ជនជាតិតួកគីម្នាក់ធ្វើឱ្យសមត្ថកិច្ចនិងប្រជាពលរដ្ឋអន្តរាគមន៍ដោយសារ…
ខេត្តព្រះសីហនុ ៖ នៅវេលាម៉ោង១៤ ថ្ងៃទី១៦ មីនា នៅភូមិ៤ សង្កាត់៤ ក្រុង-ខេត្តព្រះសីហនុ មានករណីប៉ុនប៉ងមនុស្សឃាត
ខេត្តព្រះសីហនុ ៖ នៅវេលាម៉ោង១៤ ថ្ងៃទី១៦ មីនា នៅភូមិ៤ សង្កាត់៤ ក្រុង-ខេត្តព្រះសីហនុ មានករណីប៉ុនប៉ងមនុស្សឃាត
ខេត្តព្រះសីហនុ ៖ នៅវេលាម៉ោង១៤ ថ្ងៃទី១៦ មីនា នៅភូមិ៤ សង្កាត់៤ ក្រុង-ខេត្តព្រះសីហនុ មានករណីប៉ុនប៉ងមនុស្សឃាតមួយកើតឡើងដែលបង្កឱ្យមានការភ្ញាក់ផ្អើលជាខ្លាំង និងបន្ទាប់ពីបានទទួលដំណឹងកម្លាំងការិយាល័យកណ្តាលនគរបាលព្រហ្មទណ្ឌសហការណ៍ជាមួយកម្លាំងអធិការដ្ឋាននគរបាលក្រុងព្រះសីហនុ និងកម្លាំងនគរបាលចរាចរណ៍ផ្លូវគោកបានចុះទៅដល់កន្លែងកើតហេតុ និងធ្វើការឃាត់ខ្លួនបាជនសង្ស័យម្នាក់ឈ្មោះ MEHMET TEKOGLU ភេទប្រុស អាយុ៤២ឆ្នាំ ជនជាតិតួគី ជាអាជីវកម្មផ្ទះសំណាក់ អឹមខេស៊ីធី ស្នាក់នៅក្រុមទី១៧ ភូមិ៤ សង្កាត់៤ ក្រុងព្រះសីហនុ ។
ជនរងគ្រោះឈ្មោះ OZTURK ភេទប្រុស អាយុ៣៨ឆ្នាំ ជនជាតិតួគី ជាអាជីវកម្មផ្ទះសំណាក់ ស្នាក់នៅ ភូមិ២ សង្កាត់៤ ក្រុងព្រះសីហនុ វត្ថុតាងចាប់បានរួមមាន ៖ ដំបងឬស្សីប្រវែងកន្លះម៉ែត្រ១ដើម, ម៉ូតូម៉ាក អែរប្លែដ ពណ៌ខ្មៅ១គ្រឿង លេខម៉ាស៊ីន 0378390 ដែលជាយាន្តជនបង្កជិះបុកជនរងគ្រោះ ។ សកម្មភាពជនសង្សយ័បានជិះម៉ូតូដេញបុកម៉ូតូរបស់ជនរងគ្រោះពីក្រោយបណ្តាលឱ្យដួលហើយជនសង្ស័យបានវាយជនរងគ្រោះបន្ថែមទៀត បន្ទាប់មកក៏បានប្រតាយប្រតប់គ្នាក្នុងខណៈនោះមានប្រជាពលរដ្ឋ និងសមត្ថកិច្ចមកធ្វើអន្តរាគម និងឃាត់ខ្លួនតែម្តង ។
ចំពោះជនសង្ស័យកន្លងមកនៅឆ្នាំ២០១៣ធ្លាប់ជាប់ពន្ធនាគាររយៈពេល១ឆ្នាំពីបទហិង្សាវាយជនជាតិអ៊ីស្រាអែល ពេលចេញពីពន្ធនាគាហើយជនសង្ស័យនេះតែងតែប្រើហិង្សាទៅលើជនបរទេសជាបន្តបន្ទាប់ ។ បច្ចុប្បន្នជនសង្ស័យ និងវត្ថុតាងកម្លាំងជំនាញកំពុងបន្តនីតិវិធីបញ្ជូនទៅសាលាដំបូងខេត្តចាត់ការតាមច្បាប់ ៕
ចែករំលែកព័តមាននេះ