលើកាសែតកោះសន្តិភាព ៕
ចែករំលែកព័តមាននេះ