កូនប្រសារថ្លើមខ្មៅចិត្តពាលកា.ប់ម្តាយក្មេកឱ្យរបួសធ្ងន់
ខេត្តឧត្តរមានជ័យ ៖ ស្ត្រីវ័យចំណាស់ម្នាក់រងរបួសធ្ងន់ ខណៈឃើញកូនៗប្រុស-ស្រីទាំង២នាក់ឈ្លោះប្រកែកគ្នាក៏ដើទៅឃាត់
ខេត្តឧត្តរមានជ័យ ៖ ស្ត្រីវ័យចំណាស់ម្នាក់រងរបួសធ្ងន់ ខណៈឃើញកូនៗប្រុស-ស្រីទាំង២នាក់ឈ្លោះប្រកែកគ្នាក៏ដើទៅឃាត់ ស្រាប់តែកូនប្រសារប្រុសប្រើហិង្សាទាញពូថៅមកកាប់កាលពីវេលាម៉ោង៤ល្ងាច ថ្ងៃទី១៦ មីនា ។ ហេតុការណ៍នេះកើតឡើងនៅភូមិត្រពាំងទូង សង្កាត់កូនគ្រៀល ក្រុងសំរោង ។
ស្ត្រីរងគ្រោះឈ្មោះ ឡាច អ៊ុំ អាយុ៦៧ឆ្នាំ ចំណែកកូនប្រសារឈ្មោៈ ធន់ ចន្ធី ភេទប្រុស អាយុ២៩ឆ្នាំ រសនៅក្នុងភូមិ-សង្កាត់ជាមួយនឹងស្ត្រីរងគ្រោះខាងលើត្រូវប៉ូលិសធ្វើការឃាត់ខ្លួនភ្លាមៗនៅពេលកើតហេតុ ។ ប៉ូលិសក្រុងសំរោងបានឱ្យដឹងថា មុនពេលកើតហេតុបុរសរូបនេះបានផឹកស្រារស្រវឹងហើយរករឿងប្រពន្ធកូនឈ្លោះប្រកែកគ្នាយ៉ាងតឹងសរសៃករៀងខ្លួន ខណៈម្តាយក្មេកដែលជាជនរងគ្រោះខាងលើបានឮកូនៗប្រកែកគ្នាក៏ដើទៅហាមឃាត់ស្រាប់តែកូនប្រសារប្រុសទាញពូថៅមកកាប់ម្តាយក្មេកចំនួន២ពូថៅបណ្តាលឱ្យរងរបួសធ្ងន់ធ្ងរនាំយកទៅសង្គ្រោះនូវមន្ទីរពេទ្យខេត្ត ។
ប៉ូលិសក្រុងបានបន្តថា ក្រោយពីកើតហេតុសមត្ថកិច្ចប៉ូលិសបានចុះទៅដល់នឹងកន្លែងកើតហេតុភ្លាមៗឃាត់ខ្លួនជនដៃដល់ជាកូនប្រសារនាំមកអធិការក្រុងដើម្បីធ្វើការសាកសួរ យោងទៅលើការសាកសួរជននេះបានឆ្លើយសារាភាពថា ខ្លួនពិតជាបានកាប់ម្តាយក្មេកពិតមែននឹងយោងតាមវត្ថុតាងពូថៅរួមទាំងចម្លើយសមត្ថកិច្ចបានកសាងសំណុំរឿងទៅតុលាការអមសាលាដំបូងខេត្តចាត់ការទៅតាមនីតិវិធីច្បាប់ ៕
ចែករំលែកព័តមាននេះ