ការសម្លា.ប់យ៉ាងសាហា.វ សពស្ត្រីរងគ្រោះអាក្រាត ត្រូវកា.ប់ជាច្រើនពូថៅ
ខេត្តឧត្តរមានជ័យ ៖ ឃាតក.ម្មដ៏ព្រៃ.ផ្សៃមួយបានកើតឡើងបង្កឱ្យស្ត្រីម្នាក់ស្លា.ប់ទាំង អាក្រាតកាយដួលដេកក្នុងថ្លុកឈាមយ៉ាងអាណោចអាធ័ម
ខេត្តឧត្តរមានជ័យ ៖ ឃាតកម្មដ៏ព្រៃផ្សៃមួយបានកើតឡើងបង្កឱ្យស្ត្រីម្នាក់ស្លាប់ទាំង អាក្រាតកាយដួលដេកក្នុងថ្លុកឈាមយ៉ាងអាណោចអាធ័មដោយមានស្នាមកាប់ជាច្រើនពូថៅកាលពីរំលងអធ្រាត្រឈានចូលថ្ងៃទី១៥ មីនា ។ ការកាប់សម្លាប់ដ៏សាហាវនេះ ត្រូវបានដាក់ការសង្ស័យថា ជារឿងគំនុំ រួមនឹងការរំលោភសេពសន្ថវៈរួចសម្លាប់ ដែលករណីនេះកើតឡើងនៅក្នុងភូមិអូរជីក ឃុំផ្អាវ ស្រុកត្រពាំងប្រាសាទ ។
ស្ត្រីរងគ្រោះឈ្មោះជុន ច្រឹប អាយុ៤៥ឆ្នាំមានប្តីឈ្មោះ នឹប ប៊ុនខ្លី អាយុ៥១ឆ្នាំរស់នៅក្នុងភូមិឃុំកើតហេតុខាងលើ ។ ចំណែកឃាតករចិត្តសាហាវព្រៃផ្សៃ សមត្ថកិច្ចពុំទាន់បានវែកមុខនៅឡើយទេ ។
តាមសម្តីអ្នកភូមិនិយាយថា មុនពេលកើតហេតុនៅវេលាម៉ោង៦ល្ងាចគេឃើញស្ត្រីរងគ្រោះសម្រាន្តនៅក្នុងផ្ទះរបស់ខ្លួនជាធម្មតា ចំណែកប្តីគាត់ជាប់រវល់ចេញទៅព្រៃនៅតាមជួរភ្នំដងរែក ។ ប្រភពបានបញ្ជាក់ថា លុះព្រឹកឡើងមានបុរសម្នាក់បើកគោយន្តកន្ត្រៃមកដឹកដំឡូងមីឱ្យស្ត្រីរងគ្រោះ ពេលមកដល់ផ្ទះរកម្ចាស់មិនឃើញក៏ដើររក ស្រាប់តែប្រទះឃើញសពស្ត្រីរងគ្រោះដេកស្លាប់នៅចម្ងាយប្រមាណ២០ម៉ែត្រពីផ្ទះក៏ឆោឡោភ្ញាក់ផ្អើលដល់អ្នកភូមិ និងបានរាយការណ៍ទៅសមត្ថកិច្ចមកពិនិត្យសព។
ជុំវិញករណីឃាតកម្មនេះមន្ត្រីប៉ូលិសស្រុកត្រពាំងប្រាសាទបានឱ្យដឹងជាជំហានដំបូងថា ពេលកម្លាំងសមត្ថកិច្ចចុះមកដល់កន្លែងកើតហេតុ ឃើញស្ត្រីរងគ្រោះដេកស្លាប់ផ្កាប់មុខក្នុងថ្លុកឈាមក្នុងស្ថានភាពអាក្រាតកាយដោយស្នាមកាប់ជាច្រើនកន្លែង ហើយមន្ត្រីមូលដ្ឋានមិនទាន់ធ្វើការសន្និដ្ឋាននៅឡើយទេរង់ចាំមន្ត្រីជំនាញខេត្តមកពិនិត្យនិងវាយតម្លៃជាមុនសិន ។
តាមព័ត៌មានចុងក្រោយបានឱ្យដឹងថា ជនសង្ស័យក្នុងការសម្លាប់នេះឈ្មោះ សិត សារ៉ាត ភេទប្រុស អាយុ៣៤ឆ្នាំ ត្រូវបានចាប់ខ្លួនក្រោយពីការត្រួតពិនិត្យសពឃើញថា មានស្នាមកាប់ដោយពូថៅចំនួន១២កន្លែង ។
តាមការបំភ្លឺនៅជុំវិញកន្លែងកើតហេតុ សមត្ថកិច្ចបានកំណត់មុខសញ្ញា គឺបុរសជាកូនធម៌មកពីខេត្តកំពង់ស្ពឺ ដែលមកនៅជាមួយជនរងគ្រោះជាង១ខែមកហើយ ដោយរកស៊ីឡើងភ្នំកាប់គ្រញូងជាមួយប្តីស្ត្រីរងគ្រោះ ។ បន្ទាប់ពីកំណត់មុខសញ្ញាបានហើយ ក៏ស្វែងរកឃាត់ខ្លួនជនសង្ស័យដំបូងចំនួន៣នាក់ ប៉ុន្តែនៅពេលស្រាវជ្រាវសាកសួរបង្ហាញថា២នាក់ពុំមានការពាក់ព័ន្ធក៏បានឲ្យត្រឡប់ទៅផ្ទះវិញ ។
ដោយឡែក ជនសង្ស័យដែលមានទីលំនៅក្នុងភូមិត្រពាំងខ្យា ឃុំស្វាយរំពារ ស្រុកបរសេដ្ឋ ខេត្តកំពង់ស្ពឺ ត្រូវបានឃាត់ខ្លួននិងសាកសួរហើយបានឆ្លើយសារភាពថា ខ្លួនពិតជាបានសម្លាប់ជនរងគ្រោះប្រាកដមែន ។
ជននេះសារភាពថា មូលហេតុដោយសារខឹងប្តីជនរងគ្រោះដែលជាឪពុកធម៌មើលងាយខ្លួនថា ចិញ្ចឹមខ្លួនជាមនុស្សអន់ជាងចិញ្ចឹមឆ្កែ និងចិញ្ចឹមឆ្កែវាស្គាល់ម្ចាស់ តែបើអាមួយនេះ(សំដៅមកលើខ្លួន)ថ្ងៃណាមួយវាបែរខាំវិញ ។ ដោយសារតែឮអ្នកភូមិនិយាយប្រាប់ដូច្នេះក៏មានកំហឹង ម្យ៉ាងដោយខ្លួនជំពាក់ប្រាក់ជនរងគ្រោះជាង ១លានរៀលផង ហើយស្រវឹងស្រា និងជក់ថ្នាំញៀនផង ទើបគិតខ្លីឈានដល់ការប្រព្រឹត្តបែបនេះតែម្តង ។
ឃាតកររូបនេះនិយាយថា នៅថ្ងៃទី១៥ ខែមីនា ពេលខ្លួនចុះពីកាប់ឈើនៅលើភ្នំ បានជុំគ្នាផឹកស្រាបៀរ៤ទៅ៥នាក់ អស់ស្រាបៀរជាច្រើនកេស។ ការផឹកនោះរហូតដល់ម៉ោង៨ទៅ៩យប់ខ្លួនក៏ដើរទៅ់ផ្ទះជនរងគ្រោះដែលត្រូវជាម្តាយធម៌ គឺទៅម្នាក់ឯងទាំងយប់ ។ ពេលទៅដល់ខ្លួនចូលតាមទ្វារមុខ ដោយគោះទ្វារឲ្យជនរងគ្រោះបើកទ្វារឲ្យដោយខ្លួនដឹងថា ប្តីជនរងគ្រោះមិននៅផ្ទះទេគឺឡើងភ្នំបាត់ហើយ ។
នៅពេលចូលដល់បានសួររកលុយពីជនរងគ្រោះ ក៏កើតការប្រវាយប្រតប់គ្នា ហើយជនរងគ្រោះរត់ចុះដីសំដៅទៅថ្នល់ ខ្លួនក៏ដេញតាមដោយយកពូថៅនៅរានបាយកាប់ជនរងគ្រោះសម្លាប់តែម្តងព្រោះខ្លាចបែកការណ៍ ។ ក្រោយពីកាប់ជាច្រើនពូថៅស្លាប់ហើយនោះ ខ្លួនបានដើរមកយកឡាំងផ្កាឈូករបស់ជនរងគ្រោះ ទៅដងទឹកលាងជើង លាងដៃ និងពូថៅ រួចយកពូថៅទៅទុកនៅកន្លែងដើមវិញ។
តាមការសារភាពនេះបង្ហាញថា មិនមែនជាការចាប់រំលោភទេ ឯសពដែលមានភាពអាក្រាតនោះដោយសារតែពេលយប់ស្លៀកសំពត់ចោមពុង លុះពេលមានការប្រទូស្តរ៉ាយហើយរត់ និងត្រូវកាប់ដោយពូថៅ ក៏ដួលស្លាប់របូតសារុងបែបនេះទៅ ៕
ចែករំលែកព័តមាននេះ