ក្រោយការផ្ទុះមួយនៃភ្នំភ្លើង ETNA នៅស៊ីស៊ីលភាគខាងត្បូងអីុតាលី កាលពីថ្ងៃទី១៦ មីនា មនុស្ស១០នាក់ជាអ្នកទេសចរ អ្នកកាសែត និងអ្នកវិទ្យាសាស្ត្រ រងរបួសស្រាលមកពីវាបញ្ចេញភ្លើងដុំថ្មកំពុងរលាយ និង
ក្រោយការផ្ទុះមួយនៃភ្នំភ្លើង ETNA នៅស៊ីស៊ីលភាគខាងត្បូងអីុតាលី កាលពីថ្ងៃទី១៦ មីនា មនុស្ស១០នាក់ជាអ្នកទេសចរ អ្នកកាសែត និងអ្នកវិទ្យាសាស្ត្រ រងរបួសស្រាលមកពីវាបញ្ចេញភ្លើងដុំថ្មកំពុងរលាយ និងចំហាយក្តៅលើពួកគេ ។ ភ្នំភ្លើងនេះមានសកម្មភាពឡើងវិញតាំងពីដើមខែមីនាមក ។
យោងតាមបណ្តាសារព័ត៌មានអីុតាលីថា អ្នករបួស៦នាក់ត្រូវបញ្ជូនទៅមន្ទីរពេទ្យមកពីត្រូវដុំថ្មត្រង់ក្បាល ។ ក្រុមអ្នកកាសែតរបស់ BBC និងបណ្តាអ្នកទេសចរ រួមទាំងបណ្តាអ្នកវិទ្យាសាស្ត្រខាងភ្នំភ្លើងរងការប៉ះពាល់ដោយការផ្ទុះនេះ ។
លោកស្រី REBECCA MORELLE អ្នកយកព័ត៌មានផ្នែកវិទ្យាសាស្ត្ររបស់ BBC រៀបរាប់តាម TWITTER ថា នេះជាបទពិសោធន៍មួយដែលខ្ញុំពុំចង់ឃើញទៀតទេ ។ ដូចអ្នកកាសែតឯទៀតៗ ព្រមទាំងអ្នកទេសចរ និងអ្នកវិទ្យាសាស្ត្រលោកស្រីក៏ត្រូវរបួសស្រាលដែរ ដោយសារភ្លៀងថ្មក្តៅជះចេញពីមាត់ភ្នំភ្លើង ហើយធ្លាក់មករួមជាមួយចំហាយក្តៅ ។ លោកស្រីបន្តថា ពិតជាគួរឱ្យភ័យខ្លាចបំផុត ។ ក្រុមរបស់លោកស្រីគ្រាន់តែរលាត់សាច់ និងរលាកតែភ័យខ្លាំងណាស់ ។ លោកស្រីសរសើរដល់សកម្មភាពយ៉ាងមានប្រសិទ្ធភាពរបស់បណ្តាមគ្គុទេសក៍ និងពួកអ្នកជួយសង្គ្រោះ ។
ភ្នំភ្លើង ETNA ផ្ទុះជាថ្មីកាលពីយប់ថ្ងៃទី១៥ មីនា ។ ទោះបីយ៉ាងណា សកម្មភាពថ្មីៗនេះរបស់ភ្នំភ្លើងពុំបង្កការរាំងស្ទះដល់ការហោះហើររបស់យន្តហោះឡើយ រួចសម្រាប់ពេលនេះក៏ពុំបង្កបញ្ហាដល់ប្រជាជនរស់នៅជុំវិញភ្នំភ្លើងនេះដែរ ពិសេសប្រជាជនទីក្រុង CATANE ជាទីក្រុងធំទី២នៅតំបន់ស៊ីស៊ីល ៕
ចែករំលែកព័តមាននេះ