សមត្ថកិច្ចដុតដៃដុតជើងស្រាវជ្រាវឃាត់ខ្លួនជនសង្ស័យ២នាក់ជាប់ចោទពីបទ…
ខេត្តព្រះសីហនុ ៖ នៅវេលាម៉ោង២និង៣០នាទីរសៀល ថ្ងៃទី១៥ មីនា កម្លាំងជំនាញមន្ទីរយុត្តិធម៌ចំនួន៦នាក់
ខេត្តព្រះសីហនុ ៖ នៅវេលាម៉ោង២និង៣០នាទីរសៀល ថ្ងៃទី១៥ មីនា កម្លាំងជំនាញមន្ទីរយុត្តិធម៌ចំនួន៦នាក់ ដឹកនាំដោយលោកវរសេនីយិ៍ទោ ឆេង វុទ្ធី ប្រធានមន្ទីរយុត្តិធម៌នៃទីបញ្ជាការកងរាជអាវុធហត្ថខេត្ត បានធ្វើការឃាត់ខ្លួនជនសង្ស័យចំនួន២នាក់ ពាក់ព័ន្ធករណីលួចមានស្ថានទម្ងន់ទោស ដែលបានប្រព្រឹត្តិ នៅចំណុចក្រុម១៤ ភូមិ២ សង្កាត់៤ ក្រុងព្រះសីហនុ ។ លោកវរសេនីយ៍ទោបានបញ្ជាក់ឲ្យដឹងថា ជនសង្ស័យដែលសមត្ថកិច្ចកងរាជអាវុធហត្ថឃាត់ខ្លួននៅពេលវេលាខាងលើមានទី១-ឈ្មោះ ខៀវ ភារម្យ ភេទប្រុស អាយុ២៨ឆ្នាំ មុខរបរមិនពិតប្រាកដ ទីលំនៅបច្ចុប្បន្នមិនពិតប្រាកដ, ទី២-ឈ្មោះ ធឿន មករា ភេទប្រុស អាយុ៣០ឆ្នាំ មុខរបរមិនពិតប្រាកដ ទីលំនៅបច្ចុប្បន្នមិនពិតប្រាកដ ។
លោកវរសេនីយ៍ទោបានបញ្ជាក់ឲ្យដឹងថា ការឃាត់ខ្លួនជនសង្ស័យទាំងពីរនាក់ខាងលើដោយ យោងតាមពាក្យបណ្តឹងរបស់ជនរងគ្រោះឈ្មោះ មួយ ទាវ ភេទស្រី អាយុ៥៨ឆ្នាំ ជាអាជីវករលក់ដូរ មានទីលំនៅក្រុម១៤ ភូមិ២ សង្កាត់៤ ក្រុងព្រះសីហនុ ។ វត្ថុតាងដកហូតបានមាន ធុងហ្គាស់ចំនួន៥ កន្ទុយម៉ាស៊ីនត្រជាក់ចំនួន១ កន្ត្រៃកាត់ដែកចំនួន១ និងកូនសោរមួយចំនួនទៀត ។ បច្ចុប្បន្នជនសង្ស័យទាំង២នាក់ខាងលើ និងវត្ថុតាងត្រូវបានកម្លាំងជំនាញមន្ទីរស្រាវជ្រាវយុត្តិធម៌ នៃទីបញ្ជាការកងរាជអាវុធហត្ថខេត្តកំពុងធ្វើការសាកសួរដើម្បីកសាងសំណុំរឿងបញ្ជូនទៅសាលាដំបូងខេត្ត ៕
ចែករំលែកព័តមាននេះ