មុខសញ្ញាចាស់ដដែលពេលកំពុងធ្វើសកម្មភាពត្រូវ…
ខេត្តបាត់ដំបង ៖ ក្រុមប្រព្រឹត្តិបទល្មើសនេសាទចំនួន៦នាក់ត្រូវកម្លាំងសមត្ថកិច្ចចម្រុះស្រុកឯកភ្នំឃាត់ខ្លួន ពេលកំពុងធ្វើសកម្មភាពឆក់ត្រី
ខេត្តបាត់ដំបង ៖ ក្រុមប្រព្រឹត្តិបទល្មើសនេសាទចំនួន៦នាក់ត្រូវកម្លាំងសមត្ថកិច្ចចម្រុះស្រុកឯកភ្នំឃាត់ខ្លួន ពេលកំពុងធ្វើសកម្មភាពឆក់ត្រីនៅក្នុងបឹងមួយកន្លែងក្នុងភូមិព្រែកហ្លួង ឃុំព្រែកហ្លួង ស្រុកឯកភ្នំ កាលពីវេលាម៉ោងជាង៩ព្រឹក ថ្ងៃទី១៦ មីនា ។ ពួកគេមានមុខរបនេសាទរស់នៅក្នុងភូមិអូរកំបុត ឃុំព្រែកខ្ពប ស្រុកឯកភ្នំ ក្រុមឆក់ត្រីនេះត្រូវកម្លាំងចម្រុះរបស់អាជ្ញាធរស្រុកឯកភ្នំចុះបង្ក្រាបបាននៅចំនុចបឹងក្រសារ ស្ថិតក្នុងភូមិ ឃុំខាងលើ ក្រោយពីមានសេចក្ដីរាយការណ៍ថា ក្រុមនេះតែងលើកគ្នាទៅលួចឆក់ត្រីនៅតំបន់ហាមឃាត់ខាងលើ ។
ជនទាំង៦នាក់មាននោះទី១-ឈ្មោះ ណែម ណាន អាយុ៤១ឆ្នាំ, ទី២-ឈ្មោះ យី រិទ្ធី អាយុ៥២ឆ្នាំ, ទី៣-ឈ្មោះ រ៉េត ណាន់ អាយុ៣៧ឆ្នាំ, ទី៤-ឈ្មោះ ពោ ផា អាយុ២៦ឆ្នាំ, ទី៥-ឈ្មោះ ពេជ្រ ញ៉ា អាយុ២៥ឆ្នាំ និងទី៦-ឈ្មោះ ហម ហ៊ត អាយុ៤៧ឆ្នាំ ។ មន្ត្រីកងរាជអាវុធហត្ថបានឲ្យដឹងថា ជនសង្ស័យទាំង៦នាក់ខាងលើនេះត្រូវបានឃាត់ខ្លួនពេលកំពុងធ្វើសកម្មភាពជាក់ស្ដែង ហើយក៏ជាមុខសញ្ញាដដែលៗ ដែលតែងប្រព្រឹត្តិបទល្មើសនេសាទតាមរយ:ការប្រើឧបករណ៍ឆក់ ។ មន្ត្រីដដែលបានបញ្ជាក់ថា កម្លាំងចម្រុះបានបញ្ជូនខ្លួនពួកគេទៅកាន់សាលាស្រុកឯកភ្នំ រួមទាំងសម្ភារសម្រាប់ប្រព្រឹត្តិបទល្មើសផង ប៉ុន្តែអាជ្ញាធរមិនបានដាក់ទោសទណ្ឌទេគ្រាន់តែធ្វើការអប់រំហើយធ្វើកិច្ចសន្យាបញ្ឈប់ធ្វើសកម្មភាព តែត្រូវដកហូតយកសម្ភារបទល្មើស ។
សូមបញ្ជាក់ថា ប៉ុន្មានខែចុងក្រោយនេះសកម្មភាពបង្ក្រាបបទល្មើសនេសាទបានធ្វើឡើងយ៉ាងផុសផុល រឹបអូសឧករណ៍ល្មើសច្បាប់យ៉ាងច្រើនសន្ធឹកសន្ធាប់ តែចំពោះជនល្មើសឬម្ចាស់ឧបករណ៍នេសាទខុសច្បាប់រហូតដល់ពេលនេះគេនូវមិនទាន់ឃើញជនណាម្នាក់ត្រូវបានចាប់ខ្លួននោះទេ ។ ផ្ទុយទៅវិញបទល្មើសនេសាទនៅតែកើតមានពាសពេញព្រៃរនាមតំបន់ទន្លេសាបដដែល នេះបើតាមការអះអាងពីប្រជានេសាទនៅស្រុកឯកភ្នំ និងបណ្ដាស្រុកដទៃទៀតជាប់បឹងទន្លេសាប ៕
ចែករំលែកព័តមាននេះ