នៅក្នុងការរស់នៅប្រចាំថ្ងៃ ឪពុកម្តាយតែងតែមានការផ្គត់ផ្គង់កូនចៅចំពោះលុយកាក់សម្រាប់ការរស់នៅរបស់ពួកគេ។ ដោយមានការផ្គត់ផ្គង់ពីឪពុកម្តាយកូនៗខ្លះក៏មិនប្រឹងប្រែងរកការងារធ្វើដើម្បីចិញ្ចឹមខ្លួនឯង។
សម្រាប់មនុស្សចេះដឹង លុយដែលបានដោយមិនធ្វើការងារអ្វីនោះត្រូវបានគេចាត់ទុកជាលុយប្រកបដោយការឈឺចាប់ ឬប្រៀបដូចជាថ្នាំញៀន0x017d7 តើហេតុអ្វីបានជាគេថា វាជាលុយគួរឱ្យឈឺចាប់ ហើយវាប្រៀបដូចជាថ្នាំញៀន?
នៅពេលមនុស្សពិសេសយុវជន និងយុវតីបានទទួលលុយដោយមិនបាច់ធ្វើការងារនោះ ពួកគេមិនស្គាល់អំពីការលំបាកនៃការរកលុយឡើយ។ ម្ឡ៉ោះហើយ ពួកគេក៏មិនស្គាល់អំពីតម្លៃនៃលុយហើយចាយលុយយ៉ាងខ្ជះខ្ជាយ។ ពេលដែលអស់លុយចាយវាយ ពួកគេក៏នឹកឃើញត្រឹមតែសុំពីឪពុកម្តាយ។ ពួកគេញៀននឹងការសុំលុយទៅហើយដោយមិនគិតអំពីអនាគតកាលដែលត្រូវរស់ដោយខ្លួនឯង។
ដូច្នេះវាចាំបាច់ដែលមានការអប់រំមនុស្សអោយស្គាល់ថា គ្មានអ្វីដែលមិនត្រូវបង់លុយនោះទេ “No free lunch”។ ដូច្នេះមនុស្សគ្រប់គ្នាត្រូវចេះរកលុយដោយខ្លួនឯងហើយមិនត្រូវផ្តេកផ្តួលទៅលើអ្នកផ្សេង ឬក៏អាណាព្យាបាលទេ។
ការអប់រំមនុស្សឱ្យរឹងពឹងដោយខ្លួនឯង គឺជាភាពចាំបាច់ ដើម្បីពួកគេអាចរស់នៅដោយឯករាជ្យ និងប្រកបដោយនិរន្តភាព។
ចូរកុំឱ្យត្រីដល់ពួកគេ ប៉ុន្តែប្រាប់ពួកគេអំពីបឹងដែលមានត្រីនិងរបៀបរកត្រី។
ចែករំលែកព័តមាននេះ